ពីនេះ ពីនោះ
«អា!»មិនគ្រាន់តែជាពាក្យឥតគួរសម តែជាពាក្យលាន់មាត់!
× សាធារណជនជារឿយៗប្រើពាក្យ «អា!» សម្រាប់ហៅឈ្មោះនរណាម្នាក់ដោយស្និទ្ធសា្នល ឬប្រើទៅលើអ្នកដែលមានឋានៈទាបជាងខ្លួន ដូចជា អានេះ, អាភ្លើ, អាចោរ,អាខ្ពស់, អាខ្មៅ ជាដើម។
តែផ្ទុយទៅវិញ «អា!» មិនគ្រាន់តែសំដៅលើពាក្យឥតគួរសមតែមួយមុខប៉ុណ្ណោះទេ។ «អា!»នេះដែរជាពាក្យលាន់មាត់ សម្រាប់សម្គាល់ដោយការងឿងឆ្ងល់, ភ័ន្តច្រឡំ, ភ័យស្លន់, ភ្ញាក់ផ្អើល, ឬការយល់នូវសេចក្តីច្បាស់លាស់។ ឧទាហរណ៍៖ អា! អ្វីទៅហ៎? អា! ដូច្នោះទេឬ? អា! អញ្ជើញមក! អា! មិនទាន់ទៅទេ? នេះបើផ្អែកលើវចនានុក្រមសម្តេចព្រះសង្ឃរាជ ជួន ណាតបានបញ្ជាក់យ៉ាងដូច្នេះ៕
© រក្សាសិទ្ធិដោយ thmeythmey.com