រថយន្ត
អន្តរជាតិ
កូរ៉េខាងជើងនៅជំពាក់ថ្លៃរថយន្ត១០០០គ្រឿងដែលទិញពីស៊ុយអែតកាលពី៤៣ឆ្នាំមុន
×![]()
ដោយ: ធីតា
ស៊ុយអែតតែងតែរំលឹកកូរ៉េខាងជើងយ៉ាងហោចណាស់ពីរលើក្នុង១ឆ្នាំទាក់ទងនឹងបំណុលដែលជំពាក់ថ្លៃរថយន្ត VOLVO ១០០០គ្រឿងកាលពី៤៣ឆ្នាំមុន។ នេះបើតាមការអះអាងរបស់ភ្នាក់ងារឥណទាននាំចេញស៊ុយអែត (EKN)។
កាលពីអំឡុងឆ្នាំ១៩៧៤ កូរ៉េខាងជើងបានបញ្ជាទិញសម្ភារៈ និងបច្ចេកវិទ្យាទំនើបៗពីប្រទេសឧស្សហកម្ម ជាពិសេសលោកខាងលិច។ ក្នុងចំណោមនោះ កូរ៉េខាងជើងបានទិញរថយន្ត VOLVO 144 ចំនួន១០០០គ្រឿងពីក្រុមហ៊ុននានានៅស៊ុយអែត ដែលមានទឹកប្រាក់សរុប៧៣លានដុល្លារអាមេរិក។ រយៈពេល៤ទសវត្សរ៍កន្លងមកនេះ កូរ៉េខាងជើងមិនបានសងប្រាក់មួយសែនណាឡើយ ដែលធ្វើឲ្យទឹកប្រាក់ឡើងគុណជា៤ ដោយកើនឡើងដល់៣៣០លានដុល្លារអាមេរិក។
ក្នុងរបាយការណ៍មួយរបស់ខ្លួននៅចុងឆ្នាំ២០១៦ ភ្នាក់ងារឥណទាននាំចេញស៊ុយអែត (EKN) បានបញ្ជាក់ឲ្យដឹងថា កូរ៉េខាងជើងជាកូនបំណុលដ៏ធំរបស់ស៊ុយអែត ក្នុងចំណោមប្រទេសចំនួន១៣ដែលត្រូវទូទាត់បញ្ជី លើកលែងតែស៊ីរី វេណេស៊ុយអេឡា និងស៊ីមបាវ៉េ។
របាយការណ៍បានលើកឡើងថា ប្រទេសដែលជាកូនបំណុលរបស់ស៊ុយអែត បានសងប្រាក់ជាបន្តបន្ទាប់ លើកលែងតែកូរ៉េខាងជើងមួយប៉ុណ្ណោះដែលមិនអើពើ។
ស៊ុយអែតស្ថិតក្នុងចំណោមលោកខាងលិចដ៏តិចតួចដែលមានទំនាក់ទំនងការទូតជាមួយកូរ៉េខាងជើង។ កាលពីខែតុលា ឆ្នាំ២០១៦ មានការបញ្ជាក់ថា រថយន្ត VOLVO ទាំងនោះ កំពុងត្រូវបានប្រើប្រាស់នៅឡើយនៅកូរ៉េខាងជើង។
អ្នកថតរូបជនជាតិស៊ុយអែត និងជាសហគ្រិនម្នាក់ ឈ្មោះ Tor Rauden Kallstigen បានទៅ ដល់ក្រុងព្យុងយ៉ាងកាលពីឆ្នាំ២០០៨ ក៏ធ្លាប់ឃើញ រថយន្ត VOLVO ដែលទិញពីប្រទេសរបស់ខ្លួនផងដែរ។ បើតាមសេចក្តីរាយការណ៍មួយចំនួន រថយន្តខ្លះត្រូវបានប្រើប្រាស់ដើម្បីរត់តាក់ស៊ី៕
កាលពីអំឡុងឆ្នាំ១៩៧៤ កូរ៉េខាងជើងបានបញ្ជាទិញសម្ភារៈ និងបច្ចេកវិទ្យាទំនើបៗពីប្រទេសឧស្សហកម្ម ជាពិសេសលោកខាងលិច។ ក្នុងចំណោមនោះ កូរ៉េខាងជើងបានទិញរថយន្ត VOLVO 144 ចំនួន១០០០គ្រឿងពីក្រុមហ៊ុននានានៅស៊ុយអែត ដែលមានទឹកប្រាក់សរុប៧៣លានដុល្លារអាមេរិក។ រយៈពេល៤ទសវត្សរ៍កន្លងមកនេះ កូរ៉េខាងជើងមិនបានសងប្រាក់មួយសែនណាឡើយ ដែលធ្វើឲ្យទឹកប្រាក់ឡើងគុណជា៤ ដោយកើនឡើងដល់៣៣០លានដុល្លារអាមេរិក។
ក្នុងរបាយការណ៍មួយរបស់ខ្លួននៅចុងឆ្នាំ២០១៦ ភ្នាក់ងារឥណទាននាំចេញស៊ុយអែត (EKN) បានបញ្ជាក់ឲ្យដឹងថា កូរ៉េខាងជើងជាកូនបំណុលដ៏ធំរបស់ស៊ុយអែត ក្នុងចំណោមប្រទេសចំនួន១៣ដែលត្រូវទូទាត់បញ្ជី លើកលែងតែស៊ីរី វេណេស៊ុយអេឡា និងស៊ីមបាវ៉េ។
របាយការណ៍បានលើកឡើងថា ប្រទេសដែលជាកូនបំណុលរបស់ស៊ុយអែត បានសងប្រាក់ជាបន្តបន្ទាប់ លើកលែងតែកូរ៉េខាងជើងមួយប៉ុណ្ណោះដែលមិនអើពើ។
ស៊ុយអែតស្ថិតក្នុងចំណោមលោកខាងលិចដ៏តិចតួចដែលមានទំនាក់ទំនងការទូតជាមួយកូរ៉េខាងជើង។ កាលពីខែតុលា ឆ្នាំ២០១៦ មានការបញ្ជាក់ថា រថយន្ត VOLVO ទាំងនោះ កំពុងត្រូវបានប្រើប្រាស់នៅឡើយនៅកូរ៉េខាងជើង។
អ្នកថតរូបជនជាតិស៊ុយអែត និងជាសហគ្រិនម្នាក់ ឈ្មោះ Tor Rauden Kallstigen បានទៅ ដល់ក្រុងព្យុងយ៉ាងកាលពីឆ្នាំ២០០៨ ក៏ធ្លាប់ឃើញ រថយន្ត VOLVO ដែលទិញពីប្រទេសរបស់ខ្លួនផងដែរ។ បើតាមសេចក្តីរាយការណ៍មួយចំនួន រថយន្តខ្លះត្រូវបានប្រើប្រាស់ដើម្បីរត់តាក់ស៊ី៕
© រក្សាសិទ្ធិដោយ thmeythmey.com
