ពីនេះ ពីនោះ
អ្វីទៅជា «ការផ្ទេរបច្ចេកវិទ្យា» និង «ការផ្ទេរហានិភ័យ»?
× ភ្នំពេញ៖ ពាក្យ «ការផ្ទេរបច្ចេកវិទ្យា» និង «ការផ្ទេរហានិភ័យ» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
ពាក្យ «ការផ្ទេរបច្ចេកវិទ្យា» (Technology transfer) ជាការផ្លាស់ប្ដូរចំណេះដឹងផ្នែករឹងនិងទន់ រូបិយវត្ថុនិងទំនិញ ក្នុងចំណោមភាគីពាក់ព័ន្ធ ដែលនាំឱ្យមានការរីកសាយបច្ចេកវិទ្យាសម្រាប់បន្ស៊ាំ ឬការកាត់បន្ថយ និង/ឬការផ្សព្វផ្សាយបច្ចេកវិទ្យា និងកិច្ចសហប្រតិបត្តិការផ្នែកបច្ចេកវិទ្យាទាំងក្នុង និងក្រៅប្រទេស។
ចំណែកឯពាក្យ «ការផ្ទេរហានិភ័យ» (Risk transfer) ជាទម្លាប់នៃការផ្លាស់ប្តូរជាផ្លូវការ ឬក្រៅផ្លូវការ នូវផលវិបាកផ្នែកហិរញ្ញវត្ថុ ក្នុងកម្រិតណាមួយដែលកើតចេញពីហានិភ័យសម្រាប់ព្រឹត្តិការណ៍អវិជ្ជមានដោយឡែកនានា ពីភាគីមួយឱ្យទៅភាគីមួយផ្សេងទៀត។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
© រក្សាសិទ្ធិដោយ thmeythmey.com