ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ម្ចាស់ជើងឯកកីឡាគុនដាវទទួលបានការហ្វឹកហាត់ក្នុងក្រុមជម្រើសជាតិ ដើម្បីត្រៀមជើងឯកអាស៊ាន
14, Dec 2017 ,
8:19 am
រូបភាព
×
ដោយ:
ក្រុមកីឡាករ កីឡាការិនី ម្ចាស់ជ័យលាភីការប្រកួតកីឡាគុនដាវ ជ្រើសរើសជើងឯកថ្នាក់ជាតិប្រចាំឆ្នាំ២០១៧ ទទួលបានឱកាស ហ្វឹកហាត់ ក្នុងក្រុមជម្រើសជាតិ សម្រាប់ត្រៀមការប្រកួតអន្តរជាតិនានា ពិសេសជើងឯកអាស៊ាន នៅម៉ាឡេស៊ី ខាងមុខនេះ។ ជើងឯកថ្នាក់ជាតិ ដែលមានកីឡាករ២៩នាក់ មកពី៤ក្លិបសមាគមចូលរួម ក៏ដើម្បីសម្រិតសម្រាំង ធនធានស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះផងដែរ។
ទោះបីការប្រកួតជ្រើសរើសជើងឯកថ្នាក់ជាតិ ជាការប្រកួតប្រចាំឆ្នាំ តែវាក៏ជាការប្រកួតដើម្បីសម្រិតសម្រាំងកីឡាករធនធានថ្នាល សម្រាប់ត្រៀមការប្រកួតអន្តរជាតិនានា និងការប្រកួតកីឡាស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះផងដែរ។ ជាក់ស្តែង សម្រាប់ការប្រកួតកីឡាគុនដាវជ្រើសរើសជើងថ្នាក់ជាតិប្រចាំឆ្នាំ២០១៧ សហព័ន្ធបានជ្រើសរើសកីឡាករ កីឡាការិនី ម្ចាស់ជ័យលាភី ឲ្យហ្វឹកហាត់ក្នុងក្រុមជម្រើសជាតិ។
លោក តែ ឡូរិន ប្រធានសហព័ន្ធកីឡាគុនដាវកម្ពុជាបានបញ្ជាក់ថា ការដែលសហព័ន្ធសម្រេចឲ្យកីឡាករម្ចាស់ជ័យលាភី ចូលហ្វឹកហាត់ក្នុងក្រុមជម្រើសជាតិ គឺដើម្បីពង្រឹងសមត្ថភាព ត្រៀមប្រកួតក្នុងព្រឹត្តិការណ៍អន្តរជាតិ ពិសេសការប្រកួតជើងឯកអាស៊ីអាគ្នេយ៍ នាខែមករា ឆ្នាំ២០១៨ ដែលម៉ាឡេស៊ីធ្វើជាម្ចាស់ផ្ទះ។
លោក តែ ឡូរិន ពេលផ្តល់បទសម្ភាសដល់អ្នកសារព័ត៌មានក្រោយចប់ការប្រកួត
«ការរៀបចំជើងឯកថ្នាក់ជាតិនេះ គឺផ្តោតសំខាន់លើស៊ីហ្គេមឆ្នាំ២០២៣ ដែលតម្រូវឲ្យយើងមានកីឡាករ កីឡាការិនីចូលរួមប្រកួតជាចាំបាច់ ប្រសិនបើក្នុងនាមយើងជាម្ចាស់ផ្ទះ តែគ្មានកីឡាករសម្រាប់ប្រកួតប្រជែង វាជារឿងអាម៉ាស់មុខដ៏ធ្ងន់ធ្ងរបំផុត។ ហេតុនេះ ទើបសហព័ន្ធខិតខំបង្កើតឲ្យមានជើងឯកថ្នាក់ជាតិ ដើម្បីសម្រិតសម្រាំងធនធានសម្រាប់ត្រៀមការប្រកួតលក្ខណៈអន្ដរជាតិនានា រហូតដល់ស៊ីហ្គេមឆ្នាំ២០២៣»។ នេះជាការលើកឡើងរបស់លោក តែ ឡូរិន ក្នុងថ្ងៃបិទការប្រកួតជើងថ្នាក់ជាតិ ប្រចាំឆ្នាំ២០១៧ កាលពីថ្ងៃទី៩ ខែធ្នូ កន្លងទៅ។
តែយ៉ាងណា បញ្ហាសម្ភារហ្វឹកហាត់មានតម្លៃថ្លៃ អាចជាកត្តាប្រឈមក្នុងការអភិវឌ្ឍវិស័យកីឡាគុនដាវនេះ ព្រោះកីឡាករ កីឡាការិនី មួយចំនួន គ្មានលទ្ធភាពទិញ។ នេះជាការបង្ហាញក្តីកង្វល់របស់លោក តែ ឡូរិន ប្រធានសហព័ន្ធកីឡាគុនដាវកម្ពុជា។
ការប្រកួតជើងឯកថ្នាក់ជាតិឆ្នាំនេះ មានកីឡាករ កីឡាការិនី ចំនួន២៩នាក់ មកពី៤ក្លិបសមាគមចូលរួម ដោយអត្តពលិកទាំងនេះ ត្រូវប្រកួតប្រជែងលើពីរប្រភេទវិញ្ញាសា គឺវិញ្ញាសាបុរសឯកត្តជនដាវធំ និងវិញ្ញាសានារីឯកត្តជនដាវកាប។ ក្រោយឆ្លងកាត់ការប្រកួតមួយថ្ងៃពេញ នៅទីលាននៃសាលាវេស្ទើនភ្នំពេញ កីឡាករ Paul Vag Urminsky មកពីក្លិបអ៊ីសា គ្រងជើងឯកវិញ្ញាសាបុរសឯកត្តជនដាវធំ, លេខ២ ឃឹម សំមាន និងលេខ៣កីឡាករ ជិម ធារ៉ា មកពីក្លិបវេស្ទើន និងលេខ៣ ស្ទួនកីឡាករ ភង ឈាងហ័រ មកពីក្លឹបហូសាណា។
ចំណែកវិញ្ញាសានារីឯកត្តជនដាវកាប កីឡាការិនី ឆាយ លីនលី គ្រងជើងឯក, សន និច លេខ២, អ៊ី លីហ្សា លេខ៣ និងកីឡាការិនី ជុំ សុវណ្ណារ៉ុង លេខ៣ស្ទួន។ កីឡាការិនីទាំង៣រូបនេះមកពីក្លិបហូសាណា៕
ក្រុមអត្តពលិកគុនដាវថតរូបជុំគ្នាជាមួយថ្នាក់ដឹកនាំក្រោយចប់ការប្រកួតជើងឯកថ្នាក់ជាតិឆ្នាំ២០១៧
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
គុនដាវ
តែ ឡូរិន
ជើងឯកថ្នាក់ជាតិឆ្នាំ២០១៧
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
អត្ថបទពេញនិយមបន្ថែម