អន្តរជាតិ
នយោបាយអន្តរជាតិ
UN Environment៖ គំនិតផ្តួចផ្តើមរបស់ចិន នឹងធ្វើឲ្យតំបន់កាន់តែ«បៃតង»នៅពេលអនាគត
នាយកប្រតិបត្តិកម្មវិធីអង្គការសហប្រជាជាតិទទួលបន្ទុកបរិស្ថាន (UN Environment) លោក Erik Solkheim ផ្តល់បទសម្ភាសដល់ក្រុមអ្នកសារព័ត៌មានដែលដឹកនាំដោយស្ថាប័ន Earth Journalism Network ដើម្បីចូលរួមយកព័ត៌មាននៅសន្និសីទអាកាសធាតុ COP23
×![]()
(Bonn)៖ ប្រធានកម្មវិធីអង្គការសហប្រជាជាតិទទួលបន្ទុកបរិស្ថាន (UN Environment) លោក Erik Solkheim កោតសរសើរឥរិយាបថវិជ្ជមានរបស់ចិនក្នុងការដោះស្រាយបរិស្ថានជាពិសេសបញ្ហាប្រែប្រួលអាកាសធាតុ។ លោកអះអាងថា គំនិតផ្តួចផ្តើមរបស់ចិន ខ្សែក្រវាត់មួយវិថី (Belt and Road Initiative) ជាប្រភពហិរញ្ញវត្ថុដ៏សំខាន់ដែលគាំទ្រការថែរក្សាបរិស្ថាន និងការអភិវឌ្ឍបៃតងក្នុងតំបន់។
បណ្តាប្រទេសពីអាស៊ី ដល់អាហ្វ្រិក អាមេរិកឡាទីន និងសូម្បីតែអឺរ៉ុប អាចពឹងផ្អែកលើគំនិតផ្តួចផ្តើមរបស់ចិន«ខ្សែក្រវាត់មួយវិថីមួយ»ដើម្បីទទួលបានហិរញ្ញវត្ថុសម្រាប់អភិវឌ្ឍ និងអភិរក្សបរិស្ថាន។ គំនិតផ្តួចផ្តើមនេះនឹងធ្វើឲ្យតំបន់ទាំងមូលកាន់តែបៃតងនាពេលអនាគត។
នាយកប្រតិបត្តិកម្មវិធីអង្គការសហប្រជាជាតិទទួលបន្ទុកបរិស្ថាន (UN Environment) លោក Erik Solkheim បានថ្លែងប្រាប់សារព័ត៌មានថ្មីនៅក្រៅកិច្ចប្រជុំក្រៅសន្និសីទអង្គការសហប្រជាជាតិស្តីពីការប្រែប្រួលអាកាសធាតុលើកទី ២៣ ដូច្នេះ៖ «ប្រធានាធិបតី ស៊ី ជិនភីង (Xi Jinping) បានប្រកាសគំនិតផ្តួចផ្តើមខ្សែក្រវាត់មួយវិថីមួយដែលវាជាទុនវិនិយោគដ៏ធំបំផុតមួយសម្រាប់តំបន់អាស៊ី អាហ្វ្រិក និងសូម្បីតែអាមេរិកឡាទីន។ ថ្មីៗនេះ ស្ថាប័នយើងសហកាជាមួយចិនដើម្បីបង្កើតសម្ព័ន្ធអន្តរជាតិដើម្បីការអភិវឌ្ឍបៃតក្រោមគំនិតផ្តួចផ្តើមខ្សែក្រវាត់មួយវិថីមួយ (International Coalition for Green Development on Belt and Road)» ។
លោកបន្តថា៖ «ក្រោមគម្រោងនេះ យើងអាចធានាបានថា ការវិនិយោគទាំងអស់នឹងផ្តោតលើការគាំទ្រថាមពលកកើតឡើងវិញដូចជាថាមពលខ្យល់ និងថាមពលពន្លឺព្រះអាទិត្យ មិនមែនធ្យូងឬផូស៊ីលឥន្ធនៈ។ មួយទៀតពេលដែលអ្នកសាងហេដ្ឋារចនាសម្ព័ន្ធដូចផ្លូវថ្នល់ និងផ្លូវរថភ្លើង អ្នកត្រូវគិតគូរពីបញ្ហាបរិស្ថាន ពីផលប៉ះពាល់លើព្រៃឈើ និងសត្វព្រៃជាដើម។ វាគម្រោងធំបំផុតមួយ។ ដូច្នេះ វានឹងធ្វើឲ្យនេះធ្វើឲ្យតំបន់ទាំងមូលកាន់តែបៃតងនៅពេលខាងមុខ»។
ទោះបីជាយ៉ាងណាក៏ដោយ ចិនត្រូវបានគេស្គាល់ថាជាប្រទេសមួយក្នុងចំណោមប្រទេសដែលបញ្ចេញឧស្ម័នកាបូនិចច្រើនជាងគេ។ បើតាមរបាយការណ៍ ដែលត្រូវបានដាក់ចេញនៅក្នុងសន្និសីទសារព័ត៌មាននាសន្និសីទអង្គការសហប្រជាជាតិប្រជុំប្រែប្រួលអាកាសធាតុលើកទី ២៣ នៅទីក្រុង Bonn ប្រទេសអាល្លឺម៉ង់ ក្នុងឆ្នាំ ២០១៧ កម្រិតនៃឧស្ម័នកាបូនិចដែលត្រូវបានបញ្ចញក្នុងបរិយាកាសកើនឡើងជាលើកដំបូងក្នុងរយៈពេលប៉ុន្មានឆ្នាំចុងក្រោយ។ វាកើនដល់ ២ភាគរយ ក្នុងនោះចិនបញ្ចេញឧស្ម័នកាបូនិចច្រើនជាងមុនរហូតដល់ ៣,៥ភាគរយឯណោះ។
យ៉ាងណាមិញ ក្រោមការដឹកនាំរបស់លោក ស៊ី ជីនភីង មហាយក្សចិនបានបង្ហាញការប្តេជ្ញាចិត្តពេញលេញក្នុងការដោះស្រាយបញ្ហាប្រែប្រួលអាកាសធាតុសកល ខណៈដែលអាមេរិកមិនជឿលើការប្រែប្រួលអាកាសធាតុ។ ពេលថ្លែងសុន្ទរកថាក្នុងមហាសន្និបាតបក្សកុម្មុយនីស្តលើកទី ១៩កាលពីខែមុន លោក ស៊ី ក៏បានផ្តោសំខាន់លើបញ្ហាបរិស្ថាន និងបញ្ហាប្រែប្រួលអាកាសធាតុផងដែរដោយលើកស្ទួយគម្រោងថាមពលបៃតង ជំរុញការផ្លាស់ប្តូរមធ្យោបាយដឹកជញ្ជូនដោយប្រើប្រាស់អគ្គីសនី និងកសាងលំនៅដ្ឋានដែលបង្កផលប៉ះពាល់ល់បរិយាកាស៕
Tag:
UN Environment
Erik Solkheim
BRI
COP23
© រក្សាសិទ្ធិដោយ thmeythmey.com
