ជាតិ
កម្ពុជា-ឡាវ ឯកភាពគ្នាបោះបង្គោលព្រំដែន១៤៥បង្គោលបន្ថែមទៀត នៅតំបន់មានជម្លោះ
×![]()
ដោយ: ធឿន បញ្ញាឬទិ្ធ
ភ្នំពេញ៖ កម្ពុជា-ឡាវ បានឯកភាពគ្នាបោះបង្គោលព្រំដែន១៤៥បង្គោលបន្ថែមទៀត នៅតំបន់ដែលមានភាពសាំញ៉ាំ និងមានជម្លោះកន្លងមក ដើម្បីពង្រឹងការពារតំបន់ព្រំដែនទាំងពីរ។ ការឯកភាពគ្នានេះធ្វើឡើងនៅក្នុងជំនួបទ្វេរភាគីរវាងសម្ដេចនាយករដ្ឋមន្ត្រី ហ៊ុន សែន និងលោកនាយករដ្ឋមន្ត្រីឡាវ លោក ថងលួង ស៊ីស៊ូលីត ក្រោយកិច្ចប្រជុំអាស៊ានលើកទី៣១ និងកិច្ចប្រជុំអាស៊ានពាក់ព័ន្ធ នៅទីក្រុងម៉ានីល ប្រទេសហ្វីលីពីន កាលពីថ្ងៃទី១២ វិច្ឆិកា។
ក្នុងជំនួបពិភាក្សាគ្នានេះ ប្រមុខរដ្ឋាភិបាលនៃប្រទេសទាំងពីរ បានលើកយកបញ្ហាព្រំដែនមកដោះស្រាយរួមគ្នា។ បន្ថែមពីនេះនាយករដ្ឋមន្ត្រីកម្ពុជា-ឡាវ បានឯកភាពគ្នាទទួលយកតាមសំណើររបស់ប្រធានាធិបតីបារាំង ដោយបានចុះហត្ថលេខាស្នើដល់ភាគីបារាំង បញ្ជួនអ្នកឯកទេសបារាំង ដើម្បីចូលមកធ្វើការជាមួយភាគីកម្ពុជា និងឡាវផងដែរ។ កម្ពុជា-ឡាវ បានយល់ព្រមអនុញ្ញាតឲ្យក្រសួងការបរទេសនៃប្រទេសទាំងពីរ ទទួលស្វាគមន៍អ្នកឯកទេសព្រំដែនបារាំង ដើម្បីធ្វើការវាស់វែងខ្សែបន្ទាត់ព្រំដែនដែលនៅសេសសល់ទៀតផង។
បើតាមហ្វេសប៊ុកសម្ដេច ហ៊ុន សែន បានសរសេរដូច្នេះ៖«នៅក្នុងកិច្ចសន្ទនាគ្នានោះដែរ សម្តេចនាយករដ្ឋមន្ត្រី បានស្នើឲ្យមានការបោះបង្គោលចំនួន១៤៥បង្គោល ដើម្បីបោះបន្ថែមនៅតាមទីកន្លែងណាដែលមានភាពសាំញ៉ាំឲ្យបានញឹក ហើយការស្នើឡើងនោះ ត្រូវបានឯកភាពពីឯកឧត្តមនាយករដ្ឋមន្ត្រីឡាវផងដែរ»។
ទាក់ទងនឹងបញ្ហាព្រំដែននេះ រដ្ឋាភិបាលបារាំងរបស់លោក អេម៉ានុយអែល ម៉ាក្រុង បានយល់ព្រមបញ្ជូនអ្នកជំនាញមកជួយផ្ទេរផែនទីកម្ពុជា-ឡាវ តាមសំណើររបស់រដ្ឋាភិបាលទាំងពីរ ។ នេះបើតាមនាយករដ្ឋមន្ត្រី ហ៊ុន សែន លើកឡើងកន្លងមក។
ចំពោះមូលហេតុដែលរដ្ឋាភិបាលកម្ពុជា-ឡាវ ឯកភាពគ្នាស្នើឲ្យបារាំង បញ្ជូនអ្នកជំនាញផ្ទេរផែនទីខ្នាត១លើ១០០.០០០ មកផែនទីខ្នាត១លើ៥០.០០០ វិញ គឺដើម្បីប្រើប្រាស់ក្នុងការធ្វើខ្សែព្រំដែន។ ប្រមុខរដ្ឋាភិបាលកម្ពុជា ធ្លាប់បានសង្កត់ធ្ងន់ថា៖«មូលដ្ឋានដែលបារាំងផ្តល់ឲ្យ គឺផែនទីខ្នាត ១លើ១០០.០០០។ ប៉ុន្តែ ការធ្វើខ្សែព្រំដែន មិនអាចប្រើនូវខ្នាត ១លើ១០០.០០០ បានទេ ត្រូវប្រើខ្នាត១លើ៥០.០០០។ ដូច្នេះ វិធីដែលល្អជាងគេ គឺសូមអ្នកបច្ចេកទេសរបស់បារាំង មកជួយផ្ទេរផែនទី ពីខ្នាត ១លើ១០០.០០០ មកខ្នាត ១លើ៥០.០០០ ដែលជាផែនទីដើមរបស់បារាំង»។
