ជាតិ
×![]()
សៀមរាប៖ ការិយាល័យកុងស៊ុលជប៉ុន បានបើកការិយាល័យរបស់ខ្លួននៅខេត្តសៀមរាបជាផ្លូវការហើយ នៅថ្ងៃទី២៨ ខែមករា ឆ្នាំ២០១៨។ ពិធីនេះត្រូវបានរៀបចំឡើងនៅសណ្ឋាគារសុខាសៀមរាប ដោយមានអនុរដ្ឋមន្ត្រីក្រសួងការបរទេសជប៉ុនចូលរួមសម្ពោធ។ តាមរបាយការណ៍របស់ទូតជប៉ុន បច្ចុប្បន្នមានប្រជាជនជប៉ុនប្រមាណ ៣៧០នាក់ កំពុងរស់នៅ និងធ្វើការក្នុងខេត្តសៀមរាប។
ការិយាល័យកុងស៊ុលជប៉ុនប្រចាំខេត្តសៀមរាប បម្រើដល់បណ្តាខេត្តជុំវិញ រួមមាន ខេត្តសៀមរាប បន្ទាយមានជ័យ ព្រះវិហារ ឧត្តរមានជ័យ និងខេត្តកំពង់ធំ និងមានស្នាក់ការនៅសណ្ឋាគារ សុខាផាលែស។
លោកអនុរដ្ឋមន្ត្រីក្រសួងការបរទេសជប៉ុន លោក NAKANE Kazuyki បានរម្លឹកពីទំនាក់ទំនងនានារវាងជប៉ុន និងកម្ពុជា រួមនិងសមិទ្ធិផលនានា ដែលមានកន្លងមក ដូចជាផ្លូវ ស្ពានជាដើម។ ថ្លែងក្នុងពិធីសម្ពោធជាផ្លូវការនៅព្រឹកថ្ងៃទី២៨ ខែមករា លោក NAKANE បានឱ្យដឹងថា ជារៀងរាល់ឆ្នាំមានទេសចរជនជាតិជប៉ុនប្រមាណ ២០ម៉ឺននាក់ ដែលមកកម្សាន្តខេត្តសៀមរាប និងមានក្រុមហ៊ុនចំនួន ១៩ កំពុងប្រតិបត្តិការរកស៊ីលើវិស័យទេសចរណ៍។ ក្រៅពីនេះ ប្រទេសជប៉ុនក៏មានសកម្មភាពជួយជួសជុលប្រាសាទនៅតំបន់អង្គរដែរ ដែលកំពុងប្រតិបត្តិការដោយស្ថាប័ន JASA សាកលវិទ្យាល័យ ស៊ូហ្វីយ៉ា រួមនិងវត្តមានសមាគមជប៉ុនមួយចំនួនទៀត។
តាមរយៈការបើកការិយាល័យកុងស៊ុលថ្មីនេះ លោក NAKANE រំពឹងថា នឹងធ្វើឱ្យទំនាក់ទំនងប្រទេសជប៉ុន និងកម្ពុជា កាន់តែមានភាពស៊ីជម្រៅ តាមរយៈការផ្តល់សេវានានា។ ក្នុងនោះ លោកក៏ស្នើឱ្យប្រជាជនកម្ពុជា ជួយគាំទ្រដល់ការិយាល័យកុងស៊ុលនេះផងដែរ។
លោក នូ ផល្លា ប្រធានក្រុមប្រឹក្សាខេត្ត ក៏មានសុទិដ្ឋិនិយមចំពោះការិយាល័យកុងស៊ុលជប៉ុន នៅលើទឹកដីខេត្តសៀមរាបផងដែរ។ តាមលោក នូ ផល្លា ការិយាល័យកុងស៊ុលថ្មីនេះ នឹងជំរុញឱ្យទំនាក់ទំនងប្រទេសទាំងពីរ កាន់តែជិតស្និទ្ធ និងទាក់ទាញវិនិយោគកិន ក៏ដូចជាភ្ញៀវទេសចរជនជាតិជប៉ុន មកកម្សាន្តខេត្តសៀមរាមកាន់តែច្រើនមួយកម្រិតទៀត។
