ជាតិ
សង្គមជាតិ
អាជ្ញាធរ ឃាត់មនុស្សជាង៦ពាន់នាក់ពាក់ព័ន្ធបទល្មើសគ្រឿងញៀន ក្នុងពេលជាង១ខែ
× ក្នុងរយៈពេល ជាង១ ខែ គិតពីថ្ងៃទី១ ខែកក្កដា ដល់ថ្ងៃទី១៩ ខែវិច្ឆិកា នគរបាលបង្ក្រាបបានគ្រឿងញៀនបានចំនួន ២,៩២៥ករណី និងឃាត់មនុស្សបានចំនួន ៦,៣០៣នាក់ (ស្រី៤៨៩នាក់) ក្នុងនោះមាន៨៩នាក់ ជាជនបរទេស។ នេះបើតាមគេហទំព័រអគ្គស្នងការដ្ឋាននគរបានជាតិ។
តាមអគ្គស្នងការដ្ឋាននគរបាលជាតិ នេះជាយុទ្ធនាការបង្ក្រាបគ្រឿងញៀនលើកទី២នេះ ខណៈលទ្ធផលអនុវត្តន៍យុទ្ធនាការលើកទី១ ក្នុងឆមាសទី១ ឆ្នា២០១៧នេះ អាជ្ញាធរបង្ក្រាបបទល្មើសបានជាង៤ពាន់ករណី និងឃាត់ខ្លួនមនុស្សជាង៩,៦៩៤នាក់។
សម្រាប់រយៈពេលយុទ្ធនាការលើកទី២នេះ វត្ថុតាងដែលអាជ្ញាធរចាប់បានរួមមានដូចជា សារធាតុញៀនគ្រប់ប្រភេទជាង៤៥គីឡូក្រាម និង៧៧៤កញ្ចប់ផ្សេងទៀត កញ្ឆាក្រៀមជាង៧៣គីឡូក្រាម។ អាជ្ញាធរក៏រឹបអូសរថយន្ត១៩គ្រឿង ម៉ូតូ៨៤០គ្រឿង ទូរស័ព្ទ២,១៥២គ្រឿង ជញ្ជីង១២៣គ្រឿង និងអាវុធ វែងខ្លីចំនួន៧ដើមផងដែរ ព្រមទាំងបានស្នើបង្កក ចលនៈ និងអចលនទ្រព្យ ២ករណី មានចំនួន៥កន្លែង។ នេះតាមរបាយការណ៍ដដែល៕
© រក្សាសិទ្ធិដោយ thmeythmey.com