រថយន្ត
អន្តរជាតិ
អារ៉ាប៊ីសាអូឌីតកំពុងវិនិយោគលើការផលិតរថយន្ត «Saudi-Made» ជាលើកដំបូង
×![]()
ដោយ: ធីតា
ក្រសួងពាណិជ្ជកម្ម និងឧស្សហកម្មរបស់អារ៉ាប៊ីសាអូឌីត បានបើកផ្លូវឲ្យមានកិច្ចសហប្រតិបត្តិការជំនួញរវាងអារ៉ាប៊ីសាអូឌីត និងម៉ាឡេស៊ី លើគម្រោងសិក្សាបង្កើតរថយន្តដែលផលិតនៅក្នុងប្រទេសពិភពអារ៉ាប់មួយនេះ។
នៅក្នុងសេចក្តីប្រកាសព័ត៌មានមួយ ក្រសួងពាណិជ្ជកម្ម និងឧស្សហកម្មរបស់អារ៉ាប៊ីសាអូឌីត បានបង្ហាញ ពីគម្រោងវិនិយោគរោងចក្រយានយន្តក្នុងទឹកប្រាក់ជាង២ពាន់លានដុល្លារអាមេរិក ដោយទីតាំងនឹងត្រូវបានកំណត់ ក្រោយការបើកភ្លើងខៀវរបស់រដ្ឋាភិបាល។
«ក្រសួងនឹងជំរុញការបង្កើតរោងចក្រយានយន្ត ប៉ុន្តែត្រូវឆ្លងកាត់ការសម្របសម្រួលយ៉ាងម៉ត់ចត់រវាងរដ្ឋាភិបាល និងវិស័យឯកជន។ អជ្ញាបណ្ណបឋមសម្រាប់រោងចក្រ Shahid នឹងមិនសំដៅរកប្រាក់ចំណេញពីសាធារណជននោះឡើយ»។ នេះបើតាមការបញ្ជាក់ក្នុងសេចក្តីថ្លែងការណ៍ដែលត្រូវបានដកស្រង់ដោយសារព័ត៌មាន Arab News។
ដៃគូជំនួញអារ៉ាប៊ីសាអូឌីត និងម៉ាឡេស៊ី បានចុះកិច្ចព្រមព្រៀងជាមួយគ្នាកាលពីពេលថ្មីៗកន្លងមកនេះ លើគម្រោងផលិតរថយន្តម៉ាក Meeya ដែលជាផលិតផលរបស់អារ៉ាប៊ីសាអូឌិត (Saudi-Made)។
គម្រោងរោងចក្រយានយន្ត អាចដំណើរការនៅក្រុង Dammam ជាមួយចង្វាក់ផលិតកម្ម៣សែនគ្រឿងក្នុងមួយឆ្នាំ។ នេះបើតាមការបញ្ជាក់របស់លោក Rashed Othman Jawhar ប្រធានក្រុមហ៊ុន Saudi-Malaysian Industrial Development Holding Company។
Arab News បានដកស្រង់សម្តីលោក Jawhar បន្ថែមថា រោងចក្រយានយន្តនោះ នឹងផ្តល់ការងារដល់ពលរដ្ឋប្រមាណ២០០០កន្លែង ដោយដៃគូសំខាន់ៗរបស់ក្រុមហ៊ុនមានមកពីម៉ាឡេស៊ី ចិន អាល្លឺម៉ង់ ជប៉ុន និងកូរ៉េខាងត្បូង។
លោក Jawhar បានអះអាងថា រោងចក្រអាចផលិតរថយន្តប្រមាណ៥ម៉ឺនគ្រឿងក្នុងរយៈពេល៣៦ខែដំបូង ដោយមាន៣ម៉ូដែល។ រថយន្តមួយគ្រឿងអាចមានតម្លៃចន្លោះពីជាង១ម៉ឺនដុល្លារ ទៅជាង៣ម៉ឺនដុល្លារអាមេរិក។
«អាចមានការបញ្ចុះតម្លៃរហូតដល់ទៅ៥០ភាគរយ ប្រសិនបើគម្រោងរបស់យើងទទួលបានការគាំទ្រយ៉ាងពេញទំហឹងពីរដ្ឋាភិបាល ជាពិសេសការផ្តល់ដីសម្រាប់ទីតាំងរោងចក្រ រួមទាំងបរិក្ខាផ្សេងៗទៀត»។ នេះជាការលើកឡើងរបស់លោក Jawhar៕
នៅក្នុងសេចក្តីប្រកាសព័ត៌មានមួយ ក្រសួងពាណិជ្ជកម្ម និងឧស្សហកម្មរបស់អារ៉ាប៊ីសាអូឌីត បានបង្ហាញ ពីគម្រោងវិនិយោគរោងចក្រយានយន្តក្នុងទឹកប្រាក់ជាង២ពាន់លានដុល្លារអាមេរិក ដោយទីតាំងនឹងត្រូវបានកំណត់ ក្រោយការបើកភ្លើងខៀវរបស់រដ្ឋាភិបាល។
«ក្រសួងនឹងជំរុញការបង្កើតរោងចក្រយានយន្ត ប៉ុន្តែត្រូវឆ្លងកាត់ការសម្របសម្រួលយ៉ាងម៉ត់ចត់រវាងរដ្ឋាភិបាល និងវិស័យឯកជន។ អជ្ញាបណ្ណបឋមសម្រាប់រោងចក្រ Shahid នឹងមិនសំដៅរកប្រាក់ចំណេញពីសាធារណជននោះឡើយ»។ នេះបើតាមការបញ្ជាក់ក្នុងសេចក្តីថ្លែងការណ៍ដែលត្រូវបានដកស្រង់ដោយសារព័ត៌មាន Arab News។
ដៃគូជំនួញអារ៉ាប៊ីសាអូឌីត និងម៉ាឡេស៊ី បានចុះកិច្ចព្រមព្រៀងជាមួយគ្នាកាលពីពេលថ្មីៗកន្លងមកនេះ លើគម្រោងផលិតរថយន្តម៉ាក Meeya ដែលជាផលិតផលរបស់អារ៉ាប៊ីសាអូឌិត (Saudi-Made)។
គម្រោងរោងចក្រយានយន្ត អាចដំណើរការនៅក្រុង Dammam ជាមួយចង្វាក់ផលិតកម្ម៣សែនគ្រឿងក្នុងមួយឆ្នាំ។ នេះបើតាមការបញ្ជាក់របស់លោក Rashed Othman Jawhar ប្រធានក្រុមហ៊ុន Saudi-Malaysian Industrial Development Holding Company។
Arab News បានដកស្រង់សម្តីលោក Jawhar បន្ថែមថា រោងចក្រយានយន្តនោះ នឹងផ្តល់ការងារដល់ពលរដ្ឋប្រមាណ២០០០កន្លែង ដោយដៃគូសំខាន់ៗរបស់ក្រុមហ៊ុនមានមកពីម៉ាឡេស៊ី ចិន អាល្លឺម៉ង់ ជប៉ុន និងកូរ៉េខាងត្បូង។
លោក Jawhar បានអះអាងថា រោងចក្រអាចផលិតរថយន្តប្រមាណ៥ម៉ឺនគ្រឿងក្នុងរយៈពេល៣៦ខែដំបូង ដោយមាន៣ម៉ូដែល។ រថយន្តមួយគ្រឿងអាចមានតម្លៃចន្លោះពីជាង១ម៉ឺនដុល្លារ ទៅជាង៣ម៉ឺនដុល្លារអាមេរិក។
«អាចមានការបញ្ចុះតម្លៃរហូតដល់ទៅ៥០ភាគរយ ប្រសិនបើគម្រោងរបស់យើងទទួលបានការគាំទ្រយ៉ាងពេញទំហឹងពីរដ្ឋាភិបាល ជាពិសេសការផ្តល់ដីសម្រាប់ទីតាំងរោងចក្រ រួមទាំងបរិក្ខាផ្សេងៗទៀត»។ នេះជាការលើកឡើងរបស់លោក Jawhar៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
