ជ័រល្ហុងខ្វងផ្សំជាមួយផ្លែដទៃទៀតសម្រាប់ធ្វើជាថ្នាំព្រូន និងថ្នាំកមរមាស់

ពីនេះ ពីនោះ

ជ័រល្ហុងខ្វងផ្សំជាមួយផ្លែដទៃទៀតសម្រាប់ធ្វើជាថ្នាំព្រូន និងថ្នាំកមរមាស់

25, Jan 2018 , 9:19 am

រូបភាព

ដោយ: ថ្មីៗ

ល្ហុងខ្វងជាចុល្លព្រឹក្ស ដែលមានដើមកំណើតពីទ្វីបអាមេរិក គេដាំនៅក្នុងប្រទេសក្តៅនៃប្រទេសសកលលោក។ គ្រូឱសថបុរាណ យកជ័រល្ហុងខ្វង ទៅលាបនឹងដំបៅដើម្បីឱ្យបានជាសះស្បើយ ហើយម្យ៉ាងវិញទៀត ច្រើនតែយកជ័ររបស់វាផ្សំជាមួយដើមដទៃទៀត ធ្វើជាថ្នាំព្រូន និងថ្នាំកមរមាស់ ជាដើម។

ប្រេងនៃគ្រាប់ជាថ្នាំបញ្ចុះ ហើយប្រេងរបស់វា ក៏អាចធ្វើជាសាប៊ូ លាងម៉ាស៊ីនផងដែរ។ ប្រេងជ័រល្ហុងខ្វង អាចនឹងបណ្តាលឱ្យគ្រោះថ្នាក់ដោយរលូតកូន នៅពេលដែលនារីមានគភ៌ផឹក និងយកមកបំពោកលើពោះ។ គេបុកស្លឹករបស់វាបំពោកលើសន្លាក់ឆ្អឹង។

នៅឥណ្ឌូចិន ច្រើនតែងមានដាំ ពីព្រោះដើមនេះ មានដុះឆាប់រហ័សណាស់។ នៅស្រុកខ្លះគេដាំដើម្បីលើដីវាលដែលពុំមានព្រៃឈើ ដើម្បីការពារកុំឱ្យហូរច្រោះ៕

ដកស្រង់ពីសៀវភៅ៖ វចនានុក្រម «ការប្រើប្រាស់រុក្ខជាតិក្នុងប្រទេសកម្ពុជា»។