ពីនេះ ពីនោះ
ពាក្យដែលមាន«កិត្តិ»នៅខាងដើម បង្ហាញនូវ «សេចក្តីល្បីល្បាញ»!
× «កិត្តិ»នៅខាងដើមតែងមានន័យថា សេចក្តីសរសើរ ថ្កុំថ្កើង រុងរឿង និងល្បីល្បាញ។ ពាក្យ «កិត្តិ»ជាបាលី និងសំស្ក្រឹត សម្រាប់បំពេញអត្ថន័យបន្ថែមឱ្យពាក្យដទៃទៀត។
ផ្អែកតាមវចនានុក្រមសម្តេចព្រះសង្ឃរាជ ជួន ណាត ពាក្យដែលអមដោយ «កិត្តិ» នៅខាងដើមមានដូចជា៖ កិត្តិយស(យសសក្តិដែលល្បីទូទៅ,កេរ្តិ៍ឈ្មោះដ៏រុងរឿង), កិត្តិនាម(នាមល្បីល្បាយ), កិត្តិគុណ(សេចក្តីចម្រើន), កិត្តិសព្ទ(សូរសរសើរ)។
ជារួម«កិត្តិ»ជាពាក្យដែលឈរនៅដំបូងគេ បន្ទាប់ពីពាក្យដទៃ អាចសម្រាយយ៉ាងណាក៏បាន ឱ្យតែស្ថិតនៅក្នុងន័យថា សេចក្តីរុងរឿង ថ្កុំថ្កើង សរសើរ និងល្បីល្បាញ៕
© រក្សាសិទ្ធិដោយ thmeythmey.com