ជាតិ
នយោបាយជាតិ
លោក អេង ឆៃអ៊ាង ៖ រដ្ឋាភិបាលកំពុងទាល់ច្រកនឹងសម្ពាធអន្តរជាតិ ទើបប្រាប់ឲ្យអតីតCNRPបង្កើតបក្សថ្មី
×![]()
ភ្នំពេញ៖ រដ្ឋាភិបាល ប្រាប់ឲ្យអតីតមន្ត្រីគណបក្សសង្គ្រោះជាតិ ដែលត្រូវបានតុលាការរំលាយនោះ បង្កើតគណបក្សថ្មី ដើម្បីចូលរួមការបោះឆ្នោតឆ្នាំ២០១៨ខាងមុខ។ ឆ្លើយតបការលើកឡើងរបស់រដ្ឋាភិបាលនេះ អតីតគណបក្សសង្គ្រោះជាតិ ប្រកាសមិនដើរតាមផ្លូវដែលរដ្ឋាភិបាលគូសវាសឲ្យខ្លួនឡើយ។អតីតគណបក្សសង្គ្រោះជាតិ ចំអកវិញថា រដ្ឋាភិបាលកំពុងរងសម្ពាធអន្តរជាតិធ្ងន់ធ្ងរ ទើបបង្កើតយុទ្ធសាស្ត្របង្វែរស្ថានការណ៍បែបនេះ។
បើមជ្ឈដ្ឋានទូទៅនៅតែរំពឹងថា គណបក្សសង្គ្រោះជាតិ នឹងមានវត្តមានក្នុងការបោះឆ្នោតឆ្នាំ២០១៨ ខាងមុខនេះ ទំនងជាមិនដូចក្តីរំពឹងឡើយ។ នោះក៏ព្រោះតែឱកាសរស់ឡើងវិញរបស់អតីតគណបក្សសង្គ្រោះជាតិ ហាក់គ្មានផ្លូវបើកឲ្យដំណើការវិញនោះទេ។ ត្រង់ចំណុចនេះសម្ដេចនាយករដ្ឋមន្ត្រី ហ៊ុន សែន បានព្រលយសម្ដីថា គ្មានឡើយវត្តមានអតីតគណបក្សសង្គ្រោះជាតិ ដែលអាចកើតឡើងជាថ្មី។
តាមរយៈហ្វេសប៊ុកសម្ដេច ហ៊ុន សែន បានសរសេរដូច្នេះថា៖«ដោយសារមានការខ្សឹបខ្សៀវ និងការប្រឌិតព័ត៌មានមិនពិតដដែលជាដដែលអំពីការរស់ឡើងវិញនៃអតីតបក្សសង្រោះជាតិ គឺខ្ញុំសូមផ្តាំផ្ញើនិងបញ្ជាក់សារជាថ្មីថា អតីតបក្សដែលត្រូវបានរំលាយហើយ (សង្គ្រោះជាតិ) ដោយសាលដីការតុលាកំពូល គឺចប់ជាស្ថាពរហើយ។ ឈ្មោះអតីតបក្សនេះគឺនឹងគ្មានកើតឡើងសារជាថ្មីទៀតឡើយ»។
ប៉ុន្តែអតីតគណបក្សសង្គ្រោះជាតិ ក៏មិនមែនគ្មានច្រកចូលធ្វើនយោបាយទាំងស្រុងដែរ។ សម្រាប់សម្ដេច ហ៊ុន សែន ផ្លូវដែលអតីតគណបក្សសង្គ្រោះជាតិ អាចចូលរួមប្រកួតប្រជែងការបោះឆ្នោតឆ្នាំ២០១៨ខាងមុខ គឺការបង្កើតគណបក្សថ្មី។ «ខ្ញុំសូមឲ្យយោបល់ខ្លះៗដែលអាចមានប្រយោជន៍ ហើយកុំឲ្យខាតពេលច្រើន គឺមានតែវិធីមួយគត់ គឺបង្កើតបក្សថ្មីចូលរួមប្រកួតប្រជែងតាមលក្ខណៈប្រជាធិបតេយ្យនៅក្នុងការបោះឆ្នោតខាងមុខ គឺវាប្រសើរជាងដើរនិយាយឃោសនាមិនពិត ហើយខាតបង់ពេលវេលាកាន់តែច្រើន»។ នេះជាការលើកឡើងរបស់សម្ដេច ហ៊ុន សែន។
