ពីនេះ ពីនោះ
ព័ត៍មានសុខភាព
លិង្គមិនឡើងរឹងមានអ្វីជាប់ទាក់ទងនឹងជំងឺគាំងបេះដូងដែរទេ?
× យោងទៅតាមសេចក្តីរាយការណ៍របស់ Daily Express បានឲ្យដឹងថា បុរសដែលមានបញ្ហាលិង្គមិនឡើងរឹងកំពុងតែផ្តល់នូវសញ្ញាព្រមានភ្លាមៗដែលបញ្ជាក់ថា ជំងឺគាំងបេះដូងកំពុងតែរងចាំនៅពេលខាងមុខហើយ។ បុរសដែលមានបញ្ហានេះ មានន័យថា វាអាចជាសញ្ញាមួយនៃភាពរឹងរបស់សរសៃឈាមអាក់ទែ ហើយក្នុងនោះវាមានឱកាសច្រើនជាង ៥០ភាគរយឯណោះក្នុងការកើតជាជំងឺគាំងបេះដូង។
វេជ្ជបណ្ឌិត Geoffrey Hackett អ្នកផ្តល់ការពិគ្រោះជំងឺខាងផ្នែកប្រព័ន្ធទឹកម៉ូត្រ និយាយថា ការដែលលិង្គមិនអាចឡើងរឹងបាន គឺជាសញ្ញាព្រមានមុនមួយនៃជំងឺគាំងបេះដូងសម្រាប់កើតឡើងនៅ ៣ឆ្នាំក្រោយ ដូច្នេះបើសិនជាមិនសម្គាល់រឿងនេះបានមុនទេ អ្នកជំងឺអាចនឹងប្រឈមមុខដោយមិនដឹងខ្លួន។
សារព័ត៌មាននេះបាននិយាយទៀតថា ការដែលលិង្គមិនអាចឡើងរឹងបានគឺជារឿងល្អមួយដែលអាចបង្ហាញអំពីការប្រឈមនឹងជំងឺគាំងបេះដូងលើបុរសដែលមានជំងឺទឹកនោមផ្អែម ហើយវាក៏កាន់តែសុក្រិតថែមទៀតក្នុងការទាយដឹងអំពីជំងឺគាំងបេះដូងជាងការលើសសម្ពាធឈាម ឬលើសជាតិខ្លាញ់។
ទោះបីជាយ៉ាងណាក៏ដោយ នេះគឺជាករណីមួយដែលត្រូវការការពិចារណា ប៉ុន្តែមុននឹងពិនិត្យរកមើលការមិនអាចឡើងរឹងរបស់លិង្គដើម្បីយកជាផ្នែកស្តង់ដារមួយនៃការវាយតម្លៃការប្រឈមនឹងជំងឺបេះដូងសរសៃឈាម អំណះអំណាងនេះនឹងត្រូវតែពិនិត្យឡើងវិញសិនដើម្បីកំណត់អំពីប្រយោជន៍នៃការបញ្ចូលវាទៅក្នុងវិធីវាយតម្លៃជំងឺ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com