អន្តរជាតិ
រដ្ឋមន្រ្តីការបរទេសជប៉ុន តារ៉ូ កូណូ (ឆ្វេង) ចាប់ដៃសមភាគីចិន វ៉ាង យី (ស្ដាំ) (រូបភាព៖ AFP)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសចិនលោក វ៉ាង យី បានបង្ហាញក្ដីសង្ឃឹមថា ទំនាក់ទំនងទ្វេភាគីរវាងចិន និងជប៉ុន នឹងដើរលើផ្លូវឡើងវិញ ខណៈដែលស្ថានភាពទំនាក់ទំនងសព្វថ្ងៃមិនសូវល្អប៉ុន្មានឡើយ។ លោក វ៉ាង យី និយាយបែបនេះក្នុងជំនួបជាមួយសមភាគីជប៉ុនលោក តារ៉ូ កូណូ នៅថ្ងៃទី២៨ ខែមករា។ លោក កូណូ បានបញ្ជាក់ពីសារសំខាន់នៃទំនាក់ទំនងទ្វេភាគីជប៉ុន និងចិន ដែលអាចជះឥទ្ធិពលលើស្ថានការណ៍តំបន់។
ប្រមុខការទូតចិន វ៉ាង យី បានជួបជាមួយប្រមុខការទូតជប៉ុន តារ៉ូ កូណូ នៅថ្ងៃទី២៨ ខែមករា អំឡុងពេលទស្សនកិច្ចរយៈពេលពីរថ្ងៃរបស់លោក កូណូ នៅលើទឹកដីចិន ដែលចាប់ផ្ដើមកាលពីថ្ងៃទី២៧ ខែមករា។ ទស្សនកិច្ចរបស់ប្រមុខការទូតជប៉ុន មានគោលដៅពង្រឹងទំនាក់ទំនងទ្វេភាគីឲ្យកាន់តែប្រសើរឡើង ព្រោះទំនាក់ទំនងទ្វេភាគីរវាងមហាអំណាចសេដ្ឋកិច្ចពិភពលោកលំដាប់ទីពីរ និងទីបី មិនដែលស្គាល់ពាក្យល្អូកល្អឺនបានយូរឡើយ។
វត្តមានរបស់រដ្ឋមន្ត្រីការបរទេសជប៉ុននៅចិនពេលនេះ ត្រូវបានលោក វ៉ាង យី ចាត់ទុកជាសញ្ញាបង្ហាញពីជំហររបស់ជប៉ុនក្នុងការពូនជ្រំចំណងការទូតទ្វេភាគី ហើយចិនពិតជារីករាយ ព្រោះទំនាក់ទំនងល្អ ជាការចង់បានរបស់ប្រទេសទាំងពីរ។ ទីភ្នាក់ងាព័ត៌មានរដ្ឋចិន Xinhua ផ្សាយថា ប្រមុខការទូតចិនបានស្នើឲ្យជប៉ុនសហការជាមួយចិនដើម្បីប្រឹងប្រែងអភិវឌ្ឍទំនាក់ទំនងទ្វេភាគី ខណៈទំនាក់ទំនងទ្វេភាគីបានមកដល់ចំណុចសំខាន់។
និយាយពីទំនាក់ទំនងអ្នកជិតខាងទាំងពីរនេះ គេឃើញបញ្ហាជាច្រើនដែលជាឧបសគ្គរាំងស្ទះ រាប់ចាប់ពីរឿងប្រវត្តិសាស្ត្រ រហូតជម្លោះដែនទឹកនៅតំបន់សមុទ្រខាងកើត។ ក្រុងប៉េកាំងតែងចោទក្រុងតូក្យូថា មិនប្រឹងលាងកំហុសសម័យសង្គ្រាមលោកលើកទីពីរ ដែលពេលនោះទាហានជប៉ុនសម្លាប់ប្រជាជនចិនជាច្រើនសែននាក់។ ចិនកាន់តែរង្កៀសចិត្ត ពេលនាយករដ្ឋមន្ត្រីជប៉ុន ស៊ីនហ្សូ អាបេ ចង់កែរដ្ឋធម្មនុញ្ញសន្តិភាពនិយម។
ទោះជាយ៉ាងណាក្ដី ប្រទេសទាំងពីរនៅតែបង្ហាញជំហរបោះដៃរកគ្នាដដែល។ ក្នុងជំនួបជាមួយសមភាគីជប៉ុន លោក វ៉ាង យី និយាយថា ជំហររបស់លោក អាបេ ដែលចង់សម្រួលទំនាក់ទំនងឡើងវិញ គឺជារឿងល្អ ទោះជាមានបញ្ហាខ្លះក្ដី។ លោក វ៉ាង យី បន្តថា ទំនាក់ទំនងចិន-ជប៉ុន តែងរសាត់បញ្ច្រាសចរន្តទឹក ទៅរកមុខ ហើយថយក្រោយរហូត។ ក្នុងន័យនេះ លោកស្នើឲ្យជប៉ុនប្រឹងប្រែងធ្វើសកម្មភាពឲ្យច្រើនដើម្បីស្ដារទំនាក់ទំនងឡើងវិញ ជាជាងបានត្រឹមតែនិយាយ។
