ពីនេះ ពីនោះ
ព័ត៍មានសុខភាព
របបអាហារមានប្រូតេអ៊ីនខ្ពស់មិនអាក្រក់ដូចការជក់បារីឡើយ
× យោងតាមសេចក្តីរាយការណ៍ពីសារព័ត៌មាន The Daily Telegraph អ្នកដែលញ៉ាំអាហារមានជាតិប្រូតេអ៊ីនសាច់ច្រើន គឺមានការប្រឈមនឹងមហារីក ដូចអ្នកជក់បារី ២០ដើមក្នុងមួយថ្ងៃដែរ។ យើងមានអំណះអំណាងយ៉ាងច្រើនរួចទៅហើយ ដែលថាការជក់បារី អាចធ្វើឲ្យមនុស្សស្លាប់បាន ប៉ុន្តែសម្រាប់អ្នកញ៉ាំសាច់វិញ ប្រហែលជាមិនមានបញ្ហាដូចអ្នកជក់បារីឡើយ។
រឿងនេះត្រូវបាននិយាយ ក្នុងសេចក្តីប្រកាសព័ត៌មានមួយ អំពីការសិក្សាដ៏ធំមួយ ដែលបានរកឃើញថា អ្នក មានអាយុ ៥០ ទៅ៦៥ឆ្នាំ ដែលញ៉ាំប្រូតេអ៊ីនច្រើនៗ គឺមានជាប់ទាក់ទងនឹងការការប្រឈមកាន់តែខ្ពស់ នឹងការស្លាប់។ ការសិក្សាដែលវាយតម្លទៅលើរបបអាហាររបស់ជនជាតិអាម៉េរិក រយៈពេល ២៤ម៉ោងនេះ បានរកឃើញថា អ្នកដែលមានអាយុចាប់ពី៦៥ឆ្នាំឡើងទៅ ហើយញ៉ាំអាហារមានប្រូតេអ៊ីនខ្ពស់ទៀត បានថយចុះការប្រឈម នឹងការស្លាប់ដោយសារតែជំងឺមហារីកគ្រប់ប្រភេទទៅវិញ។
មានហេតុផលច្រើនណាស់ដែលយើងត្រូវប្រុងប្រយ័ត្ន នៅពេលពិភាក្សាទៅលើលទ្ធផល នៃការសិក្សានេះដូចជា អ្នកស្រាវជ្រាវមិនបានបញ្ចូលនូវកត្តាសំខាន់ៗដូចជា សកម្មភាពរាងកាយក្នុងការសិក្សារបស់ពួកគេទេ។ ដូច្នេះការអះអាងថា របបអាហារមានជាតិប្រូតេអ៊ីនខ្ពស់លើមនុស្សវ័យកណ្តាល មានលក្ខណៈគ្រោះថ្នាក់ដូចការជក់បារីដែរនោះ គឺមិនត្រូវបានគាំទ្រឡើយ។ ព្រោះមនុស្សយើងត្រូវការញ៉ាំប្រូតេអ៊ីន ប៉ុន្តែមិនត្រូវការជក់បារីឡើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com