ប្លែកៗ
អន្តរជាតិ
បុរសម្នាក់ប្រកាសផ្តល់១ម៉ឺនដុល្លារដល់អ្នកដែលណែនាំនារីល្អម្នាក់ឲ្យខ្លួន
×![]()
ដោយ: ធីតា
លោក Joe Cohen ប្រធានក្រុមហ៊ុនដែលទើបបង្កើតថ្មីមួយ (Startup) នៅរដ្ឋកាលីហ្វនីញ៉ា សហរដ្ឋអាមេរិក កំពុងស្វែងរកគូស្នេហ៍ដែលយល់ចិត្តម្នាក់។ សម្រាប់អ្នកដែលណែនាំមិត្តស្រីឲ្យគាត់ លោក Joe នឹងផ្តល់ប្រាក់រង្វាន់ចំនួន១ម៉ឺនដុល្លារអាមេរិក ក្នុងករណីពួកគាត់អាចរក្សាទំនាក់ទំនង និងមានពេលវេលាស្វែងយល់ចិត្តគ្នាយ៉ាងហោចណាស់៤ខែ។
តាមរយៈវែបសាយ SelftHacked ដែលផ្តល់សេវាកម្មបច្ចេកវិទ្យាទាក់ទងនឹងបញ្ហាសុខភាព លោក Joe Cohen ស្ថាបនិក និងជាអគ្គនាយកក្រុមហ៊ុនទើបបង្កើតថ្មីមួយនេះ បានប្រកាសរកគូស្នេហ៍ ដោយលោកបានរៀបចំពីលក្ខណៈសម្បត្តិផ្ទាល់ខ្លួន និងលក្ខខណ្ឌនានាទាក់ទងនឹងការជ្រើសរើស។
ឈានដល់វ័យ៣០ឆ្នាំ លោក Joe ដែលជាអ្នកជំនាញផ្នែកសុខាភិបាល ចង់សម្រេចបំណងប្រាថ្នាដ៏ធំជាងគេក្នុងជីវិតរបស់លោក នោះគឺស្វែងរកឧត្តមភរិយាម្នាក់។ «៦ខែកន្លងមកនេះ ខ្ញុំមានអារម្មណ៍ថា ខ្ញុំមានលំនឹង និងជោគជ័យផ្នែកអាជីវកម្ម [...] ដូច្នេះខ្ញុំគិតថា ខ្ញុំមិនអាចរស់ដោយជោគជ័យតែម្នាក់ឯងបានឡើយ»។ នេះជាការអះអាងរបស់អគ្គនាយកក្រុមហ៊ុនវ័យក្មេង ដែលធ្លាប់បរាជ័យស្នេហាជាច្រើនលើក។
ជាមួយនឹងការពិបាកជ្រើសរើស លោក Joe បានសម្រេចប្រកាសតាមប្លុកក្នុងវែបសាយក្រុមហ៊ុនផ្ទាល់ខ្លួន។ ក្នុងនោះ លោកបានប្រកាសផ្តល់ប្រាក់១ម៉ឺនដុល្លារអាមេរិក ដែលអ្នកដែលណែនាំលោកឲ្យស្គាល់នារីល្អម្នាក់។ បន្ថែមពីលើនេះ លោកក៏ផ្តល់ប្រាក់លើកទឹកចិត្តផងដែរ ចំនួន២០០០ដុល្លារអាមេរិក សម្រាប់អ្នកដែលចែករំលែកព័ត៌មានរបស់លោកទៅដល់អ្នកដែលមានជំនាញណែនាំនារីល្អ។
លោកបានបញ្ជាក់ថា វិធីសាស្ត្រជ្រើសរើសគូស្នេហ៍របស់លោក ដូចជាយុទ្ធសាស្ត្រទីផ្សារយ៉ាងដូច្នោះដែរ។ ជាលក្ខខណ្ឌ អ្នកដែលអាចទទួលបានប្រាក់រង្វាន់ពីលោក ដរាបណា លោក និងនារី [ដែលត្រូវបានណែនាំ] អាចរស់នៅយល់ចិត្តគ្នាយ៉ាងហោចណាស់៤ខែ។
លោក Joe បានលើកឡើងថា លោកប្រើយុទ្ធសាស្ត្រជំនួសទៅអនុវត្តក្នុងយុទ្ធសាស្ត្រជីវិតរបស់ខ្លួន ដើម្បីស្វែងយល់បានដឹងច្បាស់អំពីនារីដែលចូលក្នុងជីវិតរបស់លោក តើនាងត្រូវការតែលុយរបស់លោក ឬក៏មានស្នេហ៍ស្មោះពិតប្រាកដ។
សម្រាប់នារីដែលលោកចង់បាននោះ ត្រូវតែជាមនុស្សដែលរស់នៅ Southern California ឬក៏មានបំណងរស់នៅទីនោះជាមួយលោក។ ក្នុងករណី នារីណាម្នាក់ស្ម័គ្ររួមរស់ជាមួយលោកដោយខ្លួនឯង លោកនឹងផ្តល់ប្រាក់១ម៉ឺនដុល្លារអាមេរិកផងដែរសម្រាប់នាងដើម្បីយកទៅធ្វើមូលនិធិសប្បុរសធម៌ ឬធ្វើដំណើរទេសចរណ៍កម្សាន្តទៅតាមការជ្រើសរើសរបស់នាង។
