អាជ្ញាធររឹបអូសស្ករត្នោតមានសារធាតុគីមីជិត ៤០តោន នៅច្បារអំពៅ

ជាតិ

អាជ្ញាធររឹបអូសស្ករត្នោតមានសារធាតុគីមីជិត ៤០តោន នៅច្បារអំពៅ

18, Jan 2018 , 9:39 pm

រូបភាព

ដោយ:

ភ្នំពេញ៖ ស្ករត្នោតជិត៤០តោន ត្រូវបានសមត្ថកិច្ចរឹបអូស ពីសិប្បកម្មកែច្នៃស្ករត្នោតមួយកន្លែង នៅក្នុងភូមិម៉ាក់គ្លឿ សង្កាត់ច្បារអំពៅ១ ភ្នំពេញ កាលពីថ្ងៃទី ១៧ មករា ។ សិប្បកម្មកែច្នៃស្ករត្នោត ដែលសមត្ថកិច្ចចុះឆែកឆេរនេះ គ្មានការអនុញ្ញាតតាមបទដ្ឋានគតិយុត្តិឡើយ។

អនុប្រធានសាខាកាំកុងត្រូលផែស្ងួតក្រុងភ្នំពេញលោក គង់ វុទ្ធី បាននិយាយថា ស្ករត្នោតជិត៤០តោននេះ មានលាយជាមួយសាធាតុគីមីម្យ៉ាង ដែលមានឈ្មោះថា«ហ្វូនិច» ដែលអាចរក្សាទុកស្កត្នោតឲ្យបានយូរ និងមានពណ៌«ស»ជាប្រចាំ។ ក្រោយពីរឹបអូសស្ករត្នោតទាំងនេះ សមត្ថកិច្ចក៏បញ្ជាឲ្យបិទទីតាំងសិប្បកម្មនេះដែរ បន្ទាប់ពីពិនិត្យឃើញថា សិប្បកម្មកែច្នៃស្ករមួយនេះ គ្មានការអនុញ្ញាតត្រឹមត្រូវ។

អគ្គស្នងការដ្ឋាននគរបាលជាតិ បានស្រង់សម្តីលោក គង់ វុទ្ធី យ៉ាងដូច្នេះថា៖« សមត្ថកិច្ចបានឆ្មក់ចូលឆែកឆេរ សិប្បកម្មកែច្នៃស្ករត្នោតនោះ ហើយបានសម្រេចឃាត់ទុក និងមិនឲ្យបើកអាជីវកម្មបន្តនូវស្ករត្នោតជិត៤០តោន ទាំងកែច្នៃរួច និងមិនទាន់កែច្នៃ។ ក្រោយពិនិត្យបឋមឃើញថា មានលាយនូវសារធាតុហ្វូនិចជាគីមី។ ចំពោះម្ចាស់ សិប្បកម្មកែច្នៃស្ករត្នោត ត្រូវបាននាំទៅនាយកដ្ឋានដើម្បីបន្តនីតិវិធី»។

វត្ថុតាងដែលសមត្ថកិច្ចរឹបអូសបានរួមមាន សំបកបាវ១៤៥ ថង់ស្កររាវ៣០ ស្ករ៣៥បាវ ស្មើនឹង២៦៥០គីឡូក្រាម ហើយនិងស្ករត្នោតកែច្នៃរួច និងមិទាន់រួច ៣៨តោន។ នេះបើតាមអគ្គស្នងការដ្ឋាននគរបាលជាតិ៕

Tag:

ស្ករត្នោត

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

2 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

3 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

7 ថ្ងៃ

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

5 ថ្ងៃ

អត្ថបទពេញនិយមបន្ថែម