លោកស្រី អាន ឡឺមែត្រ តំណាងអង្គការយូណេស្កូថា កំណាព្យ គឺជា«ចំណងនៃបេះដូង»

English-Français

បទយកការណ៍ / បទសម្ភាសន៍

សង្គមជាតិ

លោកស្រី អាន ឡឺមែត្រ តំណាងអង្គការយូណេស្កូថា កំណាព្យ គឺជា«ចំណងនៃបេះដូង»

04, Dec 2017 , 11:03 am

រូបភាព

ដោយ: គី សុខលីម (Ky Soklim)

ភ្នំពេញ៖ អាជីពកំណាព្យ គឺជាមុខវិជ្ជាមួយដែលប្រជាជនស្ទើរគ្រប់ប្រទេសមិនសូវផ្តល់តម្លៃទៀតឡើយ។ នៅក្នុងប្រទេសខ្លះ ដូចជាករណីនៅក្នុងប្រទេសកម្ពុជា ចេះជំនាញកំណាព្យអាចពិបាករកការងារធ្វើ។ អាជីពកំណាព្យនៅកម្ពុជាកំពុងឈានទៅរកការបាត់បង់។ លោកស្រី អាន ឡឺមែត្រ តំណាងអង្គការយូណេស្កូនៅក្នុងប្រទេសកម្ពុជាអត្ថាធិប្បាយថា អាជីពកំណាព្យកំពុងឈានទៅរកការបាត់បង់ ព្រោះ វាមិនមែនជាអាជីពទាន់សម័យ។ ផ្ទុយទៅវិញ អាជីពនេះ មានតម្លៃមិនអាចកាត់ថ្លៃបាន។

លោកស្រី អាន ឡឺមែត្រ តំណាងអង្គការយូណេស្កូនៅក្នុងប្រទេសកម្ពុជាបានផ្តល់តម្លៃលើអាជីពកំណាព្យយ៉ាងខ្លាំង បើទោះបីជាអាជីពមួយនេះកំពុងប្រឈមនឹងការបាត់បង់ក៏ដោយក្តី។ លោកស្រីបានបញ្ជាក់ថា ប្រសិនបើគេមើលធម្មតា កំណាព្យហាក់បីដូចជាអ្វីមួយដែលគ្មានប្រយោជន៍សម្រាប់ជីវិតប្រចាំថ្ងៃទេ។ តែផ្ទុយទៅវិញ កំណាព្យ គឺជាមូលដ្ឋានគ្រឹះនៃសេរីភាព ព្រោះកំណាព្យធ្វើឲ្យអារម្មណ៍រំភើប នាំអារម្មណ៍ឲ្យស្រមៃ នាំអារម្មណ៍ឲ្យទៅកន្លែងផ្សេង។ ជួនកាល កំណាព្យបង្ហាញពីសោភ័ណចក្ខុ និងសោភ័ណអក្សសិល្ប៍។ នៅក្នុងសោភ័ណអក្សសិល្ប៍ គឺមានកំណាព្យ។

សូមស្តាប់បទសម្ភាសជាភាសាបារាំង៖

សម្រាប់លោកស្រី អាន ឡឺមែត្រ, កំណាព្យ គឺជាចំណងចងបេះដូងនៃមនុស្សជាតិតាមរយៈអារម្មណ៍ ពោល គឺមិនមែនតាមរយៈបញ្ញាទេ។ កំណាព្យ គឺជាចំណងចងភ្ជាប់រវាងមនុស្សជាតិ ព្រោះ កំណាព្យផ្តល់សោភ័ណផ្នែកអារម្មណ៍ បង្ហាញមនោសញ្ចេតនា។ល។

កំណាព្យមានសារៈសំខាន់ណាស់សម្រាប់វិស័យអប់រំ។ ដូច្នេះ ដើម្បីសង្គ្រោះអាជីពនេះឡើងវិញ លោកស្រី អាន ឡឺមែត្រ សំណូមពរឲ្យអ្នកជំនាញក្នុងវិស័យនេះរៀបចំព្រឹត្តិការណ៍ផ្សេងៗដើម្បីធ្វើឲ្យអាជីពមួយនេះត្រូវបានគេលឺ និងត្រូវបានគេយកចិត្តទុកដាក់ឡើងវិញ៕