ជាតិ
សេដ្ឋកិច្ច
លទ្ធភាពបញ្ចុះថ្លៃអគ្គិសនីឲ្យទាបស្មើប្រទេសជិតខាងសម្រាប់ SME ហាក់នៅវែងឆ្ងាយ
×![]()
ភ្នំពេញ៖ តម្លៃអគ្គិសនីខ្ពស់ជាបញ្ហាប្រឈមមួយ ដែលម្ចាស់សហគ្រាស តែងស្នើឲ្យរដ្ឋាភិបាលដោះស្រាយ ដើម្បីមានលទ្ធភាពប្រកួតប្រជែងផលិតផលនឹងប្រទេសជិតខាង។ ឆ្លើយនឹងបញ្ហានេះ ប្រធានអាជ្ញាធរអគ្គិសនីកម្ពុជា អះអាងថា រដ្ឋាភិបាលមានផែនការបញ្ចុះថ្លៃអគ្គិសនីបន្តិចម្ដងៗ ប៉ុន្តែលទ្ធភាពទម្លាក់ថ្លៃស្មើនឹងប្រទេសជិតខាង គឺមិនទាន់អាចទៅរួចនោះទេ ដោយសារការផលិតអគ្គិសនីរបស់កម្ពុជានៅមានបរិមាណតិច។
សូមស្តាប់សំឡេង៖
លោក ទី នរិន្ទ ប្រធានអាជ្ញាធរអគ្គិសនីកម្ពុជា (EAC) បានឲ្យដឹងថា រដ្ឋាភិបាលមានផែនការបញ្ចុះថ្លៃអគ្គិសនីសម្រាប់សហគ្រាសអាជីវកម្ម ឧស្សាហកម្ម ជារៀងរាល់ឆ្នាំ ដោយនៅពាក់កណ្ដាលឆ្នាំ២០១៨ ខាងមុខនេះ ថ្លៃអគ្គិសនីនឹងត្រូវបញ្ចុះពី ១៦,៧សេន (ប្រហែល ៦៧០រៀល) មកនៅត្រឹម ១៦,៥សេនក្នុងមួយគីឡូវ៉ាត់ម៉ោង។ លោកថ្លែងបែបនេះនៅក្នុងសន្និបាតបូកសរុបការងារប្រចាំឆ្នាំរបស់អាជ្ញាធរអគ្គិសនីកម្ពុជា នៅថ្ងៃទី២៤ខែមករា។
តែនេះជាការបញ្ចុះថ្លៃតិចតួច មិនទាន់ឆ្លើយតបនឹងការចង់បានរបស់សហគ្រាស ដែលចង់ឲ្យថ្លៃដើមផលិតទាបដូចប្រទេសជិតខាងកម្ពុជា។
លោក ទី នរិន្ទ គូសបញ្ជាក់ថា រដ្ឋាភិបាលមិនទាន់អាចទម្លាក់ថ្លៃអគ្គិសនីនៅទាបដូចប្រទេសជិតខាងបានទេ ដោយសមត្ថភាពផលិតថាមពលរបស់កម្ពុជានៅមានបរិមាណតិច។ លោកថ្លែងដូច្នេះថា៖«ឥឡូវយើង (ផលិតបាន) ទើបជាង ២ពាន់មេហ្គាវ៉ាត់ ចាំយើងធ្វើបាន ៣ម៉ឺនមេហ្គាវ៉ាត់ដូចគេ យើងបញ្ចុះបានដូចគេ»។
តម្លៃអគ្គិសនីខ្ពស់ តែងត្រូវបានលើកឡើងមិនថាពីវិស័យឯកជន ពីរបាយការណ៍របស់ធនាគារពិភពលោក ដែលចាត់ទុកជាបញ្ហាប្រឈមលើថ្លៃដើមផលិតសម្រាប់សហគ្រាសអាជីវកម្ម ឧស្សាហកម្ម ដែលពិបាកនឹងប្រកួតប្រជែង ខណៈអគ្គិសនីនៅប្រទេសជិតខាងថ្លៃ ២០០រៀលទៅជាង ៣០០រៀលក្នុងមួយគីឡូវ៉ាត់ម៉ោង។
