ផ្ទេរចំណេះ, ជិះក្របី, ស្ទូងស្រូវ ជំរុញឲ្យកញ្ញា Martalia ជនជាតិកាណាដាបន្តរស់នៅកម្ពុជា

ជាតិ

វីដេអូ

ផ្ទេរចំណេះ, ជិះក្របី, ស្ទូងស្រូវ ជំរុញឲ្យកញ្ញា Martalia ជនជាតិកាណាដាបន្តរស់នៅកម្ពុជា

30, Dec 2017 , 9:19 pm

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ កញ្ញា Martalia Lo ជាជនជាតិកាណាដា រស់នៅកម្ពុជារយៈពេលជិត ១០ឆ្នាំមកហើយ។ កញ្ញា Martalia ជានាយិកាសាលាចំណេះទូទៅ និងបច្ចេកទេសឯកជន (Academy of Careers and Tourism) នៅក្នុងរាជធានីភ្នំពេញ។ ក្នុងដំណើរមកកម្ពុជាដំបូង កញ្ញា Martalia គ្រាន់តែជាអ្នកស្ម័គ្រចិត្តនៅខេត្តសៀមរាប ដើម្បីចែករំលែកចំណេះដឹងដល់ប្រជាជនខ្មែរ ក្នុងរយៈពេល ៦ខែ។ ជនជាតិកាណាដាវ័យ ៣០ឆ្នាំរូបនេះ បានបញ្ជាក់ថា ជនជាតិខ្មែរបានស្វាគមន៍ ដោយភាពរួសរាយរាក់ទាក់ ភាពសាមញ្ញ ស្មោះត្រង់ ដែលទាញចំណាប់អារម្មណ៍នាង។ ក្នុងរយៈពេលដែលនាងរស់នៅកម្ពុជា អនុស្សាវរីយជាច្រើន ដែលធ្វើឲ្យនាងចងចាំមិនភ្លេច គឺការជិះក្របី បទពិសោធន៍ស្ទូងស្រូវ និងម្យ៉ាងទៀត គ្រួសារខ្មែរភាគច្រើនដែលនាងបានស្គាល់ បានចាត់ទុកនាងជាគ្រួសារតែមួយ។

ក្រោយពីស្ម័គ្រចិត្តនៅកម្ពុជា រយៈពេល ៦ខែ កញ្ញា Martalia បានវិលត្រឡប់ទៅប្រទេសកាណាដាវិញ។ កញ្ញា Martalia បានត្រឡប់មកធ្វើការស្ម័គ្រចិត្តនៅកម្ពុជា ក្នុងរយៈពេល២ឆ្នាំបន្តទៀត ដោយពេលនោះ នាងបានលក់រថយន្ត លក់សម្ភារមួយចំនួន និងសុំប្រាក់ឧបត្ថម្ភសម្រាប់ផ្គត់ផ្គង់ជីវិតដែលរស់នៅស្រុកខ្មែរ។ កញ្ញា Martalia នឹងបន្តរស់នៅប្រទេសកម្ពុជាបន្តទៀតដោយកញ្ញារៀបរាប់យ៉ាងដូច្នេះ៖ «ខ្ញុំគិតថា ខ្ញុំនឹងនៅទីនេះ ខ្ញុំស្រឡាញ់អ្វីដែលខ្ញុំធ្វើសព្វថ្ងៃនេះ។ ខ្ញុំមានសាលា ខ្ញុំជួយបណ្ដុះបណ្ដាលយុវជន ហើយអ្វីៗដែលខ្ញុំធ្វើនៅស្រុកខ្មែរ មានផលលំបាកមួយចំនួន ប៉ុន្តែមានអត្ថន័យសម្រាប់ខ្ញុំ ដោយខ្ញុំធ្វើមិនមែនដោយសារតែទ្រព្យសម្បត្តិ ឬប្រាក់ចំណូលនោះទេ»។

សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន Thmeythmey.com ជាមួយកញ្ញា Martalia Lo ជាជនជាតិកាណាដារស់នៅប្រទេសកម្ពុជាដូចតទៅ៖