«អ»នៅខាងដើម តែងបង្ហាញនូវ «ការបដិសេធ»

ពីនេះ ពីនោះ

«អ»នៅខាងដើម តែងបង្ហាញនូវ «ការបដិសេធ»

24, Jan 2018 , 7:39 am

រូបភាព

ដោយ: ថ្មីៗ

«អ»ជាព្យញ្ជនៈទី៣៣ ចុងក្រោយគេបង្អស់ តែពាក្យដែលផ្តើមដោយ «អ»តែងមានន័យថា ជាពាក្យបដិសេធ។ «អ»ជានិបាតសព្ទ សម្រាប់ភ្ជាប់ពីខាងដើមនៃពាក្យដទៃ ដែលជាភាសាសំស្ត្រឹត និងបាលីដែលមានសេចក្តីថា មិនមែន,ពុំ, ឥត។

ពាក្យដែលមាន «អ» នៅខាងដើមមានដូចជា៖ អកតញ្ញូ(អ្នកមិនដឹងឧបការគុណដែលគេបានធ្វើហើយ), អសុភ(ដែលមិនល្អ), អវិជ្ជា(សេចក្តីល្ងង់), អគតិ(ពុំគួរប្រព្រឹត្ត), អយុត្តិធម៌(ការប្រព្រឹត្តទៅមិនតាមគន្លងធម៌ ឬច្បាប់), អសិរី(អ្នកឥតបុណ្យ), អកាល(ដែលមិនគួរ), អកុសល(សេចក្តីអាក្រក់), អកប្បិយ(មិនត្រូវទំនង), អកតវេទិតា(អ្នកមិនតបគុណ), អគារវៈ(ការមិនគោរព), អគារវទោស(ការមិនគោរព), អគាធ(ដែលពុំអាចស្ទង់បាន), អគោចរ(ទីដែលមិនគួរទៅ),អឃោស(សូរសព្ទមិនកងរំពង),អចលនៈ(ការមិនកក្រើក), អចិត្ត(ល្ងង់ខ្លៅ), អចិន្តា(ការនឹកមិនឃើញ), អចេស្តា(ដំណើរទន់ខ្សោយ), អភ័ព្វ(ដែលមិនគួរ), អមិត្ត(សត្រូវ), អនិច្ច ឬអនិច្ចា(មិនទៀង), អនិយម(មិនប្រាកដ)។ល។

បើនិបាតសព្ទ «អ» ភ្ជាប់ជាមួយស្រៈនៅខាងដើម ត្រូវផ្លាស់ពី ន ឬអ ជាអន ឬអនន្ត(ទីបំផុត), អនាគត(ដែលមិនទាន់មកដល់), អនេក(ដែលមិនមែនតែមួយ)។ នេះបើផ្អែកលើវចនានុក្រមសម្តេចព្រះសង្ឃរាជ ជួន ណាត៕

Tag:

ពន្យល់ពាក្យ

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 សប្តាហ៍

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

5 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

7 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

3 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

5 ថ្ងៃ

អត្ថបទពេញនិយមបន្ថែម