ជាតិ
បណ្ឌិតអភិរក្សអាល្លឺម៉ង់ ចង់ឃើញអ្នកមាននៅកម្ពុជា ធ្វើវិភាគទានអភិរក្សប្រាសាទ
បណ្ឌិត Esther von Plehwe-Leisen
×![]()
សៀមរាប៖ លោកស្រីបណ្ឌិត Esther von Plehwe-Leisen និង លោកបណ្ឌិត Hans Leisen ដែលជាស្វាមីរបស់ខ្លួន បានចំណាយពេលរហូតដល់ ២០ឆ្នាំដឹកនាំគម្រោងអភិរក្សអាល្លឺម៉ង់អប្សរា (German-Apsara Conservation Project)។ លោកស្រីបានបង្ហាញអារម្មណ៍រីករាយខ្លាំងដែលបានជួយអភិរក្សធនធានវប្បធម៌កម្ពុជា និងបណ្តុះបណ្តាលអ្នកអភិរក្សកម្ពុជាក្នុងរយៈពេល ២០ ឆ្នាំមកនេះ។ អ្វីដែលសំខាន់លោកស្រីបានឆ្លៀតអំពាវនាវឲ្យប្រជាជនកម្ពុជាចូលរួមថែរក្សាសម្បត្តិបេតិកភណ្ឌនេះ ហើយអ្នកមានធនធានគួរធ្វើវិភាគទានដល់គម្រោងអភិរក្សដើម្បីភាពគង់វង្សនៃសម្បត្តិវប្បធម៌ដែលមិនអាចកាត់ថៃ្លបាននេះដែរ។
ឆ្នាំ ២០១៧ ជាខួបលើកទី ២០ នៃគម្រោងអភិរក្សអាល្លឺម៉ង់ អប្សរា (GACP) ដែលជាគម្រោងស្ថិតក្រោមការគាំទ្រពីសំណាក់សាកលវិទ្យាល័យ និងរដ្ឋាភិបាលអាល្លឺម៉ង់។ លោកសាស្ត្រាចារ្យបណ្ឌិតជនជាតិអាល្លឺម៉ង់ Hans Leisen និងភរិយាលោកស្រីបណ្ឌិត Esther von Plehwe-Leisen ដែលជាប្រធានគម្រោងបង្ហាញអារម្មណ៍រីករាយដែលបានរួមចំណែកអភិរក្សចម្លាក់តាមប្រាសាទកម្ពុជា ក៏ដូចជាបានជួយបណ្តុះបណ្តាលក្រុមអភិរក្សឲ្យមានសមត្ថភាពខ្ពស់ក្នុងរយៈពេល ២០ឆ្នាំនេះដែរ។
ប្រធានគម្រោងអភិរក្សអាល្លឺម៉ង់អប្សរា (GACP) លោកបណ្ឌិត Hans Leisen
លោកស្រី Esther von Plehwe-Leisen បានថ្លែងប្រាប់អ្នកសារព័ត៌មានថ្មីៗថា៖«យើងពិតជារីករាយនៅពេលដែលអាចបន្តការងារ និងបំពាក់បំប៉នសមត្ថភាពដល់ក្រុមការងារអភិរក្សកម្ពុជា ក្នុងរយៈពេល ២០ឆ្នាំមកនេះ»។
លោកស្រីបន្តថា៖«ខ្ញុំមានអារម្មណ៍រំភើបដែលការងាររបស់យើងត្រូវបានគេទទួលស្គាល់។ វាជាកិច្ចសហប្រតិបត្តិការល្អមួយជាមួយក្រសួងវប្បធម៌ យូណេស្កូ និងអាជ្ញាធរជាតិអប្សរា។ មិនត្រឹមតែប៉ុណ្ណោះយើងទទួលបានបទពិសោធន៍ច្រើនពីគម្រោងនេះ ហើយយើងក៏មានមោទនភាពដែលមានលទ្ធភាពផ្ទេរក្រុមការងាររបស់យើងទៅអាជ្ញាធរជាតិអប្សរាផងដែរ»។
