ពីនេះ ពីនោះ
ព័ត៍មានសុខភាព
រយៈពេលនៃការគេងជាប់ទាក់ទងនឹងការស្លាប់ដែរ
× យោងទៅតាមសេចក្តីរាយការណ៍របស់សារព័ត៌មាន Daily Express បានឲ្យដឹងថា ស្ត្រីដែលគេងនៅពេលយប់ចន្លោះ ៥ ទៅ៦ម៉ោងកន្លះអាចរស់នៅបានយូរ។ រឿងនេះគឺផ្អែកទៅលើលទ្ធផលនៃការសិក្សារយៈពេលមួយដែលធ្វើទៅលើស្ត្រីប្រមាណ ៤៥៩នាក់អាយុចាប់ពី ៥០ ទៅ៨១ឆ្នាំ។
ការស្រាវជ្រាវនេះបានធ្វើការវាយតម្លៃទៅលើលក្ខណៈនៃការគេងរបស់ស្ត្រីទាំងអស់រយៈពេលមួយសប្តាហ៍ តាមរយៈការប្រើម៉ាស៊ីនតាមដានសកម្មភាពពាក់នៅដៃនៅពេលយប់។ បន្ទាប់មក អ្នកស្រាវជ្រាវបានតាមដានស្ត្រីរហូតដល់ ១៤ឆ្នាំដើម្បីចង់ដឹងថាលក្ខណៈនៃការគេងរបស់ពួកគេអាចមានឥទ្ធិពលអ្វីខ្លះទៅលើឱកាសមានជីវិតរស់នៅរបស់ពួកគេ។ អ្នកវិទ្យាសាស្ត្របានរកឃើញថា ស្ត្រីដែលគេងយូរ ឬឆាប់ភ្ញាក់ទំនងជាឆាប់ស្លាប់ជាងស្ត្រីដែលគេងក្នុងរយៈពេលមធ្យម។ យ៉ាងណាមិញ ជាមួយគ្នានឹងការសិក្សាគ្រប់ប្រភេទ វាពិបាកនឹងនិយាយថា តើការគេងធញវើឲ្យប៉ះពាល់ដល់ភាពខុសគ្នានៃអត្រានៃការរស់មានជីវិតឬអត់ណាស់។ ជាមួយគ្នានេះដែរ ការរកឃើញរបស់ការសិក្សាមួយនេះប្រហែលជាមិនអាចប្រើលើបុរស ឬអ្នកអាយុក្រោម ៥០ឆ្នាំបានឡើយ។
ថ្វីបើរឿងនេះ និងការសិក្សាផ្សេងៗទៀតហាក់បីដូចជាណែនាំថា ការគេងច្រើនពេក ឬតិចពេកមានជាប់ទាក់ទងនឹងការឆាប់ស្លាប់ក៏ដោយ តែវាមិនអាចនិយាយបានថា ហេតុអ្វីបានជាអញ្ចឹងនោះទេ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com