អន្តរជាតិ
លោក Rodrigo Duterte (ឆ្វេង) ថតជាមួយលោក Manny Pacquiao នាជំនួបមួយនៅក្រុង Davao កាលពីខែឧសភា ឆ្នាំ២០១៧។ រូបថត AFP
×![]()
ដោយ: ថ្មីៗ
ប្រធានាធិបតីហ្វីលីពីនលោក រ៉ូឌ្រីហ្គោ ឌូទើតេ យល់ឃើញថា កីឡាករប្រដាល់ដ៏ល្បី និងជាសមាជិកព្រឹទ្ធសភាហ្វីលីពីន Manny Pacquiao មានសមត្ថភាពជាអនាគតប្រធានាធិបតីហ្វីលីពីន។
ប្រធានាធិបតីហ្វីលីពីន លោក រ៉ូឌ្រីហ្គោ ឌូទើតេ បានព្រលយថា លោកចង់ឃើញលោក Manny Pacquiao ធ្វើជាប្រធានាធិបតីបន្ទាប់ពីលោក។ មេដឹកនាំហ្វីលីពីនរូបនេះបានបញ្ជាក់បែបនេះនៅក្នុងពេលលោកចូលរួមក្នុង ពិធីខួបកំណើតគម្រប់អាយុ៣៩ឆ្នាំរបស់លោក Pacquiao នៅក្រុងម៉ានីលថ្ងៃអាទិត្យទី ១៧ ខែធ្នូ។
បើតាមសារព័ត៌មានហ្វីលីពីន Inquirer លោក ឌូទើតេបាននិយាយដូច្នេះ៖ «ខ្ញុំបានប្រាប់គាត់ហើយពេលយើងនៅតែពីរនាក់ ហើយខ្ញុំចង់ឲ្យគាត់ក្លាយជាប្រធានាធិបតី»។
ប្រធានាធិបតីរូបនេះបញ្ជាក់ផងដែរថា លោករីករាយខ្លាំងនៅពេលដែលបានធ្វើការងារជាមួយសមាជិកព្រឹទ្ធសភា Pacquiao ក៏ដូចជាបានចែករម្លែកភាពសប្បាយរីករាយនៅក្នុងជីវិតកន្លងមក។ បន្ថែមពីនោះលោកក៏បានបួងសួងឲ្យសមាជិកព្រឹទ្ធសភារូបនេះមានសុខភាពល្អ និងបន្តចូលរួមចំណែកបម្រើប្រជាជនហ្វីលីពីន និងជំរុញលើកទឹកចិត្តពួកគេទៅមុខបន្តទៀតផងដែរ។
លោកបានបន្តថា៖«អ្នកបាននាំមកនូវភាពរីករាយ និងមោទនភាពសម្រាប់ប្រទេសយើង ដោយក្លាយជាម្ចាស់ពានរង្វាន់ផ្នែកប្រដាល់ពិភពលោក»។
ចំណែកលោក Pacquiao វិញបានឆ្លៀតរម្លឹកពីអតីតកាលនៅពេលដែលលោកនៅសំណង់អនាធិបតេយ្យ ហើយលោកមិនដែលធ្លាប់គិតថា លោកមានជីវិតរុងរឿងដូចបច្ចុប្បន្នឡើយ។ អ្វីដែលលោកចង់ធ្វើនោះគឺបន្តជំរុញ និងលើកទឹកចិត្តដល់ប្រជាជនហ្វីលីពីនជាពិសេសអ្នកក្រីក្រតែម្តង៕
ប្រធានាធិបតីហ្វីលីពីន លោក រ៉ូឌ្រីហ្គោ ឌូទើតេ បានព្រលយថា លោកចង់ឃើញលោក Manny Pacquiao ធ្វើជាប្រធានាធិបតីបន្ទាប់ពីលោក។ មេដឹកនាំហ្វីលីពីនរូបនេះបានបញ្ជាក់បែបនេះនៅក្នុងពេលលោកចូលរួមក្នុង ពិធីខួបកំណើតគម្រប់អាយុ៣៩ឆ្នាំរបស់លោក Pacquiao នៅក្រុងម៉ានីលថ្ងៃអាទិត្យទី ១៧ ខែធ្នូ។
បើតាមសារព័ត៌មានហ្វីលីពីន Inquirer លោក ឌូទើតេបាននិយាយដូច្នេះ៖ «ខ្ញុំបានប្រាប់គាត់ហើយពេលយើងនៅតែពីរនាក់ ហើយខ្ញុំចង់ឲ្យគាត់ក្លាយជាប្រធានាធិបតី»។
ប្រធានាធិបតីរូបនេះបញ្ជាក់ផងដែរថា លោករីករាយខ្លាំងនៅពេលដែលបានធ្វើការងារជាមួយសមាជិកព្រឹទ្ធសភា Pacquiao ក៏ដូចជាបានចែករម្លែកភាពសប្បាយរីករាយនៅក្នុងជីវិតកន្លងមក។ បន្ថែមពីនោះលោកក៏បានបួងសួងឲ្យសមាជិកព្រឹទ្ធសភារូបនេះមានសុខភាពល្អ និងបន្តចូលរួមចំណែកបម្រើប្រជាជនហ្វីលីពីន និងជំរុញលើកទឹកចិត្តពួកគេទៅមុខបន្តទៀតផងដែរ។
លោកបានបន្តថា៖«អ្នកបាននាំមកនូវភាពរីករាយ និងមោទនភាពសម្រាប់ប្រទេសយើង ដោយក្លាយជាម្ចាស់ពានរង្វាន់ផ្នែកប្រដាល់ពិភពលោក»។
ចំណែកលោក Pacquiao វិញបានឆ្លៀតរម្លឹកពីអតីតកាលនៅពេលដែលលោកនៅសំណង់អនាធិបតេយ្យ ហើយលោកមិនដែលធ្លាប់គិតថា លោកមានជីវិតរុងរឿងដូចបច្ចុប្បន្នឡើយ។ អ្វីដែលលោកចង់ធ្វើនោះគឺបន្តជំរុញ និងលើកទឹកចិត្តដល់ប្រជាជនហ្វីលីពីនជាពិសេសអ្នកក្រីក្រតែម្តង៕
Tag:
រ៉ូឌ្រីហ្គោ ឌូទើតេ
Manny Pacquiao
ហ្វីលីពីន
© រក្សាសិទ្ធិដោយ thmeythmey.com