ក្រៅពីនេះ លោកស្រីបង្ហាញអារម្មណ៍សុទិដ្ឋិនិយមថា ក្រុមការងារដែលត្រូវបានបណ្តុះបណ្តាលក្រោមគម្រោង GACP ក្រោមជំនួយរដ្ឋាភិបាលអាល្លឺម៉ង់នេះនឹងមានលទ្ធភាព និងសមត្ថភាពបន្តការងារ អភិរក្ស និងចូលរួមធ្វើការងារជាមួយអាជ្ញាធរអប្សរាដើម្បីថែរក្សាបេតិកភណ្ឌវប្បធម៌នេះ។ ប៉ុន្តែបើតាមយោបល់លោកស្រី កម្ពុជានៅខ្វះធនធានច្រើនដើម្បីធានានិរន្តរភាពនៃការអភិរក្សនេះ។
លោកស្រីបណ្ឌិត Esther von Plehwe-Leisen
«ខ្ញុំគិតថា ការអភិរក្សជាកិច្ចការមិនចេះចប់។ នៅអាល្លឺម៉ង់យើងមាន Monument care ដែលផ្តោតលើការថែទាំបេតិកភណ្ឌជាប្រចាំ។ នេះមិនមែនយើងចូលអន្តរាគមន៍តែម្តងហើយឈប់ខ្វាយខ្វល់នោះឡើយ។ ដោយសារនៅកិច្ចការច្រើនដែលត្រូវធ្វើ កម្ពុជាត្រូវការអ្នកអភិរក្ស វិស្វករ និងស្ថាបត្យករ ដែលមានសមត្ថភាពបន្ថែម ហើយយើងត្រូវធ្វើការរួមគ្នា»។
ពេលសាកសួរថាតើប្រជាជនកម្ពុជាអាចធ្វើអ្វីបានខ្លះដើម្បីធានានិរន្តរភាពនៃការអភិរក្សបេតិកភណ្ឌវប្បធម៌របស់ខ្លួនឲ្យបានគង់វង្សយូរអង្វែងទៅមុខ អ្នកវិទ្យាសាស្ត្រជំនាញអភិរក្សរូបនេះបានផ្តល់យោបល់ថា ពួកគេត្រូវរៀនសូត្រ ស្វែងយល់ និងផ្តល់តម្លៃដល់បេតិកភណ្ឌដែលខ្លួនមាន ហើយប្រជាជនដែលមានលទ្ធភាពក៏គួរចូលរួមជាវិភាគទានសម្រាប់ការអភិរក្សនេះផងដែរ។
សមាជិកគម្រោងអភិរក្ស (GACP) និងតំណាងក្រសួងការបរទេសអាល្លឺម៉ង់លោកស្រី Renate Reichardt (ទីពីររាប់ពីស្តាំ)
«ប្រជាជនកម្ពុជាម្នាក់ៗអាចរួមចំណែកអភិរក្សសម្បត្តិបេតិកភណ្ឌវប្បធម៌នេះ។ ថ្វីបើប្រាសាទអង្គរជាសម្បត្តិបេតិកភណ្ឌពិភពលោកក៏ពិតមែន តែវានៅតែទ្រព្យរបស់ប្រជាជនកម្ពុជា។ ពួកគេអាចគាំទ្រ ចាប់អារម្មណ៍ ស្រាវជ្រាវ និងរៀនសូត្របន្ថែមពីបេតិកភណ្ឌវប្បធម៌ ជាពិសេសគឺ ប្រុងប្រយ័ត្ន កុំប៉ះពាល់ពេលមកទស្សនា និង ការពារចម្លាក់តាមប្រាសាទកុំឲ្យខូចខាតជាដើម»។ លោកស្រី Esther von Plehwe-Leisen បានពន្យល់ដូច្នេះ។
លោកស្រីសង្កត់ធ្ងន់ថា៖«រឿងមួយដែលសំខាន់នោះគឺប្រជាជនកម្ពុជាដែលមានធនធាន គួរចូលរួមចំណែកជាមួយស្ថាប័នអភរិក្ស តាមរយៈការផ្តល់វិភាគទានខ្លះតាមដែលអាចធ្វើបានដើម្បីធានានិរន្តរភាពនៃការថែទាំ និងអភិរក្ស ក៏ដូចជាជួយឲ្យបេតិកភណ្ឌវប្បធម៌នេះនៅគង់វង្សដែរ»៕
ឆ្នាំ ២០១៧ ជាខួបលើកទី ២០ នៃគម្រោងអភិរក្សអាល្លឺម៉ង់ អប្សរា (GACP) ដែលជាគម្រោងស្ថិតក្រោមការគាំទ្រពីសំណាក់សាកលវិទ្យាល័យ និងរដ្ឋាភិបាលអាល្លឺម៉ង់។ លោកសាស្ត្រាចារ្យបណ្ឌិតជនជាតិអាល្លឺម៉ង់ Hans Leisen និងភរិយាលោកស្រីបណ្ឌិត Esther von Plehwe-Leisen ដែលជាប្រធានគម្រោងបង្ហាញអារម្មណ៍រីករាយដែលបានរួមចំណែកអភិរក្សចម្លាក់តាមប្រាសាទកម្ពុជា ក៏ដូចជាបានជួយបណ្តុះបណ្តាលក្រុមអភិរក្សឲ្យមានសមត្ថភាពខ្ពស់ក្នុងរយៈពេល ២០ឆ្នាំនេះដែរ។
ប្រធានគម្រោងអភិរក្សអាល្លឺម៉ង់អប្សរា (GACP) លោកបណ្ឌិត Hans Leisen
លោកស្រី Esther von Plehwe-Leisen បានថ្លែងប្រាប់អ្នកសារព័ត៌មានថ្មីៗថា៖«យើងពិតជារីករាយនៅពេលដែលអាចបន្តការងារ និងបំពាក់បំប៉នសមត្ថភាពដល់ក្រុមការងារអភិរក្សកម្ពុជា ក្នុងរយៈពេល ២០ឆ្នាំមកនេះ»។
លោកស្រីបន្តថា៖«ខ្ញុំមានអារម្មណ៍រំភើបដែលការងាររបស់យើងត្រូវបានគេទទួលស្គាល់។ វាជាកិច្ចសហប្រតិបត្តិការល្អមួយជាមួយក្រសួងវប្បធម៌ យូណេស្កូ និងអាជ្ញាធរជាតិអប្សរា។ មិនត្រឹមតែប៉ុណ្ណោះយើងទទួលបានបទពិសោធន៍ច្រើនពីគម្រោងនេះ ហើយយើងក៏មានមោទនភាពដែលមានលទ្ធភាពផ្ទេរក្រុមការងាររបស់យើងទៅអាជ្ញាធរជាតិអប្សរាផងដែរ»។
ក្រៅពីនេះ លោកស្រីបង្ហាញអារម្មណ៍សុទិដ្ឋិនិយមថា ក្រុមការងារដែលត្រូវបានបណ្តុះបណ្តាលក្រោមគម្រោង GACP ក្រោមជំនួយរដ្ឋាភិបាលអាល្លឺម៉ង់នេះនឹងមានលទ្ធភាព និងសមត្ថភាពបន្តការងារ អភិរក្ស និងចូលរួមធ្វើការងារជាមួយអាជ្ញាធរអប្សរាដើម្បីថែរក្សាបេតិកភណ្ឌវប្បធម៌នេះ។ ប៉ុន្តែបើតាមយោបល់លោកស្រី កម្ពុជានៅខ្វះធនធានច្រើនដើម្បីធានានិរន្តរភាពនៃការអភិរក្សនេះ។
លោកស្រីបណ្ឌិត Esther von Plehwe-Leisen
«ខ្ញុំគិតថា ការអភិរក្សជាកិច្ចការមិនចេះចប់។ នៅអាល្លឺម៉ង់យើងមាន Monument care ដែលផ្តោតលើការថែទាំបេតិកភណ្ឌជាប្រចាំ។ នេះមិនមែនយើងចូលអន្តរាគមន៍តែម្តងហើយឈប់ខ្វាយខ្វល់នោះឡើយ។ ដោយសារនៅកិច្ចការច្រើនដែលត្រូវធ្វើ កម្ពុជាត្រូវការអ្នកអភិរក្ស វិស្វករ និងស្ថាបត្យករ ដែលមានសមត្ថភាពបន្ថែម ហើយយើងត្រូវធ្វើការរួមគ្នា»។
ពេលសាកសួរថាតើប្រជាជនកម្ពុជាអាចធ្វើអ្វីបានខ្លះដើម្បីធានានិរន្តរភាពនៃការអភិរក្សបេតិកភណ្ឌវប្បធម៌របស់ខ្លួនឲ្យបានគង់វង្សយូរអង្វែងទៅមុខ អ្នកវិទ្យាសាស្ត្រជំនាញអភិរក្សរូបនេះបានផ្តល់យោបល់ថា ពួកគេត្រូវរៀនសូត្រ ស្វែងយល់ និងផ្តល់តម្លៃដល់បេតិកភណ្ឌដែលខ្លួនមាន ហើយប្រជាជនដែលមានលទ្ធភាពក៏គួរចូលរួមជាវិភាគទានសម្រាប់ការអភិរក្សនេះផងដែរ។
សមាជិកគម្រោងអភិរក្ស (GACP) និងតំណាងក្រសួងការបរទេសអាល្លឺម៉ង់លោកស្រី Renate Reichardt (ទីពីររាប់ពីស្តាំ)
«ប្រជាជនកម្ពុជាម្នាក់ៗអាចរួមចំណែកអភិរក្សសម្បត្តិបេតិកភណ្ឌវប្បធម៌នេះ។ ថ្វីបើប្រាសាទអង្គរជាសម្បត្តិបេតិកភណ្ឌពិភពលោកក៏ពិតមែន តែវានៅតែទ្រព្យរបស់ប្រជាជនកម្ពុជា។ ពួកគេអាចគាំទ្រ ចាប់អារម្មណ៍ ស្រាវជ្រាវ និងរៀនសូត្របន្ថែមពីបេតិកភណ្ឌវប្បធម៌ ជាពិសេសគឺ ប្រុងប្រយ័ត្ន កុំប៉ះពាល់ពេលមកទស្សនា និង ការពារចម្លាក់តាមប្រាសាទកុំឲ្យខូចខាតជាដើម»។ លោកស្រី Esther von Plehwe-Leisen បានពន្យល់ដូច្នេះ។
លោកស្រីសង្កត់ធ្ងន់ថា៖«រឿងមួយដែលសំខាន់នោះគឺប្រជាជនកម្ពុជាដែលមានធនធាន គួរចូលរួមចំណែកជាមួយស្ថាប័នអភរិក្ស តាមរយៈការផ្តល់វិភាគទានខ្លះតាមដែលអាចធ្វើបានដើម្បីធានានិរន្តរភាពនៃការថែទាំ និងអភិរក្ស ក៏ដូចជាជួយឲ្យបេតិកភណ្ឌវប្បធម៌នេះនៅគង់វង្សដែរ»៕
Tag:
Esther von Plehwe-Leisen
Hans Leisen
អាល្លឺម៉ង់
GACP
© រក្សាសិទ្ធិដោយ thmeythmey.com
