ពីនេះ ពីនោះ
ការវេចខ្ចប់ដោយ«ស្លឹកឈូក ឬស្លឹកចេក» ជាមិត្តល្អសម្រាប់បរិស្ថាន
× ពេលទៅទិញអីវ៉ាន់ម្តងៗ តែងតែមានអ្នកលក់ច្រកអីវ៉ាន់របស់អ្នកទិញទៅក្នុងថង់ប្លាស្ទិក ដែលជាជម្រើសល្អសម្រាប់អ្នកលក់ផង និងអ្នកទិញផង។ ប៉ុន្តែដូចបានដឹងថា «ថង់ប្លាស្ទិក» ដែលមនុស្សយើងសព្វថ្ងៃប្រើប្រាស់ មានផលប៉ះពាល់ធ្ងន់ធ្ងរដល់សុខភាព។ នៅពេល «ថង់ប្លាស្ទិក» ជាកាកសំណល់បន្ទាប់ពីបានប្រើប្រាស់រួច បន្សល់ទុកនៅជុំវិញយើង ដែលជាហេតុនាំឲ្យបំពុលបរិស្ថាន។ ដើម្បីជាការល្អប្រសើរគួរតែប្រើ«ស្លឹកឈូក ឬស្លឹកចេក» នៅក្នុងការវេចខ្ចប់នានាដូចជា ការដាក់នំចំណី ផ្លែឈើ បន្លែ ម្ហូបអាហារ។ល។ ដែលជាកល្យណមិត្តល្អសម្រាប់បរិស្ថាន។
ការវេចខ្ចប់បែបនេះ ជៀសផុតពីសារធាតុជាតិគីមីបានមួយកម្រិតផងដែរ។ មួយវិញទៀត «ស្លឹកឈូក ឬស្លឹកចេក» ឆាប់រលួយ និងអាចប្រើប្រាស់ជាជីធម្មជាតិបាន។ ក្រៅពីស្លឹកឈូក ឬស្លឹកចេកនោះគឺមាន «ស្លឹកចាក ស្លឹកត្នោត ស្លឹកដូង» ផ្តល់ភាពងាយស្រួលនៅក្នុងការថែរក្សា ម្ហូបអាហារ នំចំណី ហើយក៏បានគាំពារបរិស្ថានផងដែរ៕
Tag:
ស្លឹកឈូក
ស្លឹកចេក
បរិស្ថាន
© រក្សាសិទ្ធិដោយ thmeythmey.com