ពីនេះ ពីនោះ
ព័ត៍មានសុខភាព
រមណីយដ្ឋានកៀនស្វាយអាចនឹងបាត់បង់ទេ បើមានការចាក់ដីលុបមុខទឹកខ្ពប?
× ក្នុងរូបភាពនេះគឺអ្នកភូមិកំពុងលើកមងចាប់ត្រីនៅក្នុងព្រែកខ្ពប ដែលគេស្គាល់ជាទូទៅជារមណីយដ្ឋាន វត្តកៀនស្វាយក្រៅ ស្ថិតក្នុងស្រុកកៀនស្វាយ ខេត្តកណ្តាល។ ព្រែកខ្ពបមានមុខទឹកពីរ ដែលតភ្ជាប់ទៅទន្លេមេគង្គក្រោម ដើម្បីទទួលរបបទឹកពេលទឹកឡើង និងត្រូវបានកាត់ផ្តាប់វិញនៅពេលទឹកស្រក។
អ្នកភូមិជាច្រើន ដែលរស់នៅតាមបណ្តោយព្រែកខ្ពបនេះ តិចឬច្រើន សុទ្ធតែទទួលបានផលពីវា ដូចជា ការធ្វើនេសាទជាលក្ខណៈគ្រួសារ យកទឹកពីខ្ពបសម្រាប់ប្រើប្រាស់ប្រចាំថ្ងៃ និងស្រោចស្រពដំណាំ ជាពិសេសអ្នកប្រកបរបរសេវាទេសចរណ៍ បានសង់ខ្ចូសសម្រាប់ទទួលអ្នកទេសចរណ៍ ពីគ្រប់ទិសទីមកកម្សាន្តជាដើម។ ប៉ុន្តែ ដោយសារសេដ្ឋកិច្ចប្រទេសកម្ពុជា រីកលូតលាស់ឥតឈប់ឈរ តម្លៃដីចេះតែកើតឡើង បានធ្វើឲ្យមានការរំលោភកាន់កាប់ដីសាធារណៈ កើតឡើងច្រើនដែរ។ អ្នកភូមិមានការបារម្ភ ខ្លាចមានការចាក់ដីលុបមុខទឹកខ្ពបម្ខាងទៀត ដូចមុខទឹកខ្ពបផ្នែកខាងលើដែរ ដែលបច្ចុប្បន្ននេះ ត្រូវបានកាត់ផ្តាច់ទាំងស្រុងហើយ។ (អត្ថបទ និងរូបភាពដោយ Chhut Chheana / USAID Wonders of the Mekong).
© រក្សាសិទ្ធិដោយ thmeythmey.com