អន្តរជាតិ
រថក្រោះយោធាតៃវ៉ាន់ក្នុងសមយុទ្ឋការពារខ្លួន
×![]()
ដោយ: តន ចាន់រិទ្ធារ៉ា
នៅថ្ងៃទី៣០ ខែមករា យោធាតៃវ៉ាន់បានធ្វើសមយុទ្ធយោធាដ៏ធំមួយនៅភាគខាងកើត ខណៈដែលការប្រឈមមុខជាមួយចិនដីគោកក៏កើនឡើងកាន់តែខ្លាំង។ សមយុទ្ធយោធាបាញ់គ្រាប់ពិតនេះ មានគោលដៅការពារពីការវាយប្រហារណាមួយ ដែលអាចកើតឡើងអំឡុងពេលសម្រាកបុណ្យចូលឆ្នាំខាងមុខនេះ។
យន្តហោះស៊ើបការណ៍ហោះត្រួតពិនិត្យនាវាដែលកំពុងឈ្លានពាន ឯរថក្រោះបានបាញ់គ្រាប់ពិតសន្ធប់លើសត្រូវកំពុងឡើងច្រាំងនៅកំពង់ផែ Hualien ភាគខាងកើត ខណៈកម្លាំងអាកាសមានឧទ្ធម្ភាគចក្រ និងយន្តហោះ F-16 បានបាញ់សំដៅគោលដៅសត្រូវដូចគ្នាដែរ។ នេះគឺជាសកម្មភាពយោធាតៃវ៉ាន់ក្នុងសមយុទ្ធប្រចាំឆ្នាំ ដែលធ្វើឡើងនៅថ្ងៃទី៣០ ខែមករា ដើម្បីឆ្លើយតបការឈ្លានពាន និងបង្កើនទំនុកចិត្តដល់ប្រជាជនផង។
បើតាមទីភ្នាក់ងារព័ត៌មាន AFP ក្រសួងការពារជាតិតៃវ៉ាន់មិនបានបញ្ជាក់ថា សមយុទ្ធនេះមានគោលដៅការពារខ្លួនពីការវាយប្រហាររបស់ចិនឡើយ។ ប៉ុន្តែគោលដៅសំខាន់ គឺជាការបង្ហាញការប្ដេជ្ញាចិត្តការពារសន្តិភាពច្រកសមុទ្រតៃវ៉ាន់ និងសន្តិសុខតៃវ៉ាន់ផ្ទាល់។ ច្រកសមុទ្រតៃវ៉ាន់ ជាដែនទឹកខណ្ឌចែកតៃវ៉ាន់ និងចិនដីគោក ហើយជាញឹកញាប់ ចិនដីគោកតែងបង្ហាញសាច់ដុំយោធារបស់ខ្លួននៅច្រកសមុទ្រសំខាន់នេះ។
សមយុទ្ធបែបការពារខ្លួនរបស់យោធាតៃវ៉ាន់តែងធ្វើឡើងនៅមុនបុណ្យចូលឆ្នាំ ដែលជាថ្ងៃសម្រាកវិសម្សកាលដ៏ធំរបស់ជនជាតិចិនទាំងអស់។ សមយុទ្ធបែបនេះ ក៏ជាការបង្ហាញអានុភាពយោធាឲ្យប្រជាជនបានឃើញ និងទុកចិត្តសមត្ថភាពប្រយុទ្ធរបស់កងទ័ពតៃវ៉ាន់។ ឧត្តមសេនីយ៍ឯក Huang Kai-sen នៃយោធាតៃវ៉ាន់ និយាយថា ការត្រៀមខ្លួនប្រយុទ្ធរបស់កងទ័ព គ្មានថ្ងៃសម្រាកឡើយ និងត្រៀមធ្វើសកម្មភាព២៤ម៉