តែយ៉ាងណាសាររបស់សម្ដេច ហ៊ុន សែន នេះ បានត្រឹមទទួលការចំអកពីអតីតគណបក្សសង្គ្រោះជាតិទៅវិញទេ។ អតីតមន្ត្រីគណបក្សសង្គ្រោះជាតិ លោក អេង ឆៃអ៊ាង ចាត់ទុកយោបល់របស់សម្ដេច ហ៊ុន សែន គ្រាន់តែជាយុទ្ធសាស្ត្រមួយ ដើម្បីបង្វែរស្ថានការណ៍នយោបាយ ឲ្យរួចផុតពីសម្ពាធរបស់សហគមន៍អន្តរជាតិប៉ុណ្ណោះ។ លោក អេង ឆៃអ៊ាង បាននិយាយថា អតីតគណបក្សខ្លួនក៏មិនដើរតាមផ្លូវ ដែលប្រមុខរដ្ឋាភិបាលបើកច្រកចូលនេះដែរ។
អតីតមន្ត្រីគណបក្សសង្គ្រោះជាតិរូបនេះ បានសរសេរលើហ្វេសប៊ុកខ្លួនដោយអមរូបថតជុំជួបថ្នាក់ដឹកនាំគណបក្សមួយសន្លឹក យ៉ាងដូច្នេះថា៖«នេះជាយុទ្ធសាស្ត្រនយោបាយដោះស្រាយសម្ពាធអន្តរជាតិរបស់លោក ហ៊ុន សែន ហើយក៏ជាផ្លូវដែលលោក ហ៊ុន សែន ចង់ដើរ និងគូសវាសឲ្យយើងដើរតាមគាត់ បន្ទាប់ពីចាប់ខ្លួនលោកប្រធាន កឹម សុខា និងប្តឹងរំលាយគណបក្សសង្គ្រោះជាតិ ។ តែយើងមិនដើរលើផ្លូវដែលលោក ហ៊ុន សែន ចង់បាននោះទេ ព្រោះផ្លូវនេះ នាំឲ្យលោក ហ៊ុន សែន ក្លាយជាមេដឹកនាំផ្តាច់ការ ហើយកម្ពុជានឹងស្ថិតនៅឯកោពីសហគមន៍អន្តរជាតិ ឯប្រជាពលរដ្ឋខ្មែររស់នៅក្នុងភាពក្រីក្រ និងភ័យខ្លាច»។
បើតាមលោក អេង ឆៃអ៊ាង ផ្លូវដែលអតីតគណបក្សលោក បានកំណត់គោលដៅនោះ គឺការទាមទារឲ្យមានការលុបចោលសេចក្តីសម្រេចរំលាយគណបក្សសង្គ្រោះជាតិ ,ដោះលែងលោក កឹម សុខា និងអ្នកទោសមនសិការទាំងអស់ ,ទម្លាក់ចោលការចោទប្រកាន់លើអ្នកនយោបាយ មន្ត្រីសង្គមស៊ីវិល និងអ្នកសារព័ត៌មាន ,អនុញ្ញាតឲ្យអង្គការសង្គមស៊ីវិល និងប្រព័ន្ធផ្សព្វផ្សាយធ្វើសកម្មភាពដូចមុន និងរៀបចំការបោះឆ្នោតដោយសេរី ត្រឹមត្រូវ និងយុត្តិធម៌ នៅឆ្នាំ២០១៨ ។
សម្រាប់អ្នកវិភាគវិញ ការវិវត្តនយោបាយនៅពេលខាងមុខ នឹងមានការប្រែប្រួលកាន់តែប្រសើរឡើងជាងនេះ តាមរយៈការសម្បទាននយោបាយគ្នាទៅវិញទៅមក ក្រោមរូបភាពដោះស្រាយបញ្ហារួមគ្នា។ ប៉ុន្តែការសម្បទាននយោបាយនោះ អ្នកវិភាគក៏មិនទាន់អាចវាយតម្លៃឲ្យច្បាស់ថា ស្ថិតនៅក្រោមរូបភាពបែបណាដែរ។
