កីឡាអន្តរជាតិ
អន្តរជាតិ
AC Milan ដក Montella ដាក់ Gattuso ជំនួសវិញ
×
AC Milan បញ្ចប់តំណែងអ្នកចាត់ការទូទៅលោក Vincenzo Montella ហើយដាក់ Gennaro Gattuso ឡើងមកជំនួសកៅអីនេះវិញ។
ក្រោមការដឹកនាំរបស់អ្នកចាត់ការសញ្ជាតិអ៊ីតាលី វ័យ៤៣ឆ្នាំរូបនេះ បានជួយ AC Milan ស្ថិតនៅចំណាត់ថ្នាក់ទី៧ នៃក្របខណ្ឌលីកអ៊ីតាលី Serie A មាន២០ពិន្ទុប៉ុណ្ណោះ តាមពីក្រោយក្រុមឈរកំពូលតារាង Napoli ១៨ពិន្ទុ។
អតីតអ្នកចាត់ការ Sampdoria រូបនេះ ត្រូបានក្លិបដែលមានអ្នកជំនួញជនជាតិចិនឡើងមកកាន់កាប់កាលពីខែមេសាឆ្នាំមុន បានដាក់ការទុកចិត្តមកលើរូបលោក ដោយចំណាយប្រាក់ ២០៥លានផោន ប្រមាណ២៧៣ដុល្លារអាមេរិក ដើម្បីនាំយកកីឡាករល្បីៗមករួមក្រុមសម្រាប់រដូវកាល ២០១៧-២០១៨នេះ។
ប៉ុន្តែបន្ទាប់ពីស្មើ ០-០ ជាមួយ Torino នៅទឹកដី San Siro កាលពីថ្ងៃអាទិត្យ ទី២៦ ខែវិច្ចិកា ដែលជាបរាជ័យលើកទី៦ ក្នុងចំណោម១៤ប្រកួតនោះ ក្លិបបានសម្រេចបញ្ឈប់តំណែងលោក Montella ដែលឡើងដឹកនាំកាលពីរដូវកាលមុនតែម្តង។
សម្រាប់តំណែងអ្នកចាត់ការថ្មី អតីខ្សែបម្រើរបស់ AC Milan គឺលោក Gennaro Gattuso នឹងឡើងមកដឹកនាំក្រុមនេះវិញ។
Gattuso ដែលបច្ចុប្បន្នមានវ័យ ៣៩ឆ្នាំ គឺជាគ្រូបង្វឹកក្រុមយុវជនក្រោមអាយុ១៩ឆ្នាំរបស់ AC Milan តែម្តង។
លោក
Gennaro Gattuso ដែលត្រូវឡើងមកដឹកនាំ AC Milan
ក្រុមម្ចាស់ជើងឯកលីកលំដាប់កំពូលអ៊ីតាលី ១៨សម័យ និង Champion League ៧ដងនេះ នៅមិនទាន់ស្គាល់រស់ជាតិ Top 3 ក្នុងក្របខណ្ឌ Serie A នេះនៅឡើងយទេ តាំងពីឆ្នាំ ២០១៣មក៕
Tag:
បាល់ទាត់
AC Milan
Vincenzo Montella
Gennaro Gattuso
© រក្សាសិទ្ធិដោយ thmeythmey.com