បទយកការណ៍ / បទសម្ភាសន៍
វីដេអូ
លោក Raoul-Marc Jennar ស្តីបន្ទោសEU និងអំពាវនាវមិនឲ្យកាត់ប្រព័ន្ធអនុគ្រោះពន្ធពីកម្ពុជា
×![]()
ដោយ: ថ្មីៗ
អ្នកជំនាញសង្គមនយោបាយស្តីពីកម្ពុជាមួយរូបគឺលោក Raoul-Marc Jennar នឹងមិនសប្បាយចិត្តឡើយ បើសិនជាសហភាពអឺរ៉ុបសម្រេចព្យួរប្រព័ន្ធកូតាអនុគ្រោះពន្ធចំពោះកម្ពុជាសារជាថ្មីទៀតនោះ។ អ្នកវិភាគនយោបាយជំនាញប្រទេសកម្ពុជា និងអឺរ៉ុបរូបនេះបានស្តីបន្ទោសសហភាពអឺរ៉ុបដែលបានគាំទ្រសហរដ្ឋអាមេរិកក្នុងដាក់ទណ្ឌកម្មមកលើកម្ពុជាក្នុងទសវត្សរ៍១៩៨០។
លោក Raoul-Marc Jennar បានអះអាងយ៉ាងម៉ឺងម៉ាត់ថា ការដាក់ទណ្ឌកម្មរយៈពេល១២ឆ្នាំមកលើកម្ពុជា ក្រោយរបបប៉ុលពត ដោយមានសហភាពអឺរ៉ុបគាំទ្រសហរដ្ឋអាមេរិកនោះ បានជះឥទ្ធិពលមកដល់កម្ពុជាបច្ចុប្បន្ន។
នៅក្នុងបទសម្ភាសជាមួយសារព័ត៌មានថ្មីៗស្តីពីស្ថានការណ៍នយោបាយចុងក្រោយនៅកម្ពុជា អ្នកវិភាគនយោបាយជនជាតិប៊ែហ្សិកកាត់បារាំងរូបនេះបានបញ្ជាក់យ៉ាងដូច្នេះថា៖«ខ្ញុំចង់ឃើញ សហភាពអឺរ៉ុបទាញយកកំហុសអតីតកាលនោះ ជាមេរៀន។ ដំបូងគឺភាពព្រងើយកន្តើយរបស់ខ្លួនចំពោះមុខរបបប្រល័យពូជសាសន៍ប៉ុលពត បន្ទាប់មកគឺការគាំទ្រសហរដ្ឋអាមេរិកដើម្បីដាក់ទណ្ឌកម្មសេដ្ឋកិច្ចមកលើកម្ពុជាក្នុងទស្សវត្សរ៍១៩៨០នោះ។ វាមិនបានផ្តល់ផលប្រយោជន៍អ្វីសោះ គឺមានតែធ្វើឲ្យពលរដ្ឋរងទុក្ខ និងពន្យឺតកម្ពុជាមិនឲ្យមានលទ្ធភាពធ្វើអ្វីដែលសហភាពអឺរ៉ុបចង់បានគឺ លទ្ធិប្រជាធិបតេយ្យល្អឥតខ្ចោះនោះ»។
បើសិនជាសហភាពអឺរ៉ុបយកប្រធានបទប្រជាធិបតេយ្យជាមូលហេតុនៃការសម្រេចព្យួរ ឬកាត់ប្រព័ន្ធអនុគ្រោះពន្ធសម្រាប់កម្ពុជានោះ លោក Raoul-Marc Jennar នៅតែស្តីបន្ទោសសហភាពអឺរ៉ុប។
«តាមរយៈមីក្រូរបស់លោក ខ្ញុំចង់និយាយទៅកាន់សហភាពអឺរ៉ុបថា គេចង់បង្កើតប្រជាធិបតេយ្យមួយសម្រាប់កម្ពុជា ដែលវាមិនមាននៅក្នុងប្រទេសណាមួយសោះនៅអាស៊ី។ វាមិនអាចទៅរួចឡើយ។ ប្រជាធិបតេយ្យមួយ គេមិនអាចកំណត់បានភ្លាមមួយថ្ងៃ ឬពីរថ្ងៃនោះបានទេ»។ លោក Raoul-Marc Jennar ផ្ញើសារនេះទៅសហភាពអឺរ៉ុប។
