អន្តរជាតិ
UN៖ ប្រជាជនរ៉ូហ៊ីងយ៉ា កំពុងប្រឈមនឹង«ការប្រើប្រាស់ទឹកដែលមានជាតិពុលខ្ពស់»
×![]()
លើសពីការប្រថុយជីវិតក្នុងការភៀសខ្លួនពីមីយ៉ាន់ម៉ាទៅបង់ក្លាដែស ជនភៀសខ្លួនជនជាតិភាគតិចរ៉ូហ៊ីងយ៉ា កំពុងតែប្រឈមនឹងបញ្ហាថ្មីក្នុងការរស់នៅរបស់ពួកគេនៅជំរំក្នុងទឹកដីបង់ក្លាដែស ។ នោះគឺ ការប្រើប្រាស់ទឹក ដែលមានសាធាតុពុលខ្ពស់។ ពេលនេះ ភ្នាក់ងារអង្គការសហប្រជាជាតិ និងបង់ក្លាដែស កំពុងតែដុតដៃដុតជើងពិនិត្យ និងរកដំណោះស្រាយ ។
អ្នកនាំពាក្យមូលនិធិកុមាររបស់អង្គការសហប្រជាជាតិ (UNICEF) លោក Christophe Boulierac នៅថ្ងៃ២១ វិច្ឆិកា បានឲ្យដឹងថា អង្គការសុខភាពពិភពលោក បានរកឃើញថា មានសារធាតុពុលរហូតដល់៦២ភាគរយក្នុងទឹកអណ្តូង ដែលជនភៀសខ្លួនរ៉ូហ៊ីងយ៉ាកំពុងប្រើប្រាស់នៅជំរំប្រទេសបង់ក្លាដែស ។ នេះបើយោងតាមការចុះផ្សាយរបស់មជ្ឈមណ្ឌលព័ត៌មានអង្គការសហប្រជាជាតិ ។
អ្នកនាំពាក្យដដែលនោះ បានបន្ថែមថា អង្គការសហប្រជាជាតិ ពិតជាមានការព្រួយបារម្ភខ្លាំងចំពោះករណីនេះ ព្រោះវាអាចបង្កជាជំងឺដល់ជនភៀសខ្លួន ជាពិសេសកុមា។ កន្លងមកក៏មានរបាយការណ៍ពាក់ព័ន្ធមនុស្សស្លាប់ដោយសារតែការរាគរូសខ្លាំងដែរ។ ប៉ុន្តែ លោក Christophe ក៏បានបញ្ជាក់ដែរថា UNICEF និងអាជ្ញាធរ កំពុងតែបើកការស្រាវជ្រាវបន្ទាន់ដើម្បីស្វែងរកមូលហេតុ ក៏ដូចជាវិធីដើម្បីដោះស្រាយសម្រាប់ជនភៀសខ្លួនផងដែរ ។
លោក បានបញ្ជាក់ថា បច្ចុប្បន្ន UNICEF ក៏កំពុងតែផ្តល់ថ្នាំដើម្បីធ្វើឲ្យទឹកស្អាត ក៏ដូចជាណែនាំឲ្យជនភៀសខ្លួនជនជាតិរ៉ូហ៊ីងយ៉ាទាំងនោះ រក្សាអនាម័យក្នុងការរស់នៅ ខណៈជំរំដែលពួកគេរស់នៅ មានស្ថានភាពមិនសូវល្អស្រាប់ហើយនោះ ។
សូមជម្រាបជាថ្មីថា តាមរបាយការណ៍របស់អង្គការសហប្រជាជាតិ គិតចាប់ពីការប៉ះទង្គិចនៅខែសីហាមក មានជនភៀសខ្លួនជនជាតិភាគតិចម៉ូស្លីមរ៉ូហ៊ីងយ៉ា ជាង៦០ម៉ឺននាក់ហើយ បានភៀសខ្លួនចេញពីរដ្ឋ Rakhine របស់មីយ៉ាន់ម៉ាទៅកាន់បង់ក្លាដែស។
មីយ៉ាន់ម៉ា បានរងការបន្ទោស និងថ្កោលទោសពីសហគមន៍អន្តរជាតិខ្លាំងដែរ។ គួរកត់សម្គាល់ដែរនោះ ស្ថាប័នជំនាញរបស់អង្គការសហការសហប្រជាជាតិ ដែលរួមមាន មហាសន្និបាត និងក្រុមប្រឹក្សាសន្តិសុខ សុទ្ធសឹងតែបានចេញសេចក្តីថ្លែងការណ៍ ឲ្យអាជ្ញាធរមីយ៉ាន់ម៉ាបញ្ចប់ហិង្សា និងធានាឲ្យបានការពារសិទ្ធិមនុស្សដល់ជនរងគ្រោះនៅក្នុងរដ្ឋ Rakhine ។
