កីឡាជាតិ
ជាតិ
HUN SEN Cup៖ ណាហ្គាវើលត្រូវការត្រឹមស្មើភ្នំពេញក្រោន ឯស្វាយរៀងនិងទ័ពត្រូវប្រជែងគ្នាយកឈ្នះ
×![]()
ការប្រកួតបាល់ទាត់ដណ្តើមពានរង្វាន់សម្តេច ហ៊ុន សែន ប្រចាំឆ្នាំ២០១៧ ត្រូវប្រកួតបញ្ចប់ដើម្បីចម្រាញ់រកក្រុមជើងខ្លាំងឡើងទៅលេងវគ្គ១/២នៅថ្ងៃទី២២ ខែវិច្ឆិកា។ ក្នុងនោះក្រុមណាហ្គាវើលត្រូវការត្រឹមស្មើជាមួយម្ចាស់ផ្ទះភ្នំពេញក្រោន រីឯក្រុមព្រះខ័នរាជស្វាយរៀងនិងក្រសួងការពារជាតិត្រូវប្រជែងយកឈ្នះចាញ់នៅកីឡដ្ឋានខេត្តស្វាយរៀងក្រោយស្មើ ១-១ ក្នុងជើងទី១។ បឹងកេតត្រូវការឈ្នះគីរីវង់សុខសែនជ័យដាច់ខាតដើម្បីបន្តឱកាសទៅវគ្គបន្ត ចំណែកក្រុមអគ្គិសនីកម្ពុជាត្រូវការត្រឹមស្មើអគ្គស្នងការនគរបាលជាតិនៅកីឡដ្ឋានស្តាតចាស់។
ក្រុមណាហ្គាវើលត្រូវការត្រឹមស្មើម្ចាស់ផ្ទះភ្នំពេញក្រោននាការប្រកួតជើងទី២នាប៉ុណ្ណោះដើម្បីធានាកៅឡើងទៅលេងនៅវគ្គ៤ក្រុមចុងក្រោយ បន្ទាប់ពីក្រុមនេះបានយកឈ្នះ ២-១ ក្នុងជើងទី១នៅពហុកីឡដ្ឋានជាតិ។ ភ្នំពេញក្រោនត្រូវបើកទ្វារកីឡដ្ឋាន R.S.N ស្វាគមន៍ក្រុមភ្ញៀវណាហ្គាវើលនាម៉ោង៦ល្ងាចថ្ងៃពុធ ទី២២ វិច្ឆិកានេះ។ ម្ចាស់ផ្ទះភ្នំពេញក្រោនត្រូវធ្វើការធ្ងន់នៅល្ងាចនេះដោយពួកគេទាមទារយកឈ្នះក្រុមភ្ញៀវយ៉ាងតិចពីរគ្រាប់ដើម្បីបន្តឱកាសរបស់ខ្លួននៅវគ្គបន្ត។
ក្រោយបញ្ចប់ត្រឹមលទ្ធផលស្មើ ១-១ ក្នុងជើងទី១ទាំងក្រុមម្ចាស់ផ្ទះព្រះខ័នរាជស្វាយរៀងនិងក្រុមភ្ញៀវក្រសួងការពារជាតិត្រូវប្រជែងគ្នាយកឈ្នះចាញ់ក្នុងជំនួបជើងទី២នាម៉ោង៦ល្ងាចនៅកីឡដ្ឋានខេត្តស្វាយរៀង ដើម្បីស្វែងរកក្រុមខ្លាំង១ឡើងទៅលេងនៅវគ្គ១/២។ ទន្ទឹមនឹងនេះ ក្រុមបឹងកេតក្រោយស្មើ ២-២ ជាមួយក្រុមគីរីវង់សុខសែនជ័យក្នុងជើងទី១នៅកីឡដ្ឋានខេត្តតាកែវ ក៏ទាមទារឈ្នះគីរីវង់សុខសែនជ័យក្នុងជំនួបជើងទី២នៅពហុកីឡដ្ឋានជាតិម៉ោង៦ល្ងាចនេះផងដែរ ដើម្បីធានាកៅកីនៅវគ្គបន្ត។
