ជាតិ
ជប៉ុនគ្រោងបើកស្ថានកុងស៊ុលនៅខេត្តសៀមរាប
×
ស្ថានទូតជប៉ុនប្រចាំប្រទេសកម្ពុជា គ្រោងនឹងបើកស្ថានកុងស៊ុលរបស់ខ្លួន ប្រចាំខេត្តសៀមរាប នាដើមឆ្នាំ២០១៨ខាងមុខនេះ។ ស្ថានកុងស៊ុលនេះ សំដៅពង្រឹងកិច្ចសហប្រតិបត្តិបន្ថែមនូវភាពជាដៃគូ រវាងកម្ពុជា និងជប៉ុន។
តាមលោករដ្ឋមន្ត្រីក្រសួងទេសចរណ៍ លោក ថោង ខុន ដែលថ្លែងក្នុងពិធីបើកពិព័រណ៍ទេសចរណ៍លើកទី១របស់ជប៉ុននៅកម្ពុជា នាថ្ងៃទី១១ ខែវិច្ឆិកា ជប៉ុនគ្រោងបើកស្ថានកុងស៊ុលនៅខេត្តសៀមរាប នៅខែមករា ឆ្នាំ២០១៨។ ការបើកស្ថានកុងស៊ុលនេះ គឺដើម្បីពង្រឹងបន្ថែមនូវភាពជាដៃគូយុទ្ធសាស្ត្ររវាងកម្ពុជា និងជប៉ុន។
ការបើកសម្ពោធពិព័រណ៍ទេសចរណ៍លើកទី១នៅកម្ពុជា ក្នុងនោះក៏មានអមនូវការប្រារព្ធខួបមួយឆ្នាំនៃការហោះហើរ របស់ក្រុមហ៊ុនអាកាសចរណ៍ ANA មកកាន់កម្ពុជាផងដែរ។ លោក ថោង ខុន បានថ្លែងថា ជប៉ុនជាដៃគូវិនិយោគពាណិជ្ជកម្មទេសចរណ៍ និងជាម្ចាស់ជំនួយដ៏ធំសម្រាប់កម្ពុជា។ លោករដ្ឋមន្ត្រីបន្ថែមថា នៅឆ្នាំ២០១៦កន្លងទៅ វិនិយោគទុនជប៉ុននៅកម្ពុជាបានកើនឡើងមានចំនួនជាង ៨០០លានដុល្លារ៕
© រក្សាសិទ្ធិដោយ thmeythmey.com