ជាតិ
បទយកការណ៍ / បទសម្ភាសន៍
សៅ សូត្រទំរង់ពេជ្រ បវរកញ្ញាឯករង World Miss University៖ ការអប់រំមានតម្លៃដូចមកុដពេជ្រ!
×![]()
ដោយ: ខន ចំប៉ា
ភ្នំពេញ៖ កញ្ញា សៅ សូត្រទំរង់ពេជ្រ ជាបវរកញ្ញាសាកលវិទ្យាល័យលេខ១ប្រចាំប្រទេសកម្ពុជា និងជាបវរកញ្ញាឯករងទី៣ប្រចាំពិភពលោកឆ្នាំ២០១៧ ។ តាមរយៈកម្មវិធីប្រកួតបវរកញ្ញានេះ បានផ្លាស់ប្រែឥរិយាបថរបស់កញ្ញា សៅ សុត្រទំរង់ពេជ្រ ពីមនុស្សអៀនប្រៀន គ្មានទំនុកចិត្ត ទៅជាមនុស្សស្រីម្នាក់ដែលពោរពេញដោយថាមពល និងភាពជឿជាក់។ ការផ្លាស់ប្តូរនេះហើយ ដែលធ្វើឲ្យយុវតីសម្បុរស្រអែម វ័យ២២ឆ្នាំរូបនេះ ជឿជាក់ថាការអប់រំ មានតម្លៃកាត់ថ្លៃមិនបាន គឺប្រៀបដូចជាមកុដពេជ្ររបស់ស្ត្រីគ្រប់រូប។
កញ្ញា សៅ សូត្រទំរង់ពេជ្រ បានប្រែក្លាយខ្លួនឯងពីមនុស្សអៀនប្រៀន គ្មានទំនុកចិត្ត មិនក្លាហាន ទៅជាមនុស្សស្រីវ័យក្មេងមួយរូប ដែលពោរពេញដោយថាមពល បន្ទាប់ពីបានឆ្លងកាត់ការប្រកួតបវរកញ្ញា សាកលវិទ្យាល័យពិភពលោកឆ្នាំ២០១៧ (World Miss University 2017) ដែលបានបញ្ចប់កាលពីចុងខែធ្នូ ឆ្នាំ២០១៧កន្លងទៅ នៅមជ្ឈមណ្ឌលកោះពេជ្រ។ មិនត្រឹមតែប៉ុណ្ណោះ ការប្រកួតនេះ បាននាំឲ្យយុវតីស្រអែមស្រស់វ័យ២២ឆ្នាំរូបនេះ គ្រងមកុដបវរកញ្ញាឯកប្រចាំប្រទេសកម្ពុជា និងកញ្ញាឯករងទី៣ ប្រចាំពិភពលោកទៀតផង។
កញ្ញា សូត្រទំរង់ពេជ្រ ថ្លែងទាំងហួសចិត្តលាយសំណើចខ្លះ អួលដើមកខ្លះប្រាប់សារព័ត៌មានថ្មីៗ ថានាងមិននឹងស្មានថាខ្លួនមានសមត្ថភាព អាចយកឈ្នះបេក្ខនារីប្រមាណ៨០នាក់ទៀត មកពីប្រទេសផ្សេងៗនៅលើពិភពលោកសោះឡើយ។ សម្រាប់កញ្ញា សូត្រទំរង់ពេជ្រ នេះ ជាមោទនភាពសម្រាប់នាង ដែលបានបង្ហាញ និងលើកមុខមាត់ឪពុកម្តាយ លើកមុខមាត់សាលា និងមុខមាត់ប្រទេសជាតិ ប៉ុន្តែក៏ជារឿងមិនឲ្យគួរឲ្យជឿដែរ ដោយសារតែនាងជាមនុស្សអៀនច្រើន និងមិនសូវមានភាពជឿជាក់នេះឯង។