ជាការឆ្លើយតប លោក កូណូ លើកឡើងថា ទាំងជប៉ុន ទាំងចិន មានទំនួលខុសត្រូវធំធេងក្នុងការរក្សាស្ថិរភាព និងសុខដុមរមនាតំបន់ និងពិភពលោកជារួម។ «យើងមិនត្រឹមតែសម្រួលទំនាក់ទំនងទ្វេភាគីឡើយ តែត្រូវចាប់ដៃដោះស្រាយបញ្ហាប្រឈមមុខរបស់ពិភពលោក រាប់ទាំងវិបត្តិនុយក្លេអ៊ែរកូរ៉េខាងជើង»។ នេះជាបញ្ជាក់របស់លោក កូណូ មុននឹងស្នើឲ្យចិនចាត់វិធានការថែមទៀតដើម្បីបង្ខំឲ្យកូរ៉េខាងជើងបោះបង់មហិច្ឆតានុយក្លេអ៊ែរ៕
ប្រមុខការទូតចិន វ៉ាង យី បានជួបជាមួយប្រមុខការទូតជប៉ុន តារ៉ូ កូណូ នៅថ្ងៃទី២៨ ខែមករា អំឡុងពេលទស្សនកិច្ចរយៈពេលពីរថ្ងៃរបស់លោក កូណូ នៅលើទឹកដីចិន ដែលចាប់ផ្ដើមកាលពីថ្ងៃទី២៧ ខែមករា។ ទស្សនកិច្ចរបស់ប្រមុខការទូតជប៉ុន មានគោលដៅពង្រឹងទំនាក់ទំនងទ្វេភាគីឲ្យកាន់តែប្រសើរឡើង ព្រោះទំនាក់ទំនងទ្វេភាគីរវាងមហាអំណាចសេដ្ឋកិច្ចពិភពលោកលំដាប់ទីពីរ និងទីបី មិនដែលស្គាល់ពាក្យល្អូកល្អឺនបានយូរឡើយ។
វត្តមានរបស់រដ្ឋមន្ត្រីការបរទេសជប៉ុននៅចិនពេលនេះ ត្រូវបានលោក វ៉ាង យី ចាត់ទុកជាសញ្ញាបង្ហាញពីជំហររបស់ជប៉ុនក្នុងការពូនជ្រំចំណងការទូតទ្វេភាគី ហើយចិនពិតជារីករាយ ព្រោះទំនាក់ទំនងល្អ ជាការចង់បានរបស់ប្រទេសទាំងពីរ។ ទីភ្នាក់ងាព័ត៌មានរដ្ឋចិន Xinhua ផ្សាយថា ប្រមុខការទូតចិនបានស្នើឲ្យជប៉ុនសហការជាមួយចិនដើម្បីប្រឹងប្រែងអភិវឌ្ឍទំនាក់ទំនងទ្វេភាគី ខណៈទំនាក់ទំនងទ្វេភាគីបានមកដល់ចំណុចសំខាន់។
និយាយពីទំនាក់ទំនងអ្នកជិតខាងទាំងពីរនេះ គេឃើញបញ្ហាជាច្រើនដែលជាឧបសគ្គរាំងស្ទះ រាប់ចាប់ពីរឿងប្រវត្តិសាស្ត្រ រហូតជម្លោះដែនទឹកនៅតំបន់សមុទ្រខាងកើត។ ក្រុងប៉េកាំងតែងចោទក្រុងតូក្យូថា មិនប្រឹងលាងកំហុសសម័យសង្គ្រាមលោកលើកទីពីរ ដែលពេលនោះទាហានជប៉ុនសម្លាប់ប្រជាជនចិនជាច្រើនសែននាក់។ ចិនកាន់តែរង្កៀសចិត្ត ពេលនាយករដ្ឋមន្ត្រីជប៉ុន ស៊ីនហ្សូ អាបេ ចង់កែរដ្ឋធម្មនុញ្ញសន្តិភាពនិយម។
ទោះជាយ៉ាងណាក្ដី ប្រទេសទាំងពីរនៅតែបង្ហាញជំហរបោះដៃរកគ្នាដដែល។ ក្នុងជំនួបជាមួយសមភាគីជប៉ុន លោក វ៉ាង យី និយាយថា ជំហររបស់លោក អាបេ ដែលចង់សម្រួលទំនាក់ទំនងឡើងវិញ គឺជារឿងល្អ ទោះជាមានបញ្ហាខ្លះក្ដី។ លោក វ៉ាង យី បន្តថា ទំនាក់ទំនងចិន-ជប៉ុន តែងរសាត់បញ្ច្រាសចរន្តទឹក ទៅរកមុខ ហើយថយក្រោយរហូត។ ក្នុងន័យនេះ លោកស្នើឲ្យជប៉ុនប្រឹងប្រែងធ្វើសកម្មភាពឲ្យច្រើនដើម្បីស្ដារទំនាក់ទំនងឡើងវិញ ជាជាងបានត្រឹមតែនិយាយ។
ជាការឆ្លើយតប លោក កូណូ លើកឡើងថា ទាំងជប៉ុន ទាំងចិន មានទំនួលខុសត្រូវធំធេងក្នុងការរក្សាស្ថិរភាព និងសុខដុមរមនាតំបន់ និងពិភពលោកជារួម។ «យើងមិនត្រឹមតែសម្រួលទំនាក់ទំនងទ្វេភាគីឡើយ តែត្រូវចាប់ដៃដោះស្រាយបញ្ហាប្រឈមមុខរបស់ពិភពលោក រាប់ទាំងវិបត្តិនុយក្លេអ៊ែរកូរ៉េខាងជើង»។ នេះជាបញ្ជាក់របស់លោក កូណូ មុននឹងស្នើឲ្យចិនចាត់វិធានការថែមទៀតដើម្បីបង្ខំឲ្យកូរ៉េខាងជើងបោះបង់មហិច្ឆតានុយក្លេអ៊ែរ៕
Tag:
ចិន
ជប៉ុន
វ៉ាង យី
តារ៉ូ កូណូ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
