ជាតិ
រថយន្ត
តើការជ្រើសរើសកន្លែងជួសជុលរថយន្តដែលត្រឹមត្រូវ និងជឿទុកចិត្ត មានគុណសម្បត្តិអ្វី?
យានដ្ឋានជួសជុលរថយន្តរបស់ក្រុមហ៊ុន Star Auto Cambodia
×![]()
ដោយ: ថ្មីៗ
ការជ្រើសរើសកន្លែងជួសជុល ដ៏ត្រឹមត្រូវ និងជឿទុកចិត្ត ជារឿងដ៏លំបាកសម្រាប់អតិថិជន។ អ្វីដែលសំខាន់ជាងនេះទៅទៀតនោះ ការការជ្រើសរើសកន្លែងជួសជុល ដ៏ត្រឹមត្រូវមិនមែនត្រឹមតែថែទាំ និងជួសជុលឲ្យដំណើរការប៉ុណ្ណោះទេ ប៉ុន្តែក៏ទាមទារឲ្យមានការធានាពីគុណភាព និងតម្លៃសេវាផងដែរ ក្នុងនោះក៏រាប់បញ្ចូលទាំងគ្រឿងបន្លាស់ផងដែរ។ការជ្រើសរើសកន្លែងជួសជុលរថយន្តដែលល្អ និងជឿទុកចិត្ត ប្រៀបដូចជាមានវេជ្ជបណ្ឌិតប្រចាំគ្រួសារ ដូច្នេះដែរ។
ការថែទាំរថយន្ត ដោយមានការត្រួតពិនិត្យពីអ្នកជំនាញឲ្យបានត្រឹមត្រូវ ជាមធ្យោបាយដែលល្អបំផុតក្នុងការចៀសវាងការជួសជុល ដែលមិនចាំបាច់ ហើយខាតពេលវេលាមាសប្រាក់របស់លោកអ្នក។ បើតាមអ្នកជំនាញរបស់ក្រុមហ៊ុន Star Auto Cambodia ការថែទាំរថយន្ត មិនមែនគ្រាន់តែប្តូរប្រេងម៉ាស៊ីន ឬលាងសម្អាតប៉ុណ្ណោះនោះទេ ប៉ុន្តែត្រូវមើលលើការថែទាំសម្បកកង់ ផ្លិតទឹក (ដៃជូតកញ្ចក់) ហ្វ្រាំង ប្រេងប្រអប់លេខ និងប្រេងហ្វ្រាំង គួរតែត្រូវបានត្រួតពិនិត្យ និងប្តូរឲ្យបានទៀងទាត់ផងដែរ។ ភ្លើងសញ្ញា និងចង្កៀង ក៏គួរតែត្រូវបានត្រួតពិនិត្យ ដើម្បីចៀសនូវហានិភ័យផ្សេងៗផង។
យ៉ាងណាក៏ដោយ ការចំណាយប្រាក់បន្តិចបន្តួចលើការថែទាំរថយន្តជាទៀងទាត់ ក៏ជាមធ្យោបាយសន្សំសំចៃប្រាក់បានច្រើនដែរ ព្រមទាំងធានាថា រថយន្តរបស់លោកអ្នកពិតជាមានសុវត្ថិភាពក្នុងការបើកបរ ពោលគឺលោកអ្នក មិនចាំបាច់បារម្ភពីគ្រោះថ្នាក់ ដែលអាចកើតឡើងដោយសាររថយន្តរបស់លោកអ្នកមានបញ្ហាក្នុងពេលបើកបរនោះឡើយ។ ហេតុដូច្នហើយ លោកអ្នកក៏គួរតែជ្រើសរើសកន្លែងជួសជុលរថយន្តដែលល្អ និងអាចជឿទុកចិត្តពីគុណភាពដែរ។ ការជ្រើសកន្លែងជួសជុលរថយន្តត្រឹមត្រូវ គឺប្រៀបដូចដូចជាលោកអ្នក កំពុងជ្រើសរើសវេជ្ជបណ្ឌិត ថែទាំក្រុមគ្រួសារលោកអ្នកឲ្យមានសុវត្ថិភាពអីចឹងដែរ។
ក្រៅពីតាំងបង្ហាញម៉ូដែលរថយន្ត ដ៏មានកិត្តិនាមល្បីល្បាញរបស់ Mercedes-Benz គ្រប់ស៊េរីថ្មីៗ មានជាង៣០ម៉ូដែល ក្រុមហ៊ុន Star Auto Cambodia មានមជ្ឈមណ្ឌលថែទាំជួសជុលរថយន្ត Mercedes-Benzដ៏ទំនើប និងល្អដាច់គេនៅកម្ពុជា ក៏មានរោងជាងថែទាំ និងជួសជុលមានលក្ខណៈទំនើប បំពាក់ដោយសម្ភារបរិក្ខារពេញលេញ ដែលមានសមត្ថភាពជួសជុលរថយន្ត Mercedes-Benz គ្រប់ប្រភេទ។
មជ្ឈមណ្ឌលថែទាំជួសជុលនេះ មានកន្លែងសម្រាប់តោន និងបាញ់ថ្នាំរថយន្ត ឧបករណ៍ធ្វើតេស្តប្រព័ន្ធបូម និងហ្វ្រាំង ឧបករណ៍ធ្វើឲ្យមានលំនឹងកង់រថយន្ត ឧបករណ៍តម្រែតម្រង់តួ ឬគ្រោងរថយន្តដែលជួបគ្រោះថ្នាក់ធ្ងន់ធ្ងរ ដែលមានសមត្ថភាពក្នុងការជួសជុលរថយន្តដែលមានតួធ្វើពីដែកថែប និងទាំងរថយន្តដែលមានតួធ្វើពីអាលុយមីញ៉ូម។ លើសពីនេះ ក្រុមហ៊ុន Star Auto Cambodia មានឃ្លាំងស្តុកគ្រឿងបន្លាស់ មានទំហំធំល្មមគ្រប់គ្រាន់ ដើម្បីផ្ទុកគ្រឿងបន្លាស់ដែលគេប្រើប្រាស់ជាទូទៅសម្រាប់ម៉ូដែលរថយន្ត ដែលក្រុមហ៊ុនបានលក់ចែកចាយជូនដល់អតិថិជននៅកម្ពុជា។
អគារតាំងបង្ហាញរថយន្តប្រណីត Mercedes-Benz របស់ក្រុមហ៊ុន Star Auto Cambodia ស្ថិតនៅមហាវិថីសម្តេច ហ៊ុនសែន (ផ្លូវ៦០ម៉ែត្រ) ស្ថិតក្នុងសង្កាត់ចាក់អង្រែក្រោម ខណ្ឌមានជ័យ។ លោកអ្នកក៏អាចទំនាក់ទំនងមកកាន់យើងខ្ញុំ តាមរយៈលេខទូរសព្ទ៖០១៧ ២៣១ ៤៨៨ ឬ ០២៣ ២៣១ ៤៨៨៕
© រក្សាសិទ្ធិដោយ thmeythmey.com