លោក Joe អះអាងថា លោកទទួលបានការទាក់ទងជាច្រើនតាមសារលើបណ្តាញសង្គម ប៉ុន្តែលោកមិនទាន់មានការសម្រេចចិត្តយ៉ាងណានោះឡើយ៕
តាមរយៈវែបសាយ SelftHacked ដែលផ្តល់សេវាកម្មបច្ចេកវិទ្យាទាក់ទងនឹងបញ្ហាសុខភាព លោក Joe Cohen ស្ថាបនិក និងជាអគ្គនាយកក្រុមហ៊ុនទើបបង្កើតថ្មីមួយនេះ បានប្រកាសរកគូស្នេហ៍ ដោយលោកបានរៀបចំពីលក្ខណៈសម្បត្តិផ្ទាល់ខ្លួន និងលក្ខខណ្ឌនានាទាក់ទងនឹងការជ្រើសរើស។
ឈានដល់វ័យ៣០ឆ្នាំ លោក Joe ដែលជាអ្នកជំនាញផ្នែកសុខាភិបាល ចង់សម្រេចបំណងប្រាថ្នាដ៏ធំជាងគេក្នុងជីវិតរបស់លោក នោះគឺស្វែងរកឧត្តមភរិយាម្នាក់។ «៦ខែកន្លងមកនេះ ខ្ញុំមានអារម្មណ៍ថា ខ្ញុំមានលំនឹង និងជោគជ័យផ្នែកអាជីវកម្ម [...] ដូច្នេះខ្ញុំគិតថា ខ្ញុំមិនអាចរស់ដោយជោគជ័យតែម្នាក់ឯងបានឡើយ»។ នេះជាការអះអាងរបស់អគ្គនាយកក្រុមហ៊ុនវ័យក្មេង ដែលធ្លាប់បរាជ័យស្នេហាជាច្រើនលើក។
ជាមួយនឹងការពិបាកជ្រើសរើស លោក Joe បានសម្រេចប្រកាសតាមប្លុកក្នុងវែបសាយក្រុមហ៊ុនផ្ទាល់ខ្លួន។ ក្នុងនោះ លោកបានប្រកាសផ្តល់ប្រាក់១ម៉ឺនដុល្លារអាមេរិក ដែលអ្នកដែលណែនាំលោកឲ្យស្គាល់នារីល្អម្នាក់។ បន្ថែមពីលើនេះ លោកក៏ផ្តល់ប្រាក់លើកទឹកចិត្តផងដែរ ចំនួន២០០០ដុល្លារអាមេរិក សម្រាប់អ្នកដែលចែករំលែកព័ត៌មានរបស់លោកទៅដល់អ្នកដែលមានជំនាញណែនាំនារីល្អ។
លោកបានបញ្ជាក់ថា វិធីសាស្ត្រជ្រើសរើសគូស្នេហ៍របស់លោក ដូចជាយុទ្ធសាស្ត្រទីផ្សារយ៉ាងដូច្នោះដែរ។ ជាលក្ខខណ្ឌ អ្នកដែលអាចទទួលបានប្រាក់រង្វាន់ពីលោក ដរាបណា លោក និងនារី [ដែលត្រូវបានណែនាំ] អាចរស់នៅយល់ចិត្តគ្នាយ៉ាងហោចណាស់៤ខែ។
លោក Joe បានលើកឡើងថា លោកប្រើយុទ្ធសាស្ត្រជំនួសទៅអនុវត្តក្នុងយុទ្ធសាស្ត្រជីវិតរបស់ខ្លួន ដើម្បីស្វែងយល់បានដឹងច្បាស់អំពីនារីដែលចូលក្នុងជីវិតរបស់លោក តើនាងត្រូវការតែលុយរបស់លោក ឬក៏មានស្នេហ៍ស្មោះពិតប្រាកដ។
សម្រាប់នារីដែលលោកចង់បាននោះ ត្រូវតែជាមនុស្សដែលរស់នៅ Southern California ឬក៏មានបំណងរស់នៅទីនោះជាមួយលោក។ ក្នុងករណី នារីណាម្នាក់ស្ម័គ្ររួមរស់ជាមួយលោកដោយខ្លួនឯង លោកនឹងផ្តល់ប្រាក់១ម៉ឺនដុល្លារអាមេរិកផងដែរសម្រាប់នាងដើម្បីយកទៅធ្វើមូលនិធិសប្បុរសធម៌ ឬធ្វើដំណើរទេសចរណ៍កម្សាន្តទៅតាមការជ្រើសរើសរបស់នាង។
លោក Joe អះអាងថា លោកទទួលបានការទាក់ទងជាច្រើនតាមសារលើបណ្តាញសង្គម ប៉ុន្តែលោកមិនទាន់មានការសម្រេចចិត្តយ៉ាងណានោះឡើយ៕
Tag:
ប្លែកៗ
Startup
© រក្សាសិទ្ធិដោយ thmeythmey.com
