គម្រោង​ជួសជុល​ប្រាសាទភិមានអាកាស​កាន់​តែ​ច្បាស់លាស់​
ជាតិ
គម្រោង​ជួសជុល​ប្រាសាទភិមានអាកាស​កាន់​តែ​ច្បាស់លាស់​
16, Jan 2018 , 7:59 am        
រូបភាព
រូបភាព៖ អាជ្ញាធរជាតិអប្សរា
រូបភាព៖ អាជ្ញាធរជាតិអប្សរា
​សៀមរាប​៖ កាលពី​ពាក់កណ្តាល​ខែតុលា ឆ្នាំ​២០១៧ គម្រោង​ជួសជុល​ប្រាសាទភិមានអាកាស​ត្រូវ​បាន​បង្ហើប​ដោយ​ក្រុម​រដ្ឋាភិបាល​ចិន​សម្រាប់​ការអភិរក្ស​អង្គរ ហៅ​កាត់​ថា CSA (Chinese government team for safeguarding Angkor) នៃ​សាធារណរដ្ឋ​ប្រជាមានិត​ចិន​។ វា​កាន់តែច្បាស់​ទៅទៀត បន្ទាប់ពី​មាន​អនុស្សរណៈ​ជា​ផ្លូវការ​កាលពី​ថ្ងៃទី​១១-១២ ខែមករា​ ឆ្នាំ២០១៨ ដែល​ធ្វើឡើង​រវាង​សម្តេចនាយក​រដ្ឋមន្ត្រី ហ៊ុន សែន និង​លោក លី ខឺ​ឈាង នាយករដ្ឋមន្ត្រី នៃ​សាធារណរដ្ឋ​ប្រជាមានិត​ចិន អំឡុងពេល​ទស្សនៈកិច្ច​ផ្លូវការ​នៅ​រាជធានី​ភ្នំពេញ​។



​គម្រោង​ជួសជុល​ប្រាសាទភិមានអាកាស គឺជា​កិច្ចសហប្រតិបត្តិការ​រ​វាង​អាជ្ញាធរ​ជាតិ​អប្សរា និង​ស្ថាប័ន CSA​។ យ៉ាងណា ពេលវេលា​ពិតប្រាកដ​នៃ​ដំណើរ​គម្រោង​នេះ នៅ​មិនទាន់​បញ្ជាក់​នៅឡើយ តែ​ក្នុងជំនួប​ពិភាក្សា​រវាង​តំណាង​ស្ថាប័ន CSA ជាមួយ​អគ្គនាយក​អាជ្ញាធរ​ជាតិ​អប្សរា​នាពេល​កន្លងមក គឺអាច​នឹង​ជួសជុល ក្រោយ​បញ្ចប់​គម្រោង​ជួសជុល​ប្រាសាទតាកែវ​។​

​កន្លងមក ស្ថាប័ន CSA នៃ​សាធារណរដ្ឋ​មានិត​ចិន បាន​ចូលរួម​ជួសជុល​ប្រាសាទចៅសាយទេវតា​ក្នុង​ឆ្នាំ​១៩៩៨ និង​រួចរាល់​នៅ​ឆ្នាំ​២០០៨ ហើយ​ចាប់​ជួសជុល​ប្រា​សា​តាកែវ​ចាប់ពី​ឆ្នាំ​២០០៧ បញ្ចប់​នៅ​ចុងឆ្នាំ​២០១៧​។ ហើយ​បច្ចុប្បន្ននេះ CSA កំពុង​រៀបចំ​គម្រោង​ដើម្បី​ធ្វើការ​ជួសជុល​អតីត​រា​ជ​វាំង​ក្រុង​អង្គរធំ​ជា​បន្តទៀត​។ យ៉ាងណាក៏ដោយ គេ​នៅ​មិនទាន់​ដឹង​ពី​ទំហំ​សាច់ប្រាក់ និង​ពេលវេលា​សម្រាប់​គម្រោង​ជួសជុល​នេះ​បាន​នៅឡើយ​ទេ​។​

​អ្នកនាំពាក្យ​អាជ្ញាធរ​ជាតិ​អប្សរា លោក ឡុង កុសល បានឱ្យដឹងថា អនុស្សរនៈ​រវាង​រាជរដ្ឋាភិបាល​កម្ពុជា និង​ភាគី​ចិន ដើម្បី​ជួសជុល​ប្រាសាទភិមានអាកាស គឺ​បង្ហាញ​ពី​ការយកចិត្តទុកដាក់​ខ្ពស់​លើ​ការងារ​អភិរក្ស​ប្រាសាទ ក៏ដូចជា​រួមចំណែក​ស​ម្រា​ប់​សម្បត្តិ​បេតិកភណ្ឌ​ពិភពលោក​ផងដែរ​។​

​ប្រាសាទភិមានអាកាស ឬ ប្រាសាទវិមានអាកាស សង់ ឡើង ក្នុង រាជ្យ ព្រះបាទ ជ័យវរ្ម័ន នៅ ដើម សតវត្ស ទី ១១ ។  ប្រាសាទ នេះ សង់ អំពី ថ្មភក់ នៅ ផ្នែក ខាងលើ ដោយ ជើង គ្រឹះ ធ្វើ ពី ថ្មបាយក្រៀម មាន បី ជាន់ ស្រដៀង នឹង ប្រាសាទ ពីរ៉ាមីដ នៅ អេ ហ្សី ប ដូច្នោះ ដែរ ។ កម្ពស់ នៃ ជើង គ្រឹះ ប្រាសាទវិមានអាកាស ទាំង បី ជាន់ មាន ប្រវែង ប្រហែលជា ១២ ម៉ែត្រ មាន សណ្ឋាន បួន ជ្រុង ទ្រវែង មាន ជណ្តើរ ចោត ទាំង បួន ផ្នែក ៕



Tag:
 ប្រាសាទភិមានអាកាស
© រក្សាសិទ្ធិដោយ thmeythmey.com