ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
កីឡា៩ប្រភេទ នឹងបង្ហាញខ្លួនក្នុងបុណ្យសមុទ្រនៅខេត្តកែប
19, Nov 2017 ,
7:59 am
រូបភាព
×
ដោយ:
កីឡា៩ប្រភេទ នឹងបង្ហាញខ្លួនក្នុងពិធីបុណ្យសមុទ្រនៅខេត្តកែប ដែលនឹងប្រព្រឹត្តទៅពីថ្ងៃទី២២ ដល់ថ្ងៃទី២៤ ខែធ្នូឆ្នាំ២០៧ ខាងមុខ។ ឆ្នាំនេះ បុណ្យសមុទ្រដែលរៀបចំឡើងក្រោមប្រធានបទ«ឆ្នេរសមុទ្របៃតងអនាគត គឺបច្ចុប្បន្ន» ក៏មានការសម្តែងសិល្បៈ របស់ក្រសួងវប្បធម៌ និងវិចិត្រសិល្បៈនិងកម្មវិធីរបស់ក្រសួងទេសចរណ៍ជាច្រើនផងដែរ។ លើសពីនេះ មានការប្រគំតន្ត្រី និងការតាំងពិព័រណ៍ផលិតផល ជាលក្ខណៈអន្តរជាតិទៀតផង។
ដើម្បីអបអរពិធីបុណ្យសមុទ្រលើកទី៦នៅខេត្តកែប គណៈកម្មាធិការជាតិអូឡាំពិកកម្ពុជា បាននាំយកកីឡាប្រពៃណី និងកម្សាន្តសប្បាយ ចំនួន៩ប្រភេទឲ្យចូលរួម។ កីឡាទាំងនោះ រួមមាន រត់ប្រណាំង ជិះកង់ ចំបាប់ ប្រដាល់គុនខ្មែរ ទ្រីយ៉ាត្លុង ស្គីលើទឹក បាល់ទះឆ្នេរខ្សាច់ ទូកក្តោង និងរាំអន្តរជាតិ។
ក្នុងនោះកីឡារត់ប្រណាំង (៣-៥គីឡូម៉ែត្រ) ទ្រីយ៉ាត្លុង និងប្រណាំងកង់ចម្ងាយ៤០គីឡូម៉ែត្រ ធ្វើនៅមុខមន្ទីរទេសចរណ៍ខេត្តកែប នាថ្ងៃទី២២, ២៣ និងទី២៤ ធ្នូ ជាបន្តបន្ទាប់។ រីឯប្រដាល់គុនខ្មែរ ចំបាប់ ជិះស្គីលើទឹក ទូកក្តោង បាល់ទះឆ្នេរខ្សាច់ និងកីឡារាំអន្តរជាតិរៀបចំ នៅឆ្នេរស្រីស នាថ្ងៃទី២៣ ខែធ្នូ។ លើកលែងចំបាប់ ធ្វើថ្ងៃទី២៤ បាល់ទះឆ្នេរខ្សាច់ ថ្ងៃទី២៣និងទី២៤ ខែធ្នូ ខណៈទូកក្តោង រៀបចំធ្វើពេញ៣ថ្ងៃតែម្តង។
អគ្គលេខាធិការ នៃគណៈកម្មាធិការជាតិអូឡាំពិកកម្ពុជា លោក វ៉ាត់ ចំរើន បានបញ្ជាក់ថា ការប្រកួតនេះ មិនផ្តោតសំខាន់លើលទ្ធផល ឬបច្ចេកទេសប៉ុន្មានឡើយ ពោលគឺជាការប្រកួតលក្ខណៈ សប្បាយៗ ដែលអនុញ្ញាតឲ្យភ្ញៀវទេសជាតិ និងអន្តរជាតិ ចូលរួមដោយសេរី។ តែលើកលែងកីឡាប្រដាល់គុនខ្មែរ និងទ្រីយ៉ាត្លុង ដែលទាមទារកីឡាករជំនាញចូលរួម។
អនុរដ្ឋលេខាធិការក្រសួងទេសចរណ៍រូបនេះបន្ថែមថា ព្រឹត្តិការណ៍បុណ្យសមុទ្រ មិនត្រឹមតែជួយទាក់ទាញភ្ញៀវទេសចរជាតិ និងអន្តរជាតិ ឲ្យមកទស្សនាតំបន់ឆ្នេរខេត្តកែបប៉ុណ្ណោះទេ ថែមទាំងជួយជំរុញការអភិវឌ្ឍផ្នែកហេដ្ឋារចនាសម្ព័នផ្លូវថ្នល់ និងតំបន់កម្សាន្តនៅខេត្តនេះទៀតផង។ លើសពីនេះ ជួយបង្កើនចំណូល និងលើកកម្ពស់ផ្នែកសេដ្ឋកិច្ចរបស់ប្រជាពលរដ្ឋផងដែរ។
ក្រៅពីការប្រកួត ក៏ដូចជាសម្តែងរបស់កីឡាទាំង៩ប្រភេទខាងលើ ក៏មានការសម្តែងសិល្បៈ និងកម្មវិធីផ្សេងៗជាច្រើនទៀត ដែលរៀបចំដោយក្រសួងវប្បធម៌ និងវិចិត្រសិល្បៈ និងក្រសួងទេសចរណ៍។ លើសពីននេះ មានការប្រគំតន្ត្រី និងការតាំងពិព័រណ៍ផលិតផលអន្តរជាតិ ដែលអាចឲ្យភ្ញៀវទេសចរជាតិ និងអន្តរជាតិ ទស្សនាកម្សាន្តទៀតផង។
គួររំលឹកថា ពិធីបុណ្យសមុទ្របានបង្កើតឡើងនៅឆ្នាំ២០១២ ដោយរៀបចំដំបូងនៅខេត្តព្រះសីហនុ និងឆ្នាំបន្តបន្ទាប់មក រៀបចំនៅខេត្តកែប ខេត្តកំពតឆ្នាំកោះកុង និងវិលដល់ខេត្តព្រះសីហនុវិញ នៅឆ្នាំ២០១៦ និងខេត្តកែបឆ្នាំ២០១៧នេះ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បុណ្យសមុទ្រខេត្តកែប
វ៉ាត់ ចំរើន
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
7 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម