ជាតិ
រថយន្ត
កម្មវិធី«Mercedes-Benz និងកំណប់អាថ៌កំបាំង»នឹងនាំពលរដ្ឋខ្មែរឡើងភ្នំខ្ពស់ជាងគេនៅកម្ពុជា
× បន្ទាប់ពីជោគជ័យបេសកកម្មលើកទី១រួចមក កម្មវិធី«Mercedes-Benz និងកំណប់អាថ៌កំបាំង» នឹងចាប់ផ្តើម បេសកកម្មលើកទី២ ជាបន្តទៀត នៅថ្ងៃទី២៩ខែមករា ដល់ថ្ងៃទី១ ខែកុម្ភៈឆ្នាំ២០១៨ ឆាប់ៗខាងមុខនេះ។
បើតាម លោកលោក ឃុន ចាន់ថា នាយកគ្រប់គ្រងផ្នែកលក់ និងទីផ្សារ នៃក្រុមហ៊ុន Star Auto Cambodia បេសកកម្មលើកទី២នេះ ក្រុមការងារនឹងធ្វើដំណើរទៅកាន់ខេត្តកំពង់ស្ពឺ ដោយទៅទស្សនាសិប្បកម្មស្ករត្នោតដែលជាផលិតផលអត្តសញ្ញាណនៅក្នុងខេត្តនេះ និងជាពិសេស ក្រុមការងារនឹងនាំពលរដ្ឋខ្មែរឡើងភ្នំខ្ពស់ជាងគេនៅកម្ពុជា គឺភ្នំឱរ៉ាល់ ដែលកម្ពស់១,៨១៣ម៉ែត្រ។
កម្មវិធី«Mercedes-Benz និងកំណប់អាថ៌កំបាំង» ផ្តួចផ្តើមឡើងដោយក្រុមហ៊ុន Star Auto Cambodia សហការជាមួយសារព័ត៌មានថ្មីៗ និងFresh News ដើម្បីចូលរួមកម្ពស់វិស័យទេសចរណ៍នៅទូទាំងកម្ពុជា ស្វែងរក និងគាស់កកាយតំបន់ទេសចរណ៍ដែលគេមិនសូវស្គាល់ តំបន់ទេសចរណ៍សក្តានុពលដែលត្រូវគេមើលរំលង និងពង្រីកសក្តានុពលតំបន់ទេសចរណ៍ដែលមានស្រាប់ឲ្យកាន់តែមានសកម្មភាពរស់រវើក។ គួរកត់សម្គាល់ថា បេសកកម្មលើកទី១ នៃកម្មវិធី«Mercedes-Benz និងកំណប់អាថ៌កំបាំង» ដែលបានរៀបចំ នៅក្នុងអំឡុងខែសីហា ឆ្នាំ២០១៧កន្លងទៅ បានទទួលជោគជ័យយ៉ាងអស្ចារ្យ ដោយក្រុមការងារបានរួមចំណែកលើកកម្ពស់តំបន់ទេសចរណ៍អូរសោម ស្ថិតនៅក្នុងខេត្តពោធិ៍សាត់ ឲ្យកាន់តែល្បីល្បាញមួយកម្រិតទៀត៕
Tag:
MercedesBenz
StarAuto
ភ្នំឱរ៉ាល់
© រក្សាសិទ្ធិដោយ thmeythmey.com