ជាតិ
«តោះនាំគ្នាសំអាតផ្ទះរបស់យើង» ជាប្រធានបទ នៃទិវាអនាម័យបរិស្ថានជាតិឆ្នាំនេះ
រូបភាពពីហ្វេសប៊ុកក្រសួងបរិស្ថាន
×![]()
ក្រសួងបរិស្ថាន នឹងប្រារព្ធទិវាអនាម័យបរិស្ថានជាតិ នៅថ្ងៃទី២៣ ខែវិច្ឆិកានេះ ក្នុងខេត្តកោះកុង។ ទិវាអនាម័យបរិស្ថានជាតិ ឆ្នាំ២០១៧នេះ ប្រារព្ធឡើងក្រោមប្រធានបទ«តោះនាំគ្នាសំអាតផ្ទះរបស់យើង»។ ដើម្បីធានាបានគុណភាពបរិស្ថាន សោភ័ណភាពទីប្រជុំជន និងសុខភាពសាធារណៈ ក្រសួងបរិស្ថាន ក៏បានណែនាំគ្រប់ស្ថាប័នពាក់ព័ន្ធទាំងអស់ ឲ្យយកចិត្តទុកដាក់ ការលើកកម្ពស់ការគ្រប់គ្រងសំរាម ការវេចខ្ចប់ និងការញែកសំរាមតាមប្រភេទ ឲ្យបានត្រឹមត្រូវ។
ទិវាអនាម័យបរិស្ថានជាតិ ត្រូវបានប្រារព្ធឡើងជារៀងរាល់ឆ្នាំ នាថ្ងៃទី២៣ ខែវិច្ឆិកា ហើយនៅឆ្នាំនេះ ទិវានេះ ប្រារព្ធឡើងក្រោមប្រធានបទ «តោះនាំគ្នាសំអាត ផ្ទះរបស់យើង»។ នៅឆ្នាំនេះ ក្រសួងបរិស្ថាន នឹងរៀបចំទិវាអនាម័យបរិស្ថានជាតិ សំអាតអនាម័យតំបន់ឆ្នេរ ក្នុងខេត្តកោះកុង។ បើតាមក្រសួងបរិស្ថាន ទិវានេះរៀបចំឡើងក្នុងបំណងបំផុសប្រជាពលរដ្ឋ ព្រះសង្ឃ កងកម្លាំងប្រដាប់អាវុធ មន្ត្រីរាជការគ្រប់លំដាប់ថ្នាក់ សិស្ស និស្សិត ឲ្យចូលរួមធ្វើអនាម័យ កែលម្អសោភ័ណភាពទីក្រុង-ប្រជុំជន ដើម្បីធានានូវគុណភាពបរិស្ថាន និងសុខភាពសាធារណៈ។
ដើម្បីធានានូវគុណភាពបរិស្ថាន សោភ័ណភាពទីប្រជុំជន និងសុខភាពសាធារណៈនេះ គឺចាំបាច់ ត្រូវយកចិត្តទុកដាក់ចំពោះលារលើកកម្ពស់ការគ្រប់គ្រងសំណល់រឹងឲ្យបានត្រឹមត្រូវ តាមរយៈវេចខ្ចប់ និងការញែកសំរាមតាមប្រភេ។ នេះបើតាមក្រសួងបរិស្ថាន ដែលបន្តណែនាំដល់គ្រប់ស្ថាប័នពាក់ព័ន្ធទាំងអស់ ឲ្យចូលរួមឲ្យកាន់តែសស្រាក់សស្រាំ ដើម្បីឲ្យការប្រារព្ធ ទិវាអនាម័យបរិស្ថានជាតិ នេះប្រព្រឹត្តទៅប្រកបដោយលទ្ធផលផ្លែផ្កា។
ក្រសួងបរិស្ថាន បានណែនាំឲ្យរដ្ឋបាលរាជធានី ខេត្តក្រុង ស្រុក ខណ្ឌ ឃុំ សង្កាត់ ត្រូវចាត់វិធានការ ធ្វើ អនាម័យនៅតាមទីសាធារណៈជាប់ជាប្រចាំ ដោយត្រូវប្រមូលសំរាមនៅតាមដងផ្លូវ ច្រាំងទន្លេ សួនច្បារ ទីធ្លា ទីផ្សារ និងដាំកូនឈើតាមដងផ្លូវ ក្នុងមូលដ្ឋានរបស់ខ្លួន។ ការប្រមូលទុកដាក់សំរាម សំណល់រឹងឲ្យបានត្រឹមត្រូវនេះ ក៏ត្រូវធ្វើជាប្រចាំនៅ តាមក្រសួង ស្ថាប័ន សាលារៀន វត្តអារាម និងមន្ទីរពេទ្យ រោងចក្រ សហគ្រាស សិប្បកម្ម និងនៅតាមបណ្តា រមណីយដ្ឋាន មជ្ឈមណ្ឌលកម្សាន្ត ភោជនីយដ្ឋាន និងអាហារដ្ឋាននានា ដើម្បីធានាបានផាសុកភាព និងភាពមនោរម្យក្នុងការផ្ដល់សេវាសម្រាក លំហែ របស់ភ្ញៀវទេសចរ។ ទន្ទឹមនឹងនេះ ក្រសួងបរិស្ថានក៏បានណែនាំដល់អាជ្ញាធរមូលដ្ឋាន ឲ្យបំផុសឲ្យប្រជាពលរដ្ឋធ្វើអនាម័យបរិស្ថាននៅតាមលំនៅដ្ឋាន និងតាមទីកន្លែងកម្មសិទ្ធិរបស់ខ្លួន ដោយណែនាំពីការទុកដាក់សំរាម សំណល់រឹងឲ្យបានសមស្រប ដើម្បីធានាឲ្យបាននូវគុណភាពបរិស្ថាន សោភ័ណភូមិដ្ឋាន និងសុខភាពអនាម័យ៕
