ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
លោកស្រី Jemmo៖ គម្រោងយើងគឺចង់ជួយសត្វដំរីកុំឲ្យធ្វើជា«ទាសករ»ដូចមុន
19, Jan 2018 ,
7:39 pm
រូបភាព
×
ដោយ:
មណ្ឌលគិរី៖ គម្រោង«The Elephant Valley Project»របស់ស្ថាបនិកជនជាតិបរទេសមួយគម្រោង កំពុងអនុវត្តនៅខេត្តមណ្ឌលគិរី ក្នុងបំណងផ្លាស់ប្ដូរស្ថានភាពសត្វដំរីស្រុក ដែលធ្លាប់តែធ្វើការធ្ងន់តាមបំណងរបស់ម្ចាស់ខ្លួន មកជាដំរីដែលមានសេរីភាព ទទួលបានការចិញ្ចឹមថែរក្សា ដោយមិនចាំបាច់ធ្វើការដូចមុន។
គម្រោងនេះ ស្ថិតនៅក្រោមការគ្រប់គ្រងរបស់អង្គការ Elephant Livelihood Initiative Environment ដែលបានធ្វើសកម្មភាពសង្គ្រោះសត្វដំរីតាំងពីឆ្នាំ២០១៦ ។ សព្វថ្ងៃមានសត្វដំរីស្រុកចំនួន ១០ ស្ថិតក្រោមការថែរក្សាពីគម្រោងមួយនេះ។ គម្រោងនេះបានប្រមូលសត្វដំរីស្រុកពីជនជាតិដើមភាគតិច មកដាក់មួយកន្លែង ដែលហៅថា«ជ្រលងដំរី» ហើយវាបានក្លាយជាតំបន់ទេសចរណ៍ដ៏គួរឲ្យចាប់អារម្មណ៍មួយរបស់ភ្ញៀវទេសចរណ៍ ពិសេសភ្ញៀវអន្តរជាតិ។ ជ្រលងដំរីនេះ ស្ថិតនៅក្នុងដែនជម្រកសត្វព្រៃកែវសីមា ខេត្តមណ្ឌលគិរី។
ការទុកដាក់ដំរីក្នុងវិស័យទេសចរណ៍ បានផ្ដល់អត្ថប្រយោជន៍ដល់ពលរដ្ឋសហគមន៍។ នេះហើយជាហេតុផលដែលម្ចាស់ដំរី ព្រមផ្ដល់ដំរីដល់គម្រោងឲ្យថែរក្សា ដោយលែងប្រើប្រាស់សត្វដំរីឲ្យធ្វើការធ្ងន់ដូចមុន។
លោកស្រី Jemmo Bulloch អ្នកគ្រប់គ្រងគម្រោង The elephant valley project បានឲ្យដឹងថា គម្រោងមួយនេះមានបំណងជួយសត្វដំរីស្រុកឲ្យរួចផុតពីការបង្ខំឲ្យធ្វើការធ្ងន់ តាមរយៈការផ្ដល់អត្ថប្រយោជន៍ជាថ្នូដល់សហគមន៍។ លោកស្រីបានថ្លែងយ៉ាងដូច្នេះថា៖«យើងចង់ឲ្យសត្វដំរីឈប់ធ្វើការធ្ងន់ដូចមុន ព្រោះពួកគេ (ដំរី) ក៏មិនចង់ដឹក ឬអូសធ្ងន់ៗដែរ ពួកគេចង់សម្រាក ចង់មានសេរីភាព»។
ជ្រលងដំរីមួយនេះ បានរកថវិកាពីភ្ញៀវប្រមាណ ៣៥ម៉ឺនដុល្លារ លើចំនួនទេសចរ ២៤០០នាក់ ក្នុងឆ្នាំ២០១៧ តាមរយៈការលក់សំបុត្រចូលទស្សនាដំរី សេវាស្នាក់នៅ និងម្ហូបអាហារ។ ប្រាក់ចំណូល ត្រូវបានប្រើប្រាស់ដើម្បីការចិញ្ចឹមថែរក្សាដំរី អភិវឌ្ឍន៍ជ្រលងដំរីមួយនេះ និងមួយផ្នែកទៀតយកទៅជួយពលរដ្ឋសគមន៍ពូត្រុំ ៧៨គ្រួសារនៅតំបន់នោះ។ គម្រោងនេះផ្ដល់ការងារដល់សហគមន៍ចំនួន ៤៨នាក់ ក្នុងចំណោមបុគ្គលិកសរុប ៦០នាក់។ នេះបើតាមលោកស្រី Jemmo ដែលបានផ្ដល់បទសម្ភាសដល់អ្នកកាសែត ដែលធ្វើដំណើរទស្សនកិច្ចស្វែងយល់ដែនជម្រកកែវសីមា ដែលជាកម្មវិធីរៀបចំដោយអង្គការសមាគមអភិរក្សសត្វព្រៃ (WCS) កាលពីដើមខែមករា។
បើតាមលោកស្រី Jemmo ដែលជាអ្នកអភិរក្សសត្វដំរី និងជាជនជាតិអូស្ត្រាលីរូបនេះ គម្រោងជួយសត្វដំរីរបស់ក្រុមការងារលោកស្រីនេះ មានមួយកន្លែងនៅកម្ពុជា និងមួយកន្លែងទៀតនៅប្រទេសថៃ។ លោកស្រីឲ្យដឹងថា ដំរីស្រុកនៅកម្ពុជាសរុបមានចំនួន ៧១ក្បាល ខណៈដំរីព្រៃមានចន្លោះពី៤០០ ទៅ៦០០ក្បាល។ ដំរីស្រុក ជាដំរីដែលពលរដ្ឋសហគមន៍ទាក់ចាប់ពីព្រៃ ដើម្បីយកមកបម្រើប្រយោជន៍ក្រុមគ្រួសាររបស់អ្នកទាំងនោះ តាមរយៈការប្រើប្រាស់កម្លាំងពលកម្មរបស់សត្វដំរី។
សត្វដំរី នៅក្នុងជ្រលងដំរី ដែលបានលើកឡើងខាងលើ បានជួបបញ្ហាប្រឈមសំខាន់មួយ នោះគឺការបាត់បង់ដំណពូជ ដោយសារតែសត្វដំរីទាំងនោះភាគច្រើនមានភាពចាស់ជរា ដែលអាយុមិនក្រោម ៥០ឆ្នាំឡើយ។
គួរបញ្ជាក់ថា សំបូរ (Sambo) ដែលជាដំរីល្បីល្បាញនៅភ្នំពេញ ដែលបម្រើទេសចរណ៍នៅវត្តភ្នំ កាលពីពេលកន្លងមក ក៏កំពុងរស់នៅក្នុងជ្រលងដំរីនេះផងដែរ។
វីឌីអូសកម្មភាពរបស់សំបូរ៖
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ដំរី
ជ្រលងដំរី
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
«ប្រេសិត»មានន័យដូចម្តេច?
4 ថ្ងៃ
អត្ថបទពេញនិយមបន្ថែម