អតីតគណបក្សសង្គ្រោះជាតិ ត្រូវបានតុលាការកំពូលសម្រេចរំលាយបក្ស និងផ្អាកសកម្មភាពនយោបាយរបស់មន្ត្រីជាន់ខ្ពស់បក្ស១១៨ រយៈពេល៥ឆ្នាំ តាមបណ្ដឹងរបស់ក្រសួងមហាផ្ទៃ កាលពីថ្ងៃទី១៦ វិច្ឆិកាកន្លងមក។ ជុំវិញបញ្ហានេះអតីតគណបក្សសង្គ្រោះជាតិ ក៏បានដាក់ពាក្យទៅតុលាការកំពូលឲ្យមានការសើរើលើករណីប្ដឹងរំលាយបក្សនេះឡើងវិញដែរ ប៉ុន្តែត្រូវបានតុលាការច្រានចោល៕
បើមជ្ឈដ្ឋានទូទៅនៅតែរំពឹងថា គណបក្សសង្គ្រោះជាតិ នឹងមានវត្តមានក្នុងការបោះឆ្នោតឆ្នាំ២០១៨ ខាងមុខនេះ ទំនងជាមិនដូចក្តីរំពឹងឡើយ។ នោះក៏ព្រោះតែឱកាសរស់ឡើងវិញរបស់អតីតគណបក្សសង្គ្រោះជាតិ ហាក់គ្មានផ្លូវបើកឲ្យដំណើការវិញនោះទេ។ ត្រង់ចំណុចនេះសម្ដេចនាយករដ្ឋមន្ត្រី ហ៊ុន សែន បានព្រលយសម្ដីថា គ្មានឡើយវត្តមានអតីតគណបក្សសង្គ្រោះជាតិ ដែលអាចកើតឡើងជាថ្មី។
តាមរយៈហ្វេសប៊ុកសម្ដេច ហ៊ុន សែន បានសរសេរដូច្នេះថា៖«ដោយសារមានការខ្សឹបខ្សៀវ និងការប្រឌិតព័ត៌មានមិនពិតដដែលជាដដែលអំពីការរស់ឡើងវិញនៃអតីតបក្សសង្រោះជាតិ គឺខ្ញុំសូមផ្តាំផ្ញើនិងបញ្ជាក់សារជាថ្មីថា អតីតបក្សដែលត្រូវបានរំលាយហើយ (សង្គ្រោះជាតិ) ដោយសាលដីការតុលាកំពូល គឺចប់ជាស្ថាពរហើយ។ ឈ្មោះអតីតបក្សនេះគឺនឹងគ្មានកើតឡើងសារជាថ្មីទៀតឡើយ»។
ប៉ុន្តែអតីតគណបក្សសង្គ្រោះជាតិ ក៏មិនមែនគ្មានច្រកចូលធ្វើនយោបាយទាំងស្រុងដែរ។ សម្រាប់សម្ដេច ហ៊ុន សែន ផ្លូវដែលអតីតគណបក្សសង្គ្រោះជាតិ អាចចូលរួមប្រកួតប្រជែងការបោះឆ្នោតឆ្នាំ២០១៨ខាងមុខ គឺការបង្កើតគណបក្សថ្មី។ «ខ្ញុំសូមឲ្យយោបល់ខ្លះៗដែលអាចមានប្រយោជន៍ ហើយកុំឲ្យខាតពេលច្រើន គឺមានតែវិធីមួយគត់ គឺបង្កើតបក្សថ្មីចូលរួមប្រកួតប្រជែងតាមលក្ខណៈប្រជាធិបតេយ្យនៅក្នុងការបោះឆ្នោតខាងមុខ គឺវាប្រសើរជាងដើរនិយាយឃោសនាមិនពិត ហើយខាតបង់ពេលវេលាកាន់តែច្រើន»។ នេះជាការលើកឡើងរបស់សម្ដេច ហ៊ុន សែន។
តែយ៉ាងណាសាររបស់សម្ដេច ហ៊ុន សែន នេះ បានត្រឹមទទួលការចំអកពីអតីតគណបក្សសង្គ្រោះជាតិទៅវិញទេ។ អតីតមន្ត្រីគណបក្សសង្គ្រោះជាតិ លោក អេង ឆៃអ៊ាង ចាត់ទុកយោបល់របស់សម្ដេច ហ៊ុន សែន គ្រាន់តែជាយុទ្ធសាស្ត្រមួយ ដើម្បីបង្វែរស្ថានការណ៍នយោបាយ ឲ្យរួចផុតពីសម្ពាធរបស់សហគមន៍អន្តរជាតិប៉ុណ្ណោះ។ លោក អេង ឆៃអ៊ាង បាននិយាយថា អតីតគណបក្សខ្លួនក៏មិនដើរតាមផ្លូវ ដែលប្រមុខរដ្ឋាភិបាលបើកច្រកចូលនេះដែរ។
