Manchester City បានបរាជ័យលើកដំបូង ក្នុងក្របខណ្ឌ Premier League ក្រោយចាញ់ Liverpool ៤-៣ នាការប្រកួតថ្ងៃទី១៤ ខែមករា។ លោក Pep Guardiola លើកឡើងថា សំឡេងរំខានពីអ្នកគាំទ្រនៅលើទីលាន Anfield បានធ្វើឲ្យកូនក្រុមខ្លួនរងសម្ភាធខ្លាំង ធ្វើឲ្យបាត់បង់ភាពម្ចាស់ការ ដែលជាមូលហេតុនាំឲ្យទទួលបរាជ័យដូច្នេះ។
នេះជាបរាជ័យលើកដំបូង ក្នុងរដូវកាល២០១៧-២០១៨ នៃក្របខណ្ឌលីកកំពូលអង់គ្លេស សម្រាប់ក្រុមដែលមានមូលដ្ឋានក្នុងក្រុង Manchester មួយនេះ និងជាមេរៀនដ៏ល្អមួយ សម្រាប់កូនក្រុមលោក នាការប្រកួតលើកក្រោយៗដែរ។
ក្រោមការដឹកនាំរបស់អតីតអ្នកចាត់ការ Bayern Munich និងBarcelona ក្នុងរដូវកាលនេះ Manchester City អាចរកបានដល់ទៅ ៦២ពិន្ទុ ក្នុងចំណោម២៣ប្រកួតចុងក្រោយ ដោយឈ្នះ ២១លើក ស្មើ១ និងចាញ់១ ឈរនៅកំពូលតារាង Premier League និងនាំមុខក្រុមលេខ២ ១៥ពិន្ទុ៕