ពីនេះ ពីនោះ
«ចង្អល់»និង«ចង្អុល»មានន័យខុសគ្នាដូចម្តេច?
× ពាក្យ «ចង្អល់»ជាបរិវារសព្ទ សម្រាប់និយាយផ្សំជាមួយនឹងពាក្យចង្អៀត ដូចជា ចង្អៀតចង្អល់ ប្រែមកថា ចង្អៀតទាំងទីនៅ និង ទាំងផ្លូវចិត្ត។ ចំណែកឯពាក្យ«ចង្អុល»ជាកិរិយាសព្ទ សំដៅដោយ តម្រង់ , សំដៅចំទៅអ្វីមួយ។
ផ្អែកតាមវចនានុក្រមសម្តេចព្រះសង្ឃរាជ ជួន ណាត ពាក្យ «ចង្អល់»មានន័យថា ជាពាក្យដែលប្រើរួមផ្សំគ្នាជាមួយពាក្យ ចង្អៀត ប្រែមកថា ចង្អៀតចង្អល់។ ឧទាហរណ៍៖ ចិត្តចង្អៀតចង្អល់។
ចំណែក«ចង្អុល»មានន័យថា តម្រង់, សំដៅចំអ្វីមួយ ដោយចង្អុលដៃសម្រាប់បង្ហាញ។ ឧទាហរណ៍៖ សញ្ញានោះចង្អុលបង្ហាញឱ្យឃើញនូវទីតាំងដែលយើងត្រូវរក៕
© រក្សាសិទ្ធិដោយ thmeythmey.com