ពិធីបួងសួងសុំសេចក្តីសុខនៅអង្គរវត្ត កំពុងចាប់ផ្តើម ក្រោមវត្តមានសម្តេច ហ៊ុន សែន និងថ្នាក់ដឹកនាំកំពូលៗជាច្រើន

ជាតិ

ពិធីបួងសួងសុំសេចក្តីសុខនៅអង្គរវត្ត កំពុងចាប់ផ្តើម ក្រោមវត្តមានសម្តេច ហ៊ុន សែន និងថ្នាក់ដឹកនាំកំពូលៗជាច្រើន

02, Dec 2017 , 4:21 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ ពិធីបួងសួងចម្រើនសេចក្តីសុខ ដែលរៀបចំឡើងនៅមុខអង្គរវត្ត បានចាប់ផ្តើមហើយ នៅរសៀលថ្ងៃទី២ ខែធ្នូ ឆ្នាំ២0១៧នេះ។ ពិធីបួងសួងចម្រើនសេចក្តីសុខនេះ មានការចូលរួម ពីសម្តេចនាយករដ្ឋមន្ត្រី ហ៊ុន សែន និងរដ្ឋមន្ត្រី រួមទាំងមន្ត្រីជាន់ខ្ពស់នៃរដ្ឋាភិបាលជាច្រើនរូបទៀត។

អ្នកកាសែតជាតិនិងអន្តរជាតិជាច្រើន បានចូលយកព័ត៌មាន និងផ្តិតយករូបភាពក្នុងកម្មវិធីនេះ។ ចំណែកស្ថានីយ៍ទូរទស្សន៍មួយចំនួន កំពុងផ្សាយផ្ទាល់ ពីពិធីនេះ ហើយចាប់ពីម៉ោង៥តទៅ នឹងមានការសម្តែងសិល្បៈជូនមហាជនទស្សនានៅខាងមុខប្រាសាទអង្គរវត្ត លុះដល់ព្រឹកថ្ងៃទី៣ ដែលជាថ្ងៃបញ្ចប់។

ប្រភពពីក្រសួងព័ត៌មាន បានឲ្យដឹងថា នៅម៉ោង៧ព្រឹក ថ្ងៃទី៣ ខែធ្នូ នឹងមានការសូត្រមន្តនិងការរាប់បាត្រព្រះសង្ឃ ៥ពាន់អង្គ ជាមួយមហាជន នៅក្នុងពិធីបួងសួងនេះ។ ចំណែក រសៀល ចាប់ពីម៉ោង ៣កន្លះទៅ នឹងមានការសម្តែងសិល្បៈចម្រុះ៕