ទិវាអនាម័យបរិស្ថានជាតិ ត្រូវបានប្រារព្ធឡើងជារៀងរាល់ឆ្នាំ នាថ្ងៃទី២៣ ខែវិច្ឆិកា ហើយនៅឆ្នាំនេះ ទិវានេះ ប្រារព្ធឡើងក្រោមប្រធានបទ «តោះនាំគ្នាសំអាត ផ្ទះរបស់យើង»។ នៅឆ្នាំនេះ ក្រសួងបរិស្ថាន នឹងរៀបចំទិវាអនាម័យបរិស្ថានជាតិ សំអាតអនាម័យតំបន់ឆ្នេរ ក្នុងខេត្តកោះកុង។ បើតាមក្រសួងបរិស្ថាន ទិវានេះរៀបចំឡើងក្នុងបំណងបំផុសប្រជាពលរដ្ឋ ព្រះសង្ឃ កងកម្លាំងប្រដាប់អាវុធ មន្ត្រីរាជការគ្រប់លំដាប់ថ្នាក់ សិស្ស និស្សិត ឲ្យចូលរួមធ្វើអនាម័យ កែលម្អសោភ័ណភាពទីក្រុង-ប្រជុំជន ដើម្បីធានានូវគុណភាពបរិស្ថាន និងសុខភាពសាធារណៈ។
ដើម្បីធានានូវគុណភាពបរិស្ថាន សោភ័ណភាពទីប្រជុំជន និងសុខភាពសាធារណៈនេះ គឺចាំបាច់ ត្រូវយកចិត្តទុកដាក់ចំពោះលារលើកកម្ពស់ការគ្រប់គ្រងសំណល់រឹងឲ្យបានត្រឹមត្រូវ តាមរយៈវេចខ្ចប់ និងការញែកសំរាមតាមប្រភេ។ នេះបើតាមក្រសួងបរិស្ថាន ដែលបន្តណែនាំដល់គ្រប់ស្ថាប័នពាក់ព័ន្ធទាំងអស់ ឲ្យចូលរួមឲ្យកាន់តែសស្រាក់សស្រាំ ដើម្បីឲ្យការប្រារព្ធ ទិវាអនាម័យបរិស្ថានជាតិ នេះប្រព្រឹត្តទៅប្រកបដោយលទ្ធផលផ្លែផ្កា។
ក្រសួងបរិស្ថាន បានណែនាំឲ្យរដ្ឋបាលរាជធានី ខេត្តក្រុង ស្រុក ខណ្ឌ ឃុំ សង្កាត់ ត្រូវចាត់វិធានការ ធ្វើ អនាម័យនៅតាមទីសាធារណៈជាប់ជាប្រចាំ ដោយត្រូវប្រមូលសំរាមនៅតាមដងផ្លូវ ច្រាំងទន្លេ សួនច្បារ ទីធ្លា ទីផ្សារ និងដាំកូនឈើតាមដងផ្លូវ ក្នុងមូលដ្ឋានរបស់ខ្លួន។ ការប្រមូលទុកដាក់សំរាម សំណល់រឹងឲ្យបានត្រឹមត្រូវនេះ ក៏ត្រូវធ្វើជាប្រចាំនៅ តាមក្រសួង ស្ថាប័ន សាលារៀន វត្តអារាម និងមន្ទីរពេទ្យ រោងចក្រ សហគ្រាស សិប្បកម្ម និងនៅតាមបណ្តា រមណីយដ្ឋាន មជ្ឈមណ្ឌលកម្សាន្ត ភោជនីយដ្ឋាន និងអាហារដ្ឋាននានា ដើម្បីធានាបានផាសុកភាព និងភាពមនោរម្យក្នុងការផ្ដល់សេវាសម្រាក លំហែ របស់ភ្ញៀវទេសចរ។ ទន្ទឹមនឹងនេះ ក្រសួងបរិស្ថានក៏បានណែនាំដល់អាជ្ញាធរមូលដ្ឋាន ឲ្យបំផុសឲ្យប្រជាពលរដ្ឋធ្វើអនាម័យបរិស្ថាននៅតាមលំនៅដ្ឋាន និងតាមទីកន្លែងកម្មសិទ្ធិរបស់ខ្លួន ដោយណែនាំពីការទុកដាក់សំរាម សំណល់រឹងឲ្យបានសមស្រប ដើម្បីធានាឲ្យបាននូវគុណភាពបរិស្ថាន សោភ័ណភូមិដ្ឋាន និងសុខភាពអនាម័យ៕
Tag:
បរិស្ថាន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