សម្រាប់ការប្រើប្រាស់អគ្គិសនីក្នុងពេលយប់វិញ រដ្ឋាភិបាលនឹងកំណត់ថ្លៃត្រឹម ១២សេនក្នុងមួយគីឡូវ៉ាត់ម៉ោង។ នេះបើតាមលោក ទី នរិន្ទ ដែលអះអាងថា បើទោះបីរដ្ឋាភិបាលបញ្ចុះថ្លៃទាបជាងនេះ ក៏មិនប្រាកដថាសហគ្រាសងាកទៅដំណើរការរោងចក្រកែច្នៃរបស់ខ្លួននៅពេលយប់នោះដែរ ព្រោះដំណើរការពេលយប់ សហគ្រាសត្រូវចំណាយថ្លៃពលកម្មទ្វេដង៕
សូមស្តាប់សំឡេង៖
លោក ទី នរិន្ទ ប្រធានអាជ្ញាធរអគ្គិសនីកម្ពុជា (EAC) បានឲ្យដឹងថា រដ្ឋាភិបាលមានផែនការបញ្ចុះថ្លៃអគ្គិសនីសម្រាប់សហគ្រាសអាជីវកម្ម ឧស្សាហកម្ម ជារៀងរាល់ឆ្នាំ ដោយនៅពាក់កណ្ដាលឆ្នាំ២០១៨ ខាងមុខនេះ ថ្លៃអគ្គិសនីនឹងត្រូវបញ្ចុះពី ១៦,៧សេន (ប្រហែល ៦៧០រៀល) មកនៅត្រឹម ១៦,៥សេនក្នុងមួយគីឡូវ៉ាត់ម៉ោង។ លោកថ្លែងបែបនេះនៅក្នុងសន្និបាតបូកសរុបការងារប្រចាំឆ្នាំរបស់អាជ្ញាធរអគ្គិសនីកម្ពុជា នៅថ្ងៃទី២៤ខែមករា។
តែនេះជាការបញ្ចុះថ្លៃតិចតួច មិនទាន់ឆ្លើយតបនឹងការចង់បានរបស់សហគ្រាស ដែលចង់ឲ្យថ្លៃដើមផលិតទាបដូចប្រទេសជិតខាងកម្ពុជា។
លោក ទី នរិន្ទ គូសបញ្ជាក់ថា រដ្ឋាភិបាលមិនទាន់អាចទម្លាក់ថ្លៃអគ្គិសនីនៅទាបដូចប្រទេសជិតខាងបានទេ ដោយសមត្ថភាពផលិតថាមពលរបស់កម្ពុជានៅមានបរិមាណតិច។ លោកថ្លែងដូច្នេះថា៖«ឥឡូវយើង (ផលិតបាន) ទើបជាង ២ពាន់មេហ្គាវ៉ាត់ ចាំយើងធ្វើបាន ៣ម៉ឺនមេហ្គាវ៉ាត់ដូចគេ យើងបញ្ចុះបានដូចគេ»។
តម្លៃអគ្គិសនីខ្ពស់ តែងត្រូវបានលើកឡើងមិនថាពីវិស័យឯកជន ពីរបាយការណ៍របស់ធនាគារពិភពលោក ដែលចាត់ទុកជាបញ្ហាប្រឈមលើថ្លៃដើមផលិតសម្រាប់សហគ្រាសអាជីវកម្ម ឧស្សាហកម្ម ដែលពិបាកនឹងប្រកួតប្រជែង ខណៈអគ្គិសនីនៅប្រទេសជិតខាងថ្លៃ ២០០រៀលទៅជាង ៣០០រៀលក្នុងមួយគីឡូវ៉ាត់ម៉ោង។
សម្រាប់ការប្រើប្រាស់អគ្គិសនីក្នុងពេលយប់វិញ រដ្ឋាភិបាលនឹងកំណត់ថ្លៃត្រឹម ១២សេនក្នុងមួយគីឡូវ៉ាត់ម៉ោង។ នេះបើតាមលោក ទី នរិន្ទ ដែលអះអាងថា បើទោះបីរដ្ឋាភិបាលបញ្ចុះថ្លៃទាបជាងនេះ ក៏មិនប្រាកដថាសហគ្រាសងាកទៅដំណើរការរោងចក្រកែច្នៃរបស់ខ្លួននៅពេលយប់នោះដែរ ព្រោះដំណើរការពេលយប់ សហគ្រាសត្រូវចំណាយថ្លៃពលកម្មទ្វេដង៕
Tag:
អគ្គិសនី
© រក្សាសិទ្ធិដោយ thmeythmey.com