សូមបញ្ជាក់ថា កាលពីខែសីហា ឆ្នាំ២០១៧ កន្លងទៅ កម្ពុជា មានបញ្ហាព្រំដែនជាមួយឡាវ។ មូលហេតុដែលបណ្ដាលឲ្យមានបញ្ហាព្រំដែននេះកើតឡើង ដោយសារតែកងទ័ពឡាវ បានចូលមកឈរជើងក្នុងតំបន់ក្បែរអូរអាឡៃ និងតំបន់អូរតាង៉ាវ ស្ថិតក្នុងខេត្តស្ទឹងត្រែង។ ប៉ុន្តែកងទ័ពទាំងនោះ សម្រេចដកចេញវិញ ក្រោយការចរចារវាងនាយករដ្ឋមន្ត្រីកម្ពុជា និងនាយករដ្ឋមន្ត្រីឡាវ៕
ក្នុងជំនួបពិភាក្សាគ្នានេះ ប្រមុខរដ្ឋាភិបាលនៃប្រទេសទាំងពីរ បានលើកយកបញ្ហាព្រំដែនមកដោះស្រាយរួមគ្នា។ បន្ថែមពីនេះនាយករដ្ឋមន្ត្រីកម្ពុជា-ឡាវ បានឯកភាពគ្នាទទួលយកតាមសំណើររបស់ប្រធានាធិបតីបារាំង ដោយបានចុះហត្ថលេខាស្នើដល់ភាគីបារាំង បញ្ជួនអ្នកឯកទេសបារាំង ដើម្បីចូលមកធ្វើការជាមួយភាគីកម្ពុជា និងឡាវផងដែរ។ កម្ពុជា-ឡាវ បានយល់ព្រមអនុញ្ញាតឲ្យក្រសួងការបរទេសនៃប្រទេសទាំងពីរ ទទួលស្វាគមន៍អ្នកឯកទេសព្រំដែនបារាំង ដើម្បីធ្វើការវាស់វែងខ្សែបន្ទាត់ព្រំដែនដែលនៅសេសសល់ទៀតផង។
បើតាមហ្វេសប៊ុកសម្ដេច ហ៊ុន សែន បានសរសេរដូច្នេះ៖«នៅក្នុងកិច្ចសន្ទនាគ្នានោះដែរ សម្តេចនាយករដ្ឋមន្ត្រី បានស្នើឲ្យមានការបោះបង្គោលចំនួន១៤៥បង្គោល ដើម្បីបោះបន្ថែមនៅតាមទីកន្លែងណាដែលមានភាពសាំញ៉ាំឲ្យបានញឹក ហើយការស្នើឡើងនោះ ត្រូវបានឯកភាពពីឯកឧត្តមនាយករដ្ឋមន្ត្រីឡាវផងដែរ»។
ទាក់ទងនឹងបញ្ហាព្រំដែននេះ រដ្ឋាភិបាលបារាំងរបស់លោក អេម៉ានុយអែល ម៉ាក្រុង បានយល់ព្រមបញ្ជូនអ្នកជំនាញមកជួយផ្ទេរផែនទីកម្ពុជា-ឡាវ តាមសំណើររបស់រដ្ឋាភិបាលទាំងពីរ ។ នេះបើតាមនាយករដ្ឋមន្ត្រី ហ៊ុន សែន លើកឡើងកន្លងមក។
ចំពោះមូលហេតុដែលរដ្ឋាភិបាលកម្ពុជា-ឡាវ ឯកភាពគ្នាស្នើឲ្យបារាំង បញ្ជូនអ្នកជំនាញផ្ទេរផែនទីខ្នាត១លើ១០០.០០០ មកផែនទីខ្នាត១លើ៥០.០០០ វិញ គឺដើម្បីប្រើប្រាស់ក្នុងការធ្វើខ្សែព្រំដែន។ ប្រមុខរដ្ឋាភិបាលកម្ពុជា ធ្លាប់បានសង្កត់ធ្ងន់ថា៖«មូលដ្ឋានដែលបារាំងផ្តល់ឲ្យ គឺផែនទីខ្នាត ១លើ១០០.០០០។ ប៉ុន្តែ ការធ្វើខ្សែព្រំដែន មិនអាចប្រើនូវខ្នាត ១លើ១០០.០០០ បានទេ ត្រូវប្រើខ្នាត១លើ៥០.០០០។ ដូច្នេះ វិធីដែលល្អជាងគេ គឺសូមអ្នកបច្ចេកទេសរបស់បារាំង មកជួយផ្ទេរផែនទី ពីខ្នាត ១លើ១០០.០០០ មកខ្នាត ១លើ៥០.០០០ ដែលជាផែនទីដើមរបស់បារាំង»។
សូមបញ្ជាក់ថា កាលពីខែសីហា ឆ្នាំ២០១៧ កន្លងទៅ កម្ពុជា មានបញ្ហាព្រំដែនជាមួយឡាវ។ មូលហេតុដែលបណ្ដាលឲ្យមានបញ្ហាព្រំដែននេះកើតឡើង ដោយសារតែកងទ័ពឡាវ បានចូលមកឈរជើងក្នុងតំបន់ក្បែរអូរអាឡៃ និងតំបន់អូរតាង៉ាវ ស្ថិតក្នុងខេត្តស្ទឹងត្រែង។ ប៉ុន្តែកងទ័ពទាំងនោះ សម្រេចដកចេញវិញ ក្រោយការចរចារវាងនាយករដ្ឋមន្ត្រីកម្ពុជា និងនាយករដ្ឋមន្ត្រីឡាវ៕
Tag:
ហ៊ុន សែន
ឡាវ
ព្រំដែន
© រក្សាសិទ្ធិដោយ thmeythmey.com
