ជាតិ
ពីនេះ ពីនោះ
ព័ត៍មានសុខភាព
របបអាហារមានជាតិទងដែងប្រហែលជាបង្កជាជំងឺភ្លេចភ្លាំងពេលចាស់ជរាបាន
× យោងទៅតាម Daily Telegraph បានដាក់បម្រាមថា ជាតិទងដែងដែលមានក្នុងរបបអាហារ អាចជាដើមហេតុនាំឲ្យកើតជាជំងឺភ្លេចភ្លាំងពេលចាស់ជរាបានក្រោយពីការស្រាវជ្រាវថ្មីមួយបានណែនាំថា កាលនាជាតិទងដែងក្នុងខ្លួនមានច្រើនអាចរំខានដល់ឥទ្ធិពលនៃប្រូតេអ៊ីនសំខាន់មួយក្នុងខួរក្បាលបាន។
ប្រូតេអ៊ីននោះឈ្មោះថា LRP1 ដែលត្រូវបានគេចាត់ទុកថា ចូលរួមក្នុងការជួយបញ្ចេញចោលសារធាតុ Amyloid Beta ចេញពីខួរក្បាល។ Amyloid Beta គឺជាប្រូតេអ៊ីនម្យ៉ាងដែលមានជាប់ទាក់ទងនឹងជំងឺភ្លេចភ្លាំងពេលចាស់ជរាយ៉ាងខ្លាំង។
ការស្រាវជ្រាវមួយនេះមិនមែនអះអាងថា យើងគួរតែចៀសវាងការញ៉ាំអាហារសម្បូរជាតិទងដែងដូចជា សាច់ក្រហម ត្រីជាប្រភេទសំបក គ្រាប់ធញ្ញជាតិ និងបន្លែព្រមទាំងផ្លែឈើនោះទេ។ កាលណាក្នុងខ្លួនមានជាតិទងដែងតិចវិញ វាអាចនាំឲ្យមានជំងឺជាច្រើនដូចជា ពុកឆ្អឹង និងក្រពេញទីរ៉ូអ៊ីតធ្វើការច្រើនខ្លាំងពេកបាន.
ទោះបីជាយ៉ាងណាក៏ដោយ មានមធ្យោបាយច្រើនណាស់ដែលអ្នកអាចធ្វើបានដើម្បីបន្ថយការប្រឈមនឹងភាពភ្លេចភ្លាំងដូចជា៖
• ឈប់ជក់បារី
• ចៀសវាងការញ៉ាំគ្រឿងស្រវឹងច្រើនៗ
• ញ៉ាំអាហារមានតុល្យភាព ផ្តល់សុខភាព ដោយយ៉ាងហោចណាស់ញ៉ាំបន្លែ និងផ្លែឈើ ៥ពេលជារៀងរាល់ថ្ងៃ។
• ហាត់ប្រាណយ៉ាងហោចណាស់ ១៥០នាទី ជារៀងរាល់សប្តាហ៍តាមរយៈសកម្មភាពមធ្យម ទៅខ្លាំងក្លា (ជិះកង់ ឬដើរលឿន) ដើម្បីពង្រឹងដល់សុខភាពផ្លូវកាយ និងចិត្តផង
• ចូរប្រាកដថា សម្ពាធឈាមអ្នកមានការគ្រប់គ្រងល្អហើយ និងពិនិត្យសុខភាពជាទៀងទាត់ផង
• បើសិនជាមានជំងឺទឹកនោមផ្អែម ចូរប្រាកដថាអ្នកបានញ៉ាំអាហារទៅតាមការណែនាំរបស់គ្រូពេទ្យ និងប្រើថ្នាំបានត្រឹមត្រូវ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com