បំណុលពលរដ្ឋ ៣,៩ពាន់លានដុល្លារ បញ្ហាចោទត្រង់ការប្រាក់ និងការប្រើប្រាស់កម្ចី

ជាតិ

សេដ្ឋកិច្ច

បំណុលពលរដ្ឋ ៣,៩ពាន់លានដុល្លារ បញ្ហាចោទត្រង់ការប្រាក់ និងការប្រើប្រាស់កម្ចី

17, Jan 2018 , 10:59 pm

រូបភាព

លោក វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ផ្ដល់បទសម្ភាសដល់អ្នកកាសែត

ដោយ:

ភ្នំពេញ៖ បំណុលរបស់ពលរដ្ឋក្នុងវិស័យមីក្រូហិរញ្ញវត្ថុត្រឹមចុងឆ្នាំ២០១៧ យោងតាមធនាគារជាតិ បានឡើងដល់ ៣,៩ពាន់លានដុល្លារ កើនឡើងជាង ២៥ភាគរយ ធៀបនឹងឆ្នាំ២០១៦។ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ លោក វង្សី វិស្សុត បានអះអាងថា ទំហំប្រាក់កម្ចីនេះស្ថិតក្នុងចំនួនទាបនៅឡើយ បើធៀបនឹងផលិតផលជាតិសរុប (GDP) ចំនួន ២៤ពាន់លានដុល្លារ។ ប៉ុន្តែបញ្ហាចោទ គឺនៅត្រង់អត្រាការប្រាក់នៅខ្ពស់ និងបញ្ហាកង្វះចំណេះដឹងប្រើប្រាស់ប្រាក់កម្ចី ដែលទាមទារការអប់រំទាំងពលរដ្ឋ និងអ្នកផ្ដល់កម្ចី។ លោក វង្សី វិស្សុត ថ្លែងបែបនេះនៅក្នុងវេទិកាស្ដីពីថវិកាឆ្នាំ២០១៨ នៅថ្ងៃទី១៥ខែមករា។

សូមស្ដាប់ប្រសាសន៍លោក វង្សី វិស្សុត ខាងក្រោមនេះ៖

ការលើកឡើងរបស់លោក វង្សី វិស្សុត ខាងលើនេះស្រដៀងគ្នានឹងការវិភាគរបស់អ្នកជំនាញ កន្លងមកដែរ។ ការខ្ចីប្រាក់ ដោយពុំបានយកមកប្រើប្រាស់ក្នុងវិស័យផលិតកម្ម អាជីវកម្ម បានបង្កក្ដីបារម្ភ។ បើតាមរបាយការណ៍ស្រាវជ្រាវ កាលពីឆ្នាំ២០១៣ ដែលអ្នកវិភាគសេដ្ឋកិច្ច លោក ង៉ែត ជូ បានថ្លែងប្រាប់សារព័ត៌មានថ្មីៗ អតិថិជនដល់ទៅចំនួន ៦៦ភាគរយបានខ្ចីប្រាក់យកទៅប្រើប្រាស់លើម្ហូបអាហារ និងសុខភាព ដែលជាចំណាយមិនសម្រាប់បង្កើតចំណូល៕