ពីបរិវេណសាកលវិទ្យាល័យបញ្ញាសាស្ត្រ ទីដែលនាងផ្តល់បទសម្ភាសដល់សារព័ត៌មានថ្មីៗ កញ្ញា សៅ សូត្រទំរង់ពេជ្រ បានរំឮកពីលក្ខណៈសម្បត្តិរបស់ខ្លួន មុនពេលចូលប្រកួតបវរកញ្ញាសាលកលវិទ្យាពិភពលោកដូច្នេះ៖«និយាយទៅកាលពីដំបូងខ្ញុំអៀនមែនទែន។ ខ្ញុំអត់ចាប់អារម្មណ៍ប្រឡងទេ ខ្ញុំអត់ស្អាត អត់ចេះដើរ ហើយខ្ញុំអៀនច្រើនទៀត។ តែពេលហ្នឹង អ្នកប្រចាំស្តង់ប្រកួតនៅហ្នឹង(PUC)គាត់អូសដៃខ្ញុំ ហើយគាត់ថាកម្ពស់ខ្ញុំស័ក្តិសមនឹងការប្រឡងហ្នឹង ហើយគាត់បញ្ចុះបញ្ចូលទៀតថា គេអត់យកស្អាតទេ គេយកចំណេះដឹង។ ខ្ញុំក៏ចាប់ផ្តើមចាប់អារម្មណ៍ ដោយសារខ្ញុំសិស្សអាហារូបករណ៍ អ៊ីចឹងខ្ញុំចង់ធ្វើអ្វីដើម្បីសងគុណសាលា ឲ្យសាលាមានមុខមាត់ តំណាងប្រទេសឈរលើឆាកអន្តរជាតិ។ អ៊ីចឹងទៅ ខ្ញុំក៏សម្រេចចិត្តដាក់ពាក្យប្រឡង»។
បន្ទាប់បានចូលរួមប្រកួតកម្មវិធីបវរកញ្ញាសាកលវិទ្យាល័យពិភពលោកនេះហើយ ដែលធ្វើឲ្យកញ្ញា សៅ សូត្រទំរង់ពេជ្រ យល់កាន់តែប្រចក្សថា ចំណេះដឹង ពិតជាមានតម្លៃកាត់ថ្លៃមិនបាន និងដែលថាមពលដ៏ចែងចាំងជាដរាប នាំជីវិតនារីគ្រប់រូប ឆ្ពោះទៅរកអនាគតមួយដែលល្អប្រសើរ។ ការអប់រំគឺជាមកុដពេជ្ររបស់ស្ត្រីគ្រប់រូប។ នេះជាការបញ្ជាក់របស់បវរកញ្ញាឯករងទី៣រូបនេះ ដោយនាងគូសបញ្ជាក់ដូច្នេះ៖«មនុស្សយើងទាំងអស់ សុទ្ធតែមានមកុដ យើងជាម្ចាស់ក្សត្រី ប៉ុន្តែមកុដហឹ្នងមិនមែន មកុដដែលយើងពាក់នៅលើក្បាលហ្នឹងទេ។ គឺការអប់រំរបស់យើង ការងាររបស់យើង។ បើសិនជាយើងមានការអប់រំ គឺវាចែងចាំងរហូត វាធ្វើឲ្យយើងមានអនាគតមួយដែលប្រសើរ។ និយាយទៅបើអត់មានការអប់រំ គឺយើងដើរមួយពាន់ មួយលានជំហ៊ាន ក្រោយអ្នកដែលគេមានការអប់រំ។ ស្ត្រីអ្វីដែលគាត់ត្រូវតែមាន គឺជំហរខ្លួនឯង និងការអប់រំ»។
