រថយន្ត
×![]()
ដោយ: ធីតា
ក្រុមហ៊ុនដឹកអ្នកដំណើរអាមេរិក Uber បានប្រកាសពីកិច្ចសហប្រតិបត្តិការវិនិយោគ ដ៏យូរអង្វែងមួយ ជាមួយក្រុមហ៊ុនជប៉ុន SoftBank Group លើការពង្រីកសេវាកម្មដឹកអ្នកដំណើរតាមរយៈបច្ចេកវិទ្យា។ នេះបើតាមការផ្សាយរបស់ AFP ។
នៅមុនផែនការចេញលក់មូលបត្ររបស់ខ្លួនជាសាធារណៈ (IPO) នាឆ្នាំ២០១៩ ខាងមុខ ក្រុមហ៊ុន Uber បានប្រកាសថា ពូកគេបានឈានដល់កិច្ចព្រមព្រៀងមួយកាលពីថ្ងៃអាទិត្យ ក្នុងការលក់ភាគហ៊ុនទៅក្រុមហ៊ុនបច្ចេកវិទ្យា SoftBank Group របស់ជប៉ុន។
Uber បានចេញសេចក្តីថ្លែងការណ៍មួយកាលពីល្ងាចថ្ងៃអាទិត្យថា៖ «យើងបានឈានដល់កិច្ចព្រមព្រៀងដ៏មានសក្តានុពលមួយជាមួយក្រុមហ៊ុន SoftBank និង Dragoneer។ យើងជឿជាក់ថា កិច្ចព្រមព្រៀងនេះ ផ្តល់ទំនុកចិត្តដ៏រឹងមាំលើផែនការវិនិយោគដ៏យូរអង្វែងរបស់ Uber»។
ទោះបីជាយ៉ាងណាក៏ដោយ SoftBank មិនបានបង្ហើបព័ត៌មានលំអិតជុំវិញកិច្ចសហប្រតិបត្តិការវិនិយោគនេះឡើយ។ បើតាម AFP ក្រុមហ៊ុនដែលបង្កើតឡើងដោយមហាសេដ្ឋីជប៉ុន លោក Masayoshi Son ធ្លាប់បានលើកឡើងកាលពីប៉ុន្មានខែកន្លងមកថា ពួកគេនឹងទិញភាគហ៊ុន Uber ក្នុងរង្វង់ទឹកប្រាក់១ពាន់លានដុល្លារអាមេរិក ដែលអាចទទួលបានភាគហ៊ុនយ៉ាងហោចណាស់១៤ភាគរយ។
សម្រាប់ Uber នេះជាកិច្ចសហប្រតិបត្តិការដ៏វិជ្ជមានមួយ ដោយ SolfBank ជាក្រុមហ៊ុនជាក្រុមហ៊ុនបច្ចេកវិទ្យាដ៏ល្បីល្បាញ ហើយធ្លាប់មានប្រវត្តិដ៏ជោគជ័យជាមួយក្រុមហ៊ុនរ៉ូបូតបារាំង Aldebaran និងក្រុមអាជីវកម្មអនឡាញ Alibaba របស់ចិន ជាដើម។
បើតាមការផ្សាយរបស់របស់ TechCrunch ក្រៅពី SoftBank Group របស់ជប៉ុន ក្រុមវិនិយោគអាមេរិក Dragoneer និងក្រុមហ៊ុន Didi Chuxing របស់ចិន ក៏នឹងក្លាយជាដៃគូដ៏រឹងមាំរបស់ Uber ផងដែរ៕
នៅមុនផែនការចេញលក់មូលបត្ររបស់ខ្លួនជាសាធារណៈ (IPO) នាឆ្នាំ២០១៩ ខាងមុខ ក្រុមហ៊ុន Uber បានប្រកាសថា ពូកគេបានឈានដល់កិច្ចព្រមព្រៀងមួយកាលពីថ្ងៃអាទិត្យ ក្នុងការលក់ភាគហ៊ុនទៅក្រុមហ៊ុនបច្ចេកវិទ្យា SoftBank Group របស់ជប៉ុន។
Uber បានចេញសេចក្តីថ្លែងការណ៍មួយកាលពីល្ងាចថ្ងៃអាទិត្យថា៖ «យើងបានឈានដល់កិច្ចព្រមព្រៀងដ៏មានសក្តានុពលមួយជាមួយក្រុមហ៊ុន SoftBank និង Dragoneer។ យើងជឿជាក់ថា កិច្ចព្រមព្រៀងនេះ ផ្តល់ទំនុកចិត្តដ៏រឹងមាំលើផែនការវិនិយោគដ៏យូរអង្វែងរបស់ Uber»។
ទោះបីជាយ៉ាងណាក៏ដោយ SoftBank មិនបានបង្ហើបព័ត៌មានលំអិតជុំវិញកិច្ចសហប្រតិបត្តិការវិនិយោគនេះឡើយ។ បើតាម AFP ក្រុមហ៊ុនដែលបង្កើតឡើងដោយមហាសេដ្ឋីជប៉ុន លោក Masayoshi Son ធ្លាប់បានលើកឡើងកាលពីប៉ុន្មានខែកន្លងមកថា ពួកគេនឹងទិញភាគហ៊ុន Uber ក្នុងរង្វង់ទឹកប្រាក់១ពាន់លានដុល្លារអាមេរិក ដែលអាចទទួលបានភាគហ៊ុនយ៉ាងហោចណាស់១៤ភាគរយ។
សម្រាប់ Uber នេះជាកិច្ចសហប្រតិបត្តិការដ៏វិជ្ជមានមួយ ដោយ SolfBank ជាក្រុមហ៊ុនជាក្រុមហ៊ុនបច្ចេកវិទ្យាដ៏ល្បីល្បាញ ហើយធ្លាប់មានប្រវត្តិដ៏ជោគជ័យជាមួយក្រុមហ៊ុនរ៉ូបូតបារាំង Aldebaran និងក្រុមអាជីវកម្មអនឡាញ Alibaba របស់ចិន ជាដើម។
បើតាមការផ្សាយរបស់របស់ TechCrunch ក្រៅពី SoftBank Group របស់ជប៉ុន ក្រុមវិនិយោគអាមេរិក Dragoneer និងក្រុមហ៊ុន Didi Chuxing របស់ចិន ក៏នឹងក្លាយជាដៃគូដ៏រឹងមាំរបស់ Uber ផងដែរ៕
© រក្សាសិទ្ធិដោយ thmeythmey.com