លោក នូ ផល្លា ក៏បានអរគុណដល់រាជរដ្ឋាភិបាលជប៉ុន ជានិច្ចកាលតែងតែជួយដល់ប្រជាជនកម្ពុជា ហើយលោករំពឹងថា សកម្មភាពនេះ នឹងបន្តទៅថ្ងៃអនាគតទៀត៕
ការិយាល័យកុងស៊ុលជប៉ុនប្រចាំខេត្តសៀមរាប បម្រើដល់បណ្តាខេត្តជុំវិញ រួមមាន ខេត្តសៀមរាប បន្ទាយមានជ័យ ព្រះវិហារ ឧត្តរមានជ័យ និងខេត្តកំពង់ធំ និងមានស្នាក់ការនៅសណ្ឋាគារ សុខាផាលែស។
លោកអនុរដ្ឋមន្ត្រីក្រសួងការបរទេសជប៉ុន លោក NAKANE Kazuyki បានរម្លឹកពីទំនាក់ទំនងនានារវាងជប៉ុន និងកម្ពុជា រួមនិងសមិទ្ធិផលនានា ដែលមានកន្លងមក ដូចជាផ្លូវ ស្ពានជាដើម។ ថ្លែងក្នុងពិធីសម្ពោធជាផ្លូវការនៅព្រឹកថ្ងៃទី២៨ ខែមករា លោក NAKANE បានឱ្យដឹងថា ជារៀងរាល់ឆ្នាំមានទេសចរជនជាតិជប៉ុនប្រមាណ ២០ម៉ឺននាក់ ដែលមកកម្សាន្តខេត្តសៀមរាប និងមានក្រុមហ៊ុនចំនួន ១៩ កំពុងប្រតិបត្តិការរកស៊ីលើវិស័យទេសចរណ៍។ ក្រៅពីនេះ ប្រទេសជប៉ុនក៏មានសកម្មភាពជួយជួសជុលប្រាសាទនៅតំបន់អង្គរដែរ ដែលកំពុងប្រតិបត្តិការដោយស្ថាប័ន JASA សាកលវិទ្យាល័យ ស៊ូហ្វីយ៉ា រួមនិងវត្តមានសមាគមជប៉ុនមួយចំនួនទៀត។
តាមរយៈការបើកការិយាល័យកុងស៊ុលថ្មីនេះ លោក NAKANE រំពឹងថា នឹងធ្វើឱ្យទំនាក់ទំនងប្រទេសជប៉ុន និងកម្ពុជា កាន់តែមានភាពស៊ីជម្រៅ តាមរយៈការផ្តល់សេវានានា។ ក្នុងនោះ លោកក៏ស្នើឱ្យប្រជាជនកម្ពុជា ជួយគាំទ្រដល់ការិយាល័យកុងស៊ុលនេះផងដែរ។
លោក នូ ផល្លា ប្រធានក្រុមប្រឹក្សាខេត្ត ក៏មានសុទិដ្ឋិនិយមចំពោះការិយាល័យកុងស៊ុលជប៉ុន នៅលើទឹកដីខេត្តសៀមរាបផងដែរ។ តាមលោក នូ ផល្លា ការិយាល័យកុងស៊ុលថ្មីនេះ នឹងជំរុញឱ្យទំនាក់ទំនងប្រទេសទាំងពីរ កាន់តែជិតស្និទ្ធ និងទាក់ទាញវិនិយោគកិន ក៏ដូចជាភ្ញៀវទេសចរជនជាតិជប៉ុន មកកម្សាន្តខេត្តសៀមរាមកាន់តែច្រើនមួយកម្រិតទៀត។
លោក នូ ផល្លា ក៏បានអរគុណដល់រាជរដ្ឋាភិបាលជប៉ុន ជានិច្ចកាលតែងតែជួយដល់ប្រជាជនកម្ពុជា ហើយលោករំពឹងថា សកម្មភាពនេះ នឹងបន្តទៅថ្ងៃអនាគតទៀត៕
Tag:
កុងស៊ុលជប៉ុន
សៀមរាប
© រក្សាសិទ្ធិដោយ thmeythmey.com