ទន្ទឹមការរំឮកជារឿយៗ ថាការអប់រំមានតម្លៃខ្លាំង និស្សិតឆ្នាំទី៤ជំនាញអប់រំភាសាអង់គ្លេស នៅសាកលវិទ្យាល័យបញ្ញាសាស្ត្រកម្ពុជា(PUC) ដែលមានឪពុកជាមន្ត្រីរាជការចូលនិវត្តន៍ ម្តាយជាស្ត្រីមេផ្ទះរូបនេះ ក៏ទទួលស្គាល់ដែរថា ស្ត្រីខ្មែរបច្ចុប្បន្ន បានផ្លាស់ប្តូរផ្នត់គំនិតច្រើន ទាក់ទងនឹងការអប់រំនេះ ដោយពួកគាត់ចាប់ផ្តើមយល់ពីតម្លៃនៃការអប់រំ ហើយស្ត្រីវ័យក្មេងកម្ពុជាជាច្រើន ក៏មានសមត្ថភាពខ្លាំងៗដែរ។ សម្រាប់បវរកញ្ញាមកពីខេត្តកណ្តាលរូបនេះ រំពឹងថាអ្វីដែលខ្លួនបានធ្វើ អ្វីដែលខ្លួនបាននិយាយ គឺជាចំណែកតូចមួយ ជំរុញទឹកចិត្តស្ត្រីវ័យក្មេងដទៃទៀត យល់ពីតម្លៃនៃចំណេះដឹង។ កញ្ញា សៅ សូត្រទំរង់ពេជ្រ បញ្ជាក់ដោយម៉ឹងម៉ាត់ដូច្នេះ៖ «ខ្ញុំចង់អ្នកមានគំនិតអត់ចង់ផ្លាស់ប្តូរខ្លួនឯង ឲ្យពួកគាត់គិតថាពួកគាត់អាចធ្វើបាន កុំស្តាប់នូវអ្វីដែលគេនិយាយបង្អាក់ការគិតរបស់យើង ឲ្យពួកគាត់ងើបឈរឡើង មានជំហរខ្លួនឯង។ ផ្លាស់ប្តូរខ្លួនឯង និងផ្លាស់ប្តូរសង្គមយើង ឲ្យប្រសើរឡើង»។
ទោះជាកំពុងសិក្សា និងអះអាងចង់ក្លាយជាគ្រូបង្រៀនក៏ដោយ កន្លងមក កញ្ញា សៅ សូត្រទំរង់ពេជ្រ ក៏បាន និងកំពុង ធ្វើការងារមនុស្សធម៌នៅតាមសហគមន៍ និងធ្លាប់ចូលរួមកម្មវិធីលើកទឹកចិត្តយុវជន ឲ្យមានភាពក្លាហាន និងមានជំហរខ្លួនឯងផងដែរ។ ជាមួយគ្នានេះ កញ្ញា សៅ សូត្រទំរង់ពេជ្រ ថានាងចង់បង្កើតជាអង្គការ ឬសមាគម នៅអនាគត ដើម្បីផ្តល់ឱកាសដល់ស្ត្រីដែលខ្វះលទ្ធភាព ឲ្យបានសិក្សាអប់រំ ឬមានជំនាញវិជ្ជាជីវៈមួយច្បាស់លាស់។ សម្រាប់ បវរកញ្ញារូបនេះ នៅតែទន្ទេញជាប់មាត់ថា មានការអប់រំ អាចជួយស្ត្រីមានការគិតច្បាស់លាស់ និងវែងឆ្ងាយ មានការងារត្រឹមត្រូវ និងមិនចាំបាច់ពឹងផ្នែកលើមនុស្សប្រុសទាំងស្រុង ។
កម្ពុជា បានធ្វើជាម្ចាស់ផ្ទះនៃការប្រកួតបវរកញ្ញាសាកលវិទ្យាល័យពិភពលោក (World Miss University) លើកទី២៨ ដោយមានបេក្ខនារីជាង៨០នាក់មកពីទូទាំងពិភពលោក។ ការប្រកួតឈានដល់វគ្គផ្តាច់ព្រ័ត្រកាលពីថ្ងៃទី២០ ខែធ្នូ នៅមជ្ឈមណ្ឌលកោះពេជ្រ ដោយបវរកញ្ញាគុយបា