សិល្បៈអន្តរជាតិ
អន្តរជាតិ
ស្តេចចម្រៀងបារាំង Johnny Hallyday ទទួលមរណភាពក្នុងអាយុ៧៤ឆ្នាំ លោក Johnny Hallyday ទទួលមរណភាពក្នុងអាយុ៧៤ឆ្នាំដោយសារជំងឺមហារីកសួត។ រូបថត AFP
× ស្តេចចម្រៀងរ៉កបារាំង លោក Johnny Hallyday បានទទួលមរណភាពក្នុងអាយុ៧៤ឆ្នាំ ដោយសារជំងឺមហារីកសួត។ នេះបើតាមការប្រកួតរបស់អ្នកស្រី Laeticia Boudou ជាភរិយា និងលោកប្រធានាធិបតីបារាំង Emmnuel Macron នាថ្ងៃពុធ ទី៦ ខែធ្នូ។
លោក Johnny Hallyday ដែលត្រូវបានគេប្រសិទ្ធនាមថា «Elvis បារាំង» មានភាពល្បីល្បាញយ៉ាងខ្លាំងនៅក្នុងពិភពតន្ត្រីបារាំង រួមទាំងក្នុងវិស័យភាពយន្ត នារយៈពេលជាង៥០ឆ្នាំចុងក្រោយនេះ។
តាមសម្តីដែលដកស្រង់ដោយ AFP អ្នកស្រី Laeticia Boudou បានថ្លែងថា៖ «វាជាការពិត វីរបុរសរបស់ខ្ញុំ លែងនៅជាមួយយើងទៀតហើយ។ គាត់បានទៅចោលយើងនារាត្រីនេះ ដោយការរស់នៅក្នុងមួយឆាកជីវិតរបស់គាត់ពោរពេញទៅដោយក្តីក្លាហាន និងកិត្តិយស»។
លោកប្រធានាធិបតីបារាំង អេម៉ានុយអែល ម៉ាក្រុង តារាចម្រៀងកាណាដា Celine Dion ឥស្សរជន និងតារាល្បីៗលើពិភពលោកជាច្រើននាក់ទៀតសុទ្ធតែបានសម្តែងការសោកស្តាយចំពោះការបាត់បង់តារាចម្រៀងឆ្នើមរូបនេះ ៕
© រក្សាសិទ្ធិដោយ thmeythmey.com