អន្តរជាតិ
នយោបាយអន្តរជាតិ
ចិន៖ «ស្វាគមន៍ការសម្រេចចិត្តរបស់លោក មូហ្កាបេ ដែលជាមិត្តល្អរបស់ចិន»
×![]()
បន្ទាប់ពីលោក រ៉ូបឺត មូហ្កាបេ ប្រកាសលាលែងពីតំណែងជាប្រមុខរដ្ឋ តំណាងរដ្ឋាភិបាលចិនបានអះអាងថា ខ្លួនស្វាគមន៍ការសម្រេចចិត្តរបស់មេដឹកនាំអាហ្វ្រិកមួយនេះក្នុងការផ្ទេរអំណាច។ ចិនបន្តចាត់ទុកលោក មូហ្កាបេ ជាមិត្តល្អរបស់ខ្លួន និងជាអ្នកទាមទារឯករាជ្យដល់រដ្ឋអាហ្វ្រិកដែរ។
ក្រសួងការបរទេសចិនបញ្ជាក់ថា ខ្លួនរីករាយដែលស៊ីមបាវ៉េអាចដោះស្រាយបញ្ហានយោបាយក្នុងស្រុកបានដោយការជជែកពិភាក្សាគ្នា។ មិនត្រឹមតែប៉ុណ្ណោះចិន ក៏ស្វាគមន៍ការសម្រេចចិត្តរបស់មេដឹកនាំវ័យជរាស៊ីមបាវ៉េដែលចាកចេញពីតំណែងផងដែរ។
អ្នកនាំពាក្យក្រសួងការបរទេសលោក Lu Kang បានបញ្ជាក់ក្នុងសន្និសីទសារព័ត៌មានប្រចាំថ្ងៃរបស់ខ្លួនដូច្នេ៖ «ចិនគោរពការសម្រេចចិត្តចុះចេញពីតំណែងរបស់លោក មូហ្កាបេ។ លោកនៅតែជាមិត្តល្អរបស់ប្រជាជនចិន»។
យោងតាមទីភ្នាក់ងារព័ត៌មាន AFP អ្នកនាំពាក្យរូបនេះបានបន្ថែមផងដែរថា លោក មូហ្កាបេ បានរួមចំណែកយ៉ាងសំខាន់ក្នុងការរំដោះ និងទាមទារឯករាជ្យរបស់រដ្ឋស៊ីមបាវ៉េផងដែរ។
សូមរម្លឹកបន្តិចថា កាលពីថ្ងៃ ១៥ វិច្ឆិកា ក្រុមយោធាបានដណ្តើមអំណាចដោយដាក់ឃុំមេដឹកនាំវ័យ ៩៣ឆ្នាំ លោក មូហ្កា ក្នុងផ្ទះ ដែលខ្លះហៅថាជាការធ្វើរដ្ឋប្រហារដណ្តើមអំណាច។ ទោះជាបែបនេះក្តីលោក មូហ្កាបេ នៅតែក្រាញននៀលមិនចុះចេញពីតំណែងទោះមានសម្ពាធក៏ដោយ ហើយមកដល់ចុងសប្តាហ៍មុន គណបក្សកាន់អំណាចសម្រេចដកហូតតំណែងលោកជាប្រធានបក្សកាន់អំណាច ZANU FP។
ក្រោយមក រហូតដល់ថ្ងៃអង្គារទី ២១ វិច្ឆិកា លោក មូហ្កាបេ ក៏សម្រេចចិត្តប្រកាសលាលែងពីតំណែងជាប្រធានាធិបតី មុនពេលដែលសភាត្រៀមបោះឆ្នោតដកតំណែងលោកនោះ។