Claudia Moras Baez ក្លាយជាម្ចាស់កមុដ ខណៈបវរកញ្ញាអ៊ុយក្រែន Nina Yevtushenko បវរកញ្ញាឡេតូនី Danila Gods-Romanovska បវរកញ្ញាកម្ពុជា សៅ សូត្រទំរង់ពេជ្រ និងបវរកញ្ញាប៉ូឡូញ Katarzyna Weronika Szklarczyk ជាប់ជាបវរកញ្ញាឯករង ទៅតាមលំដាប់ជាបន្តបន្ទាប់៕
កញ្ញា សៅ សូត្រទំរង់ពេជ្រ បានប្រែក្លាយខ្លួនឯងពីមនុស្សអៀនប្រៀន គ្មានទំនុកចិត្ត មិនក្លាហាន ទៅជាមនុស្សស្រីវ័យក្មេងមួយរូប ដែលពោរពេញដោយថាមពល បន្ទាប់ពីបានឆ្លងកាត់ការប្រកួតបវរកញ្ញា សាកលវិទ្យាល័យពិភពលោកឆ្នាំ២០១៧ (World Miss University 2017) ដែលបានបញ្ចប់កាលពីចុងខែធ្នូ ឆ្នាំ២០១៧កន្លងទៅ នៅមជ្ឈមណ្ឌលកោះពេជ្រ។ មិនត្រឹមតែប៉ុណ្ណោះ ការប្រកួតនេះ បាននាំឲ្យយុវតីស្រអែមស្រស់វ័យ២២ឆ្នាំរូបនេះ គ្រងមកុដបវរកញ្ញាឯកប្រចាំប្រទេសកម្ពុជា និងកញ្ញាឯករងទី៣ ប្រចាំពិភពលោកទៀតផង។
កញ្ញា សូត្រទំរង់ពេជ្រ ថ្លែងទាំងហួសចិត្តលាយសំណើចខ្លះ អួលដើមកខ្លះប្រាប់សារព័ត៌មានថ្មីៗ ថានាងមិននឹងស្មានថាខ្លួនមានសមត្ថភាព អាចយកឈ្នះបេក្ខនារីប្រមាណ៨០នាក់ទៀត មកពីប្រទេសផ្សេងៗនៅលើពិភពលោកសោះឡើយ។ សម្រាប់កញ្ញា សូត្រទំរង់ពេជ្រ នេះ ជាមោទនភាពសម្រាប់នាង ដែលបានបង្ហាញ និងលើកមុខមាត់ឪពុកម្តាយ លើកមុខមាត់សាលា និងមុខមាត់ប្រទេសជាតិ ប៉ុន្តែក៏ជារឿងមិនឲ្យគួរឲ្យជឿដែរ ដោយសារតែនាងជាមនុស្សអៀនច្រើន និងមិនសូវមានភាពជឿជាក់នេះឯង។
ពីបរិវេណសាកលវិទ្យាល័យបញ្ញាសាស្ត្រ ទីដែលនាងផ្តល់បទសម្ភាសដល់សារព័ត៌មានថ្មីៗ កញ្ញា សៅ សូត្រទំរង់ពេជ្រ បានរំឮកពីលក្ខណៈសម្បត្តិរបស់ខ្លួន មុនពេលចូលប្រកួតបវរកញ្ញាសាលកលវិទ្យាពិភពលោកដូច្នេះ៖«និយាយទៅកាលពីដំបូងខ្ញុំអៀនមែនទែន។ ខ្ញុំអត់ចាប់អារម្មណ៍ប្រឡងទេ ខ្ញុំអត់ស្អាត អត់ចេះដើរ ហើយខ្ញុំអៀនច្រើនទៀត។ តែពេលហ្នឹង អ្នកប្រចាំស្តង់ប្រកួតនៅហ្នឹង(PUC)គាត់អូសដៃខ្ញុំ ហើយគាត់ថាកម្ពស់ខ្ញុំស័ក្តិសមនឹងការប្រឡងហ្នឹង ហើយគាត់បញ្ចុះបញ្ចូលទៀតថា គេអត់យកស្អាតទេ គេយកចំណេះដឹង។ ខ្ញុំក៏ចាប់ផ្តើមចាប់អារម្មណ៍ ដោយសារខ្ញុំសិស្សអាហារូបករណ៍ អ៊ីចឹងខ្ញុំចង់ធ្វើអ្វីដើម្បីសងគុណសាលា ឲ្យសាលាមានមុខមាត់ តំណាងប្រទេសឈរលើឆាកអន្តរជាតិ។ អ៊ីចឹងទៅ ខ្ញុំក៏សម្រេចចិត្តដាក់ពាក្យប្រឡង»។
បន្ទាប់បានចូលរួមប្រកួតកម្មវិធីបវរកញ្ញាសាកលវិទ្យាល័យពិភពលោកនេះហើយ ដែលធ្វើឲ្យកញ្ញា សៅ សូត្រទំរង់ពេជ្រ យល់កាន់តែប្រចក្សថា ចំណេះដឹង ពិតជាមានតម្លៃកាត់ថ្លៃមិនបាន និងដែលថាមពលដ៏ចែងចាំងជាដរាប នាំជីវិតនារីគ្រប់រូប ឆ្ពោះទៅរកអនាគតមួយដែលល្អប្រសើរ។ ការអប់រំគឺជាមកុដពេជ្ររបស់ស្ត្រីគ្រប់រូប។ នេះជាការបញ្ជាក់របស់បវរកញ្ញាឯករងទី៣រូបនេះ ដោយនាងគូសបញ្ជាក់ដូច្នេះ៖«មនុស្សយើងទាំងអស់ សុទ្ធតែមានមកុដ យើងជាម្ចាស់ក្សត្រី ប៉ុន្តែមកុដហឹ្នងមិនមែន មកុដដែលយើងពាក់នៅលើក្បាលហ្នឹងទេ។ គឺការអប់រំរបស់យើង ការងាររបស់យើង។ បើសិនជាយើងមានការអប់រំ គឺវាចែងចាំងរហូត វាធ្វើឲ្យយើងមានអនាគតមួយដែលប្រសើរ។ និយាយទៅបើអត់មានការអប់រំ គឺយើងដើរមួយពាន់ មួយលានជំហ៊ាន ក្រោយអ្នកដែលគេមានការអប់រំ។ ស្ត្រីអ្វីដែលគាត់ត្រូវតែមាន គឺជំហរខ្លួនឯង និងការអប់រំ»។
ទន្ទឹមការរំឮកជារឿយៗ ថាការអប់រំមានតម្លៃខ្លាំង និស្សិតឆ្នាំទី៤ជំនាញអប់រំភាសាអង់គ្លេស នៅសាកលវិទ្យាល័យបញ្ញាសាស្ត្រកម្ពុជា(PUC) ដែលមានឪពុកជាមន្ត្រីរាជការចូលនិវត្តន៍ ម្តាយជាស្ត្រីមេផ្ទះរូបនេះ ក៏ទទួលស្គាល់ដែរថា ស្ត្រីខ្មែរបច្ចុប្បន្ន បានផ្លាស់ប្តូរផ្នត់គំនិតច្រើន ទាក់ទងនឹងការអប់រំនេះ ដោយពួកគាត់ចាប់ផ្តើមយល់ពីតម្លៃនៃការអប់រំ ហើយស្ត្រីវ័យក្មេងកម្ពុជាជាច្រើន ក៏មានសមត្ថភាពខ្លាំងៗដែរ។ សម្រាប់បវរកញ្ញាមកពីខេត្តកណ្តាលរូបនេះ រំពឹងថាអ្វីដែលខ្លួនបានធ្វើ អ្វីដែលខ្លួនបាននិយាយ គឺជាចំណែកតូចមួយ ជំរុញទឹកចិត្តស្ត្រីវ័យក្មេងដទៃទៀត យល់ពីតម្លៃនៃចំណេះដឹង។ កញ្ញា សៅ សូត្រទំរង់ពេជ្រ បញ្ជាក់ដោយម៉ឹងម៉ាត់ដូច្នេះ៖ «ខ្ញុំចង់អ្នកមានគំនិតអត់ចង់ផ្លាស់ប្តូរខ្លួនឯង ឲ្យពួកគាត់គិតថាពួកគាត់អាចធ្វើបាន កុំស្តាប់នូវអ្វីដែលគេនិយាយបង្អាក់ការគិតរបស់យើង ឲ្យពួកគាត់ងើបឈរឡើង មានជំហរខ្លួនឯង។ ផ្លាស់ប្តូរខ្លួនឯង និងផ្លាស់ប្តូរសង្គមយើង ឲ្យប្រសើរឡើង»។
ទោះជាកំពុងសិក្សា និងអះអាងចង់ក្លាយជាគ្រូបង្រៀនក៏ដោយ កន្លងមក កញ្ញា សៅ សូត្រទំរង់ពេជ្រ ក៏បាន និងកំពុង ធ្វើការងារមនុស្សធម៌នៅតាមសហគមន៍ និងធ្លាប់ចូលរួមកម្មវិធីលើកទឹកចិត្តយុវជន ឲ្យមានភាពក្លាហាន និងមានជំហរខ្លួនឯងផងដែរ។ ជាមួយគ្នានេះ កញ្ញា សៅ សូត្រទំរង់ពេជ្រ ថានាងចង់បង្កើតជាអង្គការ ឬសមាគម នៅអនាគត ដើម្បីផ្តល់ឱកាសដល់ស្ត្រីដែលខ្វះលទ្ធភាព ឲ្យបានសិក្សាអប់រំ ឬមានជំនាញវិជ្ជាជីវៈមួយច្បាស់លាស់។ សម្រាប់ បវរកញ្ញារូបនេះ នៅតែទន្ទេញជាប់មាត់ថា មានការអប់រំ អាចជួយស្ត្រីមានការគិតច្បាស់លាស់ និងវែងឆ្ងាយ មានការងារត្រឹមត្រូវ និងមិនចាំបាច់ពឹងផ្នែកលើមនុស្សប្រុសទាំងស្រុង ។
កម្ពុជា បានធ្វើជាម្ចាស់ផ្ទះនៃការប្រកួតបវរកញ្ញាសាកលវិទ្យាល័យពិភពលោក (World Miss University) លើកទី២៨ ដោយមានបេក្ខនារីជាង៨០នាក់មកពីទូទាំងពិភពលោក។ ការប្រកួតឈានដល់វគ្គផ្តាច់ព្រ័ត្រកាលពីថ្ងៃទី២០ ខែធ្នូ នៅមជ្ឈមណ្ឌលកោះពេជ្រ ដោយបវរកញ្ញាគុយបា Claudia Moras Baez ក្លាយជាម្ចាស់កមុដ ខណៈបវរកញ្ញាអ៊ុយក្រែន Nina Yevtushenko បវរកញ្ញាឡេតូនី Danila Gods-Romanovska បវរកញ្ញាកម្ពុជា សៅ សូត្រទំរង់ពេជ្រ និងបវរកញ្ញាប៉ូឡូញ Katarzyna Weronika Szklarczyk ជាប់ជាបវរកញ្ញាឯករង ទៅតាមលំដាប់ជាបន្តបន្ទាប់៕
Tag:
សៅ សូត្រទំរង់ពេជ្រ
បវរកញ្ញា
អប់រំ
មកុដ
© រក្សាសិទ្ធិដោយ thmeythmey.com