ចំណែកក្រុមអគ្គិសនីកម្ពុជាក្រោយយកឈ្នះប៉ូលិស ១-០ ក្នុងជើងទី១ត្រូវទប់កុំឲ្យមានការស៊ុតបញ្ចូលទីពីក្រុមប៉ូលិសក្នុងជើងទី២នាវេលាម៉ោង៣:៣០នាទីនៅកីឡដ្ឋានស្តាតចាស់ដើម្បីឡើងទៅវគ្គ៤ក្រុមចុងក្រោយ ខណៈប៉ូលិសត្រូវការឈ្នះដាច់ខាតយ៉ាងតិច២គ្រាប់៕
ក្រុមណាហ្គាវើលត្រូវការត្រឹមស្មើម្ចាស់ផ្ទះភ្នំពេញក្រោននាការប្រកួតជើងទី២នាប៉ុណ្ណោះដើម្បីធានាកៅឡើងទៅលេងនៅវគ្គ៤ក្រុមចុងក្រោយ បន្ទាប់ពីក្រុមនេះបានយកឈ្នះ ២-១ ក្នុងជើងទី១នៅពហុកីឡដ្ឋានជាតិ។ ភ្នំពេញក្រោនត្រូវបើកទ្វារកីឡដ្ឋាន R.S.N ស្វាគមន៍ក្រុមភ្ញៀវណាហ្គាវើលនាម៉ោង៦ល្ងាចថ្ងៃពុធ ទី២២ វិច្ឆិកានេះ។ ម្ចាស់ផ្ទះភ្នំពេញក្រោនត្រូវធ្វើការធ្ងន់នៅល្ងាចនេះដោយពួកគេទាមទារយកឈ្នះក្រុមភ្ញៀវយ៉ាងតិចពីរគ្រាប់ដើម្បីបន្តឱកាសរបស់ខ្លួននៅវគ្គបន្ត។
ក្រោយបញ្ចប់ត្រឹមលទ្ធផលស្មើ ១-១ ក្នុងជើងទី១ទាំងក្រុមម្ចាស់ផ្ទះព្រះខ័នរាជស្វាយរៀងនិងក្រុមភ្ញៀវក្រសួងការពារជាតិត្រូវប្រជែងគ្នាយកឈ្នះចាញ់ក្នុងជំនួបជើងទី២នាម៉ោង៦ល្ងាចនៅកីឡដ្ឋានខេត្តស្វាយរៀង ដើម្បីស្វែងរកក្រុមខ្លាំង១ឡើងទៅលេងនៅវគ្គ១/២។ ទន្ទឹមនឹងនេះ ក្រុមបឹងកេតក្រោយស្មើ ២-២ ជាមួយក្រុមគីរីវង់សុខសែនជ័យក្នុងជើងទី១នៅកីឡដ្ឋានខេត្តតាកែវ ក៏ទាមទារឈ្នះគីរីវង់សុខសែនជ័យក្នុងជំនួបជើងទី២នៅពហុកីឡដ្ឋានជាតិម៉ោង៦ល្ងាចនេះផងដែរ ដើម្បីធានាកៅកីនៅវគ្គបន្ត។
ចំណែកក្រុមអគ្គិសនីកម្ពុជាក្រោយយកឈ្នះប៉ូលិស ១-០ ក្នុងជើងទី១ត្រូវទប់កុំឲ្យមានការស៊ុតបញ្ចូលទីពីក្រុមប៉ូលិសក្នុងជើងទី២នាវេលាម៉ោង៣:៣០នាទីនៅកីឡដ្ឋានស្តាតចាស់ដើម្បីឡើងទៅវគ្គ៤ក្រុមចុងក្រោយ ខណៈប៉ូលិសត្រូវការឈ្នះដាច់ខាតយ៉ាងតិច២គ្រាប់៕
Tag:
Hun Sen Cup 2017
ណាហ្គាវើល
ទ័ព
ស្វាយរៀង
© រក្សាសិទ្ធិដោយ thmeythmey.com