អ្នកជំនាញវិទ្យាសាស្ត្រនយោបាយរូបនេះបានរំឮកផងដែរថា កម្ពុជានៅត្រូវការធនធានមនុស្សច្រើនទៀត ដើម្បីកសាងប្រជាធិបតេយ្យនៅក្នុងប្រទេសនេះបាន៕
លោក Raoul-Marc Jennar បានអះអាងយ៉ាងម៉ឺងម៉ាត់ថា ការដាក់ទណ្ឌកម្មរយៈពេល១២ឆ្នាំមកលើកម្ពុជា ក្រោយរបបប៉ុលពត ដោយមានសហភាពអឺរ៉ុបគាំទ្រសហរដ្ឋអាមេរិកនោះ បានជះឥទ្ធិពលមកដល់កម្ពុជាបច្ចុប្បន្ន។
នៅក្នុងបទសម្ភាសជាមួយសារព័ត៌មានថ្មីៗស្តីពីស្ថានការណ៍នយោបាយចុងក្រោយនៅកម្ពុជា អ្នកវិភាគនយោបាយជនជាតិប៊ែហ្សិកកាត់បារាំងរូបនេះបានបញ្ជាក់យ៉ាងដូច្នេះថា៖«ខ្ញុំចង់ឃើញ សហភាពអឺរ៉ុបទាញយកកំហុសអតីតកាលនោះ ជាមេរៀន។ ដំបូងគឺភាពព្រងើយកន្តើយរបស់ខ្លួនចំពោះមុខរបបប្រល័យពូជសាសន៍ប៉ុលពត បន្ទាប់មកគឺការគាំទ្រសហរដ្ឋអាមេរិកដើម្បីដាក់ទណ្ឌកម្មសេដ្ឋកិច្ចមកលើកម្ពុជាក្នុងទស្សវត្សរ៍១៩៨០នោះ។ វាមិនបានផ្តល់ផលប្រយោជន៍អ្វីសោះ គឺមានតែធ្វើឲ្យពលរដ្ឋរងទុក្ខ និងពន្យឺតកម្ពុជាមិនឲ្យមានលទ្ធភាពធ្វើអ្វីដែលសហភាពអឺរ៉ុបចង់បានគឺ លទ្ធិប្រជាធិបតេយ្យល្អឥតខ្ចោះនោះ»។
បើសិនជាសហភាពអឺរ៉ុបយកប្រធានបទប្រជាធិបតេយ្យជាមូលហេតុនៃការសម្រេចព្យួរ ឬកាត់ប្រព័ន្ធអនុគ្រោះពន្ធសម្រាប់កម្ពុជានោះ លោក Raoul-Marc Jennar នៅតែស្តីបន្ទោសសហភាពអឺរ៉ុប។
«តាមរយៈមីក្រូរបស់លោក ខ្ញុំចង់និយាយទៅកាន់សហភាពអឺរ៉ុបថា គេចង់បង្កើតប្រជាធិបតេយ្យមួយសម្រាប់កម្ពុជា ដែលវាមិនមាននៅក្នុងប្រទេសណាមួយសោះនៅអាស៊ី។ វាមិនអាចទៅរួចឡើយ។ ប្រជាធិបតេយ្យមួយ គេមិនអាចកំណត់បានភ្លាមមួយថ្ងៃ ឬពីរថ្ងៃនោះបានទេ»។ លោក Raoul-Marc Jennar ផ្ញើសារនេះទៅសហភាពអឺរ៉ុប។
អ្នកជំនាញវិទ្យាសាស្ត្រនយោបាយរូបនេះបានរំឮកផងដែរថា កម្ពុជានៅត្រូវការធនធានមនុស្សច្រើនទៀត ដើម្បីកសាងប្រជាធិបតេយ្យនៅក្នុងប្រទេសនេះបាន៕
Tag:
Raoul Jennar
EU-Cambodia
Pol Pot
duty free
© រក្សាសិទ្ធិដោយ thmeythmey.com
