ពីនេះ ពីនោះ
ព័ត៍មានសុខភាព
ការចូលនិវត្តន៍មានអ្វីពាក់ព័ន្ធនឹងសុខភាពផ្លូវចិត្តដែរទេ?
× យោងទៅតាមសេចក្តីរាយការណ៍របស់សារព័ត៌មាន BBC News បានឲ្យដឹងថា ការដែលចូលនិវត្តន៍លឿនគឺជារឿងមានប្រយោជន៍ យ៉ាងហោចណាស់ក៏មានប្រយោជន៍ចំពោះសុខភាពផ្លូវចិត្តដែរ ប៉ុន្តែបែរជាមិនមានអ្វីខុសគ្នាទៅលើជំងឺផ្លូវកាយទៅវិញ។
អ្នកស្រាវជ្រាវជាច្រើនបានធ្វើការសិក្សាទៅលើបុគ្គលិកក្រុមហ៊ុនថាមពលជាង ១៤០០០នាក់ ដែលបានចូលនិវត្តន៍នៅចន្លោះឆ្នាំ ១៩៩០ ទៅ ២០០៦។ ក្នុងរយៈពេលច្រើនឆ្នាំមុនពេលចូលនិវត្ត អ្នកចូលរួមសិក្សាទាំងនោះតម្រូវឲ្យបំពេញតារាងសំណួរប្រចាំឆ្នាំអំពីសុខភាពផ្លូវកាយ និងកម្រិតនៃភាពអស់កម្លាំងទាំងផ្លូវកាយ និងចិត្តរបស់ពួកគេ។ ការចូលនិវត្តន៍ហាក់បីដូចជាមិនមានឥទ្ធិពលអ្វីទៅលើអត្រានៃបញ្ហាសុខភាពផ្លូវកាយដូចជា ជំងឺទឹកនោមផ្អែម និងជំងឺសរសៃឈាមបេះដូងដែលវាតែងតែកើនឡើងការប្រឈមមុខនៅពេលអាយុកាន់តែច្រើនសោះ។ យ៉ាងណាមិញ គេបានរកឃើញថា ការអស់កម្លាំងបានថយចុះយា់ងគួរឲ្យកត់សម្គាល់ក្នុងរយៈពេលមួយឆ្នាំក្រោយពីចូលនិវត្តន៍ជាងមុនពេលចូលនិវត្តន៍ទៅវិញ ជាពិសេសអ្នកដែលមានជំងឺរ៉ាំរ៉ៃតែម្តង។
ការចូលនិវត្តន៍ប្រហែលជាមានអត្ថប្រយោជន៍មួយចំនួនចំពោះសុខភាពផ្លូវចិត្ត និងការអស់កម្លាំងដែរ។ យ៉ាងណាមិញ អ្វីដែលពិបាកក្នុងការសិក្សានេះ យើងនៅតែមិនទាន់ដឹងច្បាស់អំពីអត្ថប្រយោជន៍នៃការចូលនិវត្តនេះនៅឡោះយ ហើយក៏ត្រូវការការសិក្សាលើប្រទេសផ្សេងៗទៀត និងចំនួនប្រជាជនច្រើនជាងនេះផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com