តាមពិតទៅចិននិងស៊ីមបាវ៉េ មានទំនាក់ទំនងស៊ីជម្រៅ និងយូរអង្វែងមកហើយដោយសារស៊ីមបាវ៉េជារដ្ឋដែលមានជំហរប្រឆាំងបស្ចិមលោក និងរងទណ្ឌកម្មលោកខាងលិចទៀត។ ក្រុមហ៊ុនចិនជាច្រើនវិនិយោគនៅស៊ីមបាវ៉េលើវិស័យរ៉ែ, ថ្នាំជក់ ថាមពល និងឧស្សាហកម្មរថយន្ត ហើយចិនក៏បានចំណាយលុយច្រើនដែរឲ្យស៊ីមបាវ៉េខ្ចីដើម្បីអភិវឌ្ឍប្រទេសកន្លងមក។
ទាក់ទិននឹងការជ្រើសរើសមេដឹកនាំស៊ីមបាវ៉េថ្មី ចិនជឿជាក់ថា ស៊ីមបាវ៉េនឹងមានសមត្ថភាពគ្រប់គ្រាន់អាចដោះស្រាយបញ្ហាផ្ទៃក្នុងរបស់ខ្លួនដោយជោគជ័យ ហើយចិនក៏សង្ឃឹមយ៉ាងមុនមាំថា ប្រទេសដទៃទៀតនឹងមិនលូកលាន់ក្នុងបញ្ហាផ្ទៃក្នុងរបស់ស៊ីមបាវ៉េដូចគ្នា។ ចិនក៏ត្រៀមខ្លួនដើម្បីធ្វើកិច្ចការងារ និងបង្កើតកិច្ចសហប្រតិបត្តិការជាមួយក្បាលម៉ាស៊ីនដឹកនាំថ្មីរបស់ស៊ីមបាវ៉េ ដូចគ្នា។
អតីតអនុប្រធានាធិបតីស៊ីមបាវ៉េដែលត្រូវគេបណ្តេញពីតំណែងលោក Emmerson Mnangagwa អាចនឹងក្លាយជាមេដឹកនាំស្តីទីបន្តពីលោក មូហ្កាបេ មុនមានការបោះឆ្នោតប្រធានាធិបតីនៅឆ្នាំក្រោយ។ គេដឹងច្បាស់ថា អតីតមេដឹកនាំស៊ីមបាវ៉េនេះ ធ្លាប់មានទំនាក់ទំនងជិតស្និទ្ធជាមួយមេដឹកនាំក្រុងប៉េកាំងផងដែរកន្លងមក៕
ក្រសួងការបរទេសចិនបញ្ជាក់ថា ខ្លួនរីករាយដែលស៊ីមបាវ៉េអាចដោះស្រាយបញ្ហានយោបាយក្នុងស្រុកបានដោយការជជែកពិភាក្សាគ្នា។ មិនត្រឹមតែប៉ុណ្ណោះចិន ក៏ស្វាគមន៍ការសម្រេចចិត្តរបស់មេដឹកនាំវ័យជរាស៊ីមបាវ៉េដែលចាកចេញពីតំណែងផងដែរ។
អ្នកនាំពាក្យក្រសួងការបរទេសលោក Lu Kang បានបញ្ជាក់ក្នុងសន្និសីទសារព័ត៌មានប្រចាំថ្ងៃរបស់ខ្លួនដូច្នេ៖ «ចិនគោរពការសម្រេចចិត្តចុះចេញពីតំណែងរបស់លោក មូហ្កាបេ។ លោកនៅតែជាមិត្តល្អរបស់ប្រជាជនចិន»។
យោងតាមទីភ្នាក់ងារព័ត៌មាន AFP អ្នកនាំពាក្យរូបនេះបានបន្ថែមផងដែរថា លោក មូហ្កាបេ បានរួមចំណែកយ៉ាងសំខាន់ក្នុងការរំដោះ និងទាមទារឯករាជ្យរបស់រដ្ឋស៊ីមបាវ៉េផងដែរ។
សូមរម្លឹកបន្តិចថា កាលពីថ្ងៃ ១៥ វិច្ឆិកា ក្រុមយោធាបានដណ្តើមអំណាចដោយដាក់ឃុំមេដឹកនាំវ័យ ៩៣ឆ្នាំ លោក មូហ្កា ក្នុងផ្ទះ ដែលខ្លះហៅថាជាការធ្វើរដ្ឋប្រហារដណ្តើមអំណាច។ ទោះជាបែបនេះក្តីលោក មូហ្កាបេ នៅតែក្រាញននៀលមិនចុះចេញពីតំណែងទោះមានសម្ពាធក៏ដោយ ហើយមកដល់ចុងសប្តាហ៍មុន គណបក្សកាន់អំណាចសម្រេចដកហូតតំណែងលោកជាប្រធានបក្សកាន់អំណាច ZANU FP។
ក្រោយមក រហូតដល់ថ្ងៃអង្គារទី ២១ វិច្ឆិកា លោក មូហ្កាបេ ក៏សម្រេចចិត្តប្រកាសលាលែងពីតំណែងជាប្រធានាធិបតី មុនពេលដែលសភាត្រៀមបោះឆ្នោតដកតំណែងលោកនោះ។
តាមពិតទៅចិននិងស៊ីមបាវ៉េ មានទំនាក់ទំនងស៊ីជម្រៅ និងយូរអង្វែងមកហើយដោយសារស៊ីមបាវ៉េជារដ្ឋដែលមានជំហរប្រឆាំងបស្ចិមលោក និងរងទណ្ឌកម្មលោកខាងលិចទៀត។ ក្រុមហ៊ុនចិនជាច្រើនវិនិយោគនៅស៊ីមបាវ៉េលើវិស័យរ៉ែ, ថ្នាំជក់ ថាមពល និងឧស្សាហកម្មរថយន្ត ហើយចិនក៏បានចំណាយលុយច្រើនដែរឲ្យស៊ីមបាវ៉េខ្ចីដើម្បីអភិវឌ្ឍប្រទេសកន្លងមក។
ទាក់ទិននឹងការជ្រើសរើសមេដឹកនាំស៊ីមបាវ៉េថ្មី ចិនជឿជាក់ថា ស៊ីមបាវ៉េនឹងមានសមត្ថភាពគ្រប់គ្រាន់អាចដោះស្រាយបញ្ហាផ្ទៃក្នុងរបស់ខ្លួនដោយជោគជ័យ ហើយចិនក៏សង្ឃឹមយ៉ាងមុនមាំថា ប្រទេសដទៃទៀតនឹងមិនលូកលាន់ក្នុងបញ្ហាផ្ទៃក្នុងរបស់ស៊ីមបាវ៉េដូចគ្នា។ ចិនក៏ត្រៀមខ្លួនដើម្បីធ្វើកិច្ចការងារ និងបង្កើតកិច្ចសហប្រតិបត្តិការជាមួយក្បាលម៉ាស៊ីនដឹកនាំថ្មីរបស់ស៊ីមបាវ៉េ ដូចគ្នា។
អតីតអនុប្រធានាធិបតីស៊ីមបាវ៉េដែលត្រូវគេបណ្តេញពីតំណែងលោក Emmerson Mnangagwa អាចនឹងក្លាយជាមេដឹកនាំស្តីទីបន្តពីលោក មូហ្កាបេ មុនមានការបោះឆ្នោតប្រធានាធិបតីនៅឆ្នាំក្រោយ។ គេដឹងច្បាស់ថា អតីតមេដឹកនាំស៊ីមបាវ៉េនេះ ធ្លាប់មានទំនាក់ទំនងជិតស្និទ្ធជាមួយមេដឹកនាំក្រុងប៉េកាំងផងដែរកន្លងមក៕
Tag:
ចិន
Lu Kang
រ៉ូបឺត មូហ្កាបេ
ស៊ីមបាវ៉េ
Emmerson Mnangagwa
© រក្សាសិទ្ធិដោយ thmeythmey.com