ថ្មីៗនេះដែរ ភ្នាក់ងារទទួលបន្ទុកជនភៀសខ្លួនអង្គការសហប្រជាជាតិ ក៏បានព្រមាន និងបង្ហាញក្តីបារម្ភខ្លាំងចំពោះការប្រថុយជីវិតរបស់ជនជាតិរ៉ូហ៊ីងយ៉ា ដែលបានធ្វើដំណើរតាមក្បូនឆ្លងទន្លេរាប់គីឡូម៉ែតដើម្បីចាកចេញពីមីយ៉ាន់ម៉ាទៅបង់ក្លាដែស ខណៈតួលេខនៃអ្នកស្លាប់ដោយសារតែលង់ទឹកក៏កើនឡើងដែរ៕
អ្នកនាំពាក្យមូលនិធិកុមាររបស់អង្គការសហប្រជាជាតិ (UNICEF) លោក Christophe Boulierac នៅថ្ងៃ២១ វិច្ឆិកា បានឲ្យដឹងថា អង្គការសុខភាពពិភពលោក បានរកឃើញថា មានសារធាតុពុលរហូតដល់៦២ភាគរយក្នុងទឹកអណ្តូង ដែលជនភៀសខ្លួនរ៉ូហ៊ីងយ៉ាកំពុងប្រើប្រាស់នៅជំរំប្រទេសបង់ក្លាដែស ។ នេះបើយោងតាមការចុះផ្សាយរបស់មជ្ឈមណ្ឌលព័ត៌មានអង្គការសហប្រជាជាតិ ។
អ្នកនាំពាក្យដដែលនោះ បានបន្ថែមថា អង្គការសហប្រជាជាតិ ពិតជាមានការព្រួយបារម្ភខ្លាំងចំពោះករណីនេះ ព្រោះវាអាចបង្កជាជំងឺដល់ជនភៀសខ្លួន ជាពិសេសកុមា។ កន្លងមកក៏មានរបាយការណ៍ពាក់ព័ន្ធមនុស្សស្លាប់ដោយសារតែការរាគរូសខ្លាំងដែរ។ ប៉ុន្តែ លោក Christophe ក៏បានបញ្ជាក់ដែរថា UNICEF និងអាជ្ញាធរ កំពុងតែបើកការស្រាវជ្រាវបន្ទាន់ដើម្បីស្វែងរកមូលហេតុ ក៏ដូចជាវិធីដើម្បីដោះស្រាយសម្រាប់ជនភៀសខ្លួនផងដែរ ។
លោក បានបញ្ជាក់ថា បច្ចុប្បន្ន UNICEF ក៏កំពុងតែផ្តល់ថ្នាំដើម្បីធ្វើឲ្យទឹកស្អាត ក៏ដូចជាណែនាំឲ្យជនភៀសខ្លួនជនជាតិរ៉ូហ៊ីងយ៉ាទាំងនោះ រក្សាអនាម័យក្នុងការរស់នៅ ខណៈជំរំដែលពួកគេរស់នៅ មានស្ថានភាពមិនសូវល្អស្រាប់ហើយនោះ ។
សូមជម្រាបជាថ្មីថា តាមរបាយការណ៍របស់អង្គការសហប្រជាជាតិ គិតចាប់ពីការប៉ះទង្គិចនៅខែសីហាមក មានជនភៀសខ្លួនជនជាតិភាគតិចម៉ូស្លីមរ៉ូហ៊ីងយ៉ា ជាង៦០ម៉ឺននាក់ហើយ បានភៀសខ្លួនចេញពីរដ្ឋ Rakhine របស់មីយ៉ាន់ម៉ាទៅកាន់បង់ក្លាដែស។
មីយ៉ាន់ម៉ា បានរងការបន្ទោស និងថ្កោលទោសពីសហគមន៍អន្តរជាតិខ្លាំងដែរ។ គួរកត់សម្គាល់ដែរនោះ ស្ថាប័នជំនាញរបស់អង្គការសហការសហប្រជាជាតិ ដែលរួមមាន មហាសន្និបាត និងក្រុមប្រឹក្សាសន្តិសុខ សុទ្ធសឹងតែបានចេញសេចក្តីថ្លែងការណ៍ ឲ្យអាជ្ញាធរមីយ៉ាន់ម៉ាបញ្ចប់ហិង្សា និងធានាឲ្យបានការពារសិទ្ធិមនុស្សដល់ជនរងគ្រោះនៅក្នុងរដ្ឋ Rakhine ។
ថ្មីៗនេះដែរ ភ្នាក់ងារទទួលបន្ទុកជនភៀសខ្លួនអង្គការសហប្រជាជាតិ ក៏បានព្រមាន និងបង្ហាញក្តីបារម្ភខ្លាំងចំពោះការប្រថុយជីវិតរបស់ជនជាតិរ៉ូហ៊ីងយ៉ា ដែលបានធ្វើដំណើរតាមក្បូនឆ្លងទន្លេរាប់គីឡូម៉ែតដើម្បីចាកចេញពីមីយ៉ាន់ម៉ាទៅបង់ក្លាដែស ខណៈតួលេខនៃអ្នកស្លាប់ដោយសារតែលង់ទឹកក៏កើនឡើងដែរ៕
Tag:
មីយ៉ាន់ម៉ា
UN
រ៉ូហ៊ីងយ៉ា
© រក្សាសិទ្ធិដោយ thmeythmey.com