អតីតមន្ត្រីគណបក្សសង្គ្រោះជាតិរូបនេះ បានសរសេរលើហ្វេសប៊ុកខ្លួនដោយអមរូបថតជុំជួបថ្នាក់ដឹកនាំគណបក្សមួយសន្លឹក យ៉ាងដូច្នេះថា៖«នេះជាយុទ្ធសាស្ត្រនយោបាយដោះស្រាយសម្ពាធអន្តរជាតិរបស់លោក ហ៊ុន សែន ហើយក៏ជាផ្លូវដែលលោក ហ៊ុន សែន ចង់ដើរ និងគូសវាសឲ្យយើងដើរតាមគាត់ បន្ទាប់ពីចាប់ខ្លួនលោកប្រធាន កឹម សុខា និងប្តឹងរំលាយគណបក្សសង្គ្រោះជាតិ ។ តែយើងមិនដើរលើផ្លូវដែលលោក ហ៊ុន សែន ចង់បាននោះទេ ព្រោះផ្លូវនេះ នាំឲ្យលោក ហ៊ុន សែន ក្លាយជាមេដឹកនាំផ្តាច់ការ ហើយកម្ពុជានឹងស្ថិតនៅឯកោពីសហគមន៍អន្តរជាតិ ឯប្រជាពលរដ្ឋខ្មែររស់នៅក្នុងភាពក្រីក្រ និងភ័យខ្លាច»។
បើតាមលោក អេង ឆៃអ៊ាង ផ្លូវដែលអតីតគណបក្សលោក បានកំណត់គោលដៅនោះ គឺការទាមទារឲ្យមានការលុបចោលសេចក្តីសម្រេចរំលាយគណបក្សសង្គ្រោះជាតិ ,ដោះលែងលោក កឹម សុខា និងអ្នកទោសមនសិការទាំងអស់ ,ទម្លាក់ចោលការចោទប្រកាន់លើអ្នកនយោបាយ មន្ត្រីសង្គមស៊ីវិល និងអ្នកសារព័ត៌មាន ,អនុញ្ញាតឲ្យអង្គការសង្គមស៊ីវិល និងប្រព័ន្ធផ្សព្វផ្សាយធ្វើសកម្មភាពដូចមុន និងរៀបចំការបោះឆ្នោតដោយសេរី ត្រឹមត្រូវ និងយុត្តិធម៌ នៅឆ្នាំ២០១៨ ។
សម្រាប់អ្នកវិភាគវិញ ការវិវត្តនយោបាយនៅពេលខាងមុខ នឹងមានការប្រែប្រួលកាន់តែប្រសើរឡើងជាងនេះ តាមរយៈការសម្បទាននយោបាយគ្នាទៅវិញទៅមក ក្រោមរូបភាពដោះស្រាយបញ្ហារួមគ្នា។ ប៉ុន្តែការសម្បទាននយោបាយនោះ អ្នកវិភាគក៏មិនទាន់អាចវាយតម្លៃឲ្យច្បាស់ថា ស្ថិតនៅក្រោមរូបភាពបែបណាដែរ។
អតីតគណបក្សសង្គ្រោះជាតិ ត្រូវបានតុលាការកំពូលសម្រេចរំលាយបក្ស និងផ្អាកសកម្មភាពនយោបាយរបស់មន្ត្រីជាន់ខ្ពស់បក្ស១១៨ រយៈពេល៥ឆ្នាំ តាមបណ្ដឹងរបស់ក្រសួងមហាផ្ទៃ កាលពីថ្ងៃទី១៦ វិច្ឆិកាកន្លងមក។ ជុំវិញបញ្ហានេះអតីតគណបក្សសង្គ្រោះជាតិ ក៏បានដាក់ពាក្យទៅតុលាការកំពូលឲ្យមានការសើរើលើករណីប្ដឹងរំលាយបក្សនេះឡើងវិញដែរ ប៉ុន្តែត្រូវបានតុលាការច្រានចោល៕
Tag:
ហ៊ុន សែន
CNRP
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
