Walcott ផ្លាស់ទៅ Everton ក្រោយរួមរស់ជាមួយ Arsenal ១២ឆ្នាំ

កីឡាអន្តរជាតិ

អន្តរជាតិ

Walcott ផ្លាស់ទៅ Everton ក្រោយរួមរស់ជាមួយ Arsenal ១២ឆ្នាំ

18, Jan 2018 , 11:07 am

រូបភាព

ដោយ: ទេព ពិទូរ្យ

Theo Walcott បានបញ្ចប់ការផ្ទេររួចរាល់ហើយដើម្បីចាកចេញពី Arsenal ទៅចួលរួមជាមួយ Everton ក្នុងតម្លៃខ្លួន ២០លានផោន ប្រមាណ ២៧លានដុល្លារអាមេរិក ជាមួយនឹងកិច្ចសន្យារយៈពេល ៣ឆ្នាំកន្លះ។ នេះបើតាមការចុះផ្សាយរបស់គេហទំព័រផ្លូវការរបស់ Everton។

ខ្សែប្រយុទ្ធអន្តរជាតិអង់គ្លេស វ័យ២៨ឆ្នាំរូបនេះបានក្លាយជាកីឡាករទី ២ របស់លោក Sam Allardyce សម្រាប់ទីផ្សារដោះដូរកីឡាករលើកទី២ក្នុងខែមករានេះ បន្ទាប់ពីនាំយកខ្សែប្រយុទ្ធ Cenk Tosun ពី Besiktas ក្នុងតម្លៃ ២៧លានផោន ប្រហែល ៣៨លានដុល្លារកាលពីដើមខែ។

Walcott បានចាកចេញពី Southampton ទៅរួមរស់ជាមួយក្រុមកាំភ្លើងធំអស់រយៈពេល ១២រដូវកាលមកហើយ ដោយបង្ហាញខ្លួនបាន ៣៩៧ប្រកួត និងស៊ុតបញ្ចូលទី ១០៨គ្រាប់។
«ខ្ញុំមានអារម្មណ៍ថាវាដល់ពេលហើយសម្រាប់ខ្ញុំដើម្បីផ្លាស់ចេញពី Arsenal»។ Walcott លើកឡើងដូច្នេះ ហើយបន្ថែមទៀតថា៖«វាជាការសោកស្តាយមួយដែរ ប៉ុន្តែវាគួរឲ្យរំភើបដែរនៅពេលនេះ ហើយខ្ញុំចង់បន្តអាជីពរបស់ខ្ញុំ និងជំរុញ Everton ឈ្នះពានរង្វាន់ដូចដែលពួកគេធ្លាប់ធ្វើបានពីមុនមក»។

យ៉ាងណាជុំវិញការចាកចេញនេះ អ្នកចាត់ការ Arsenal លោក Arsene Wenger ក៏មានការសោកស្តាយដែរប៉ុន្តែលោកមិនដឹងត្រូវធ្វើអ្វីបាននោះទេ ខណៈ Walcott ចង់បានកៅអីជាមួយជម្រើសជាតិអង់គ្លេសក្នុងព្រឹត្តិការណ៍ World Cup នៅរុស្ស៊ីឆ្នាំក្រោយ ដោយសម្រេចទៅចូលរួមជាមួយ Everton តែម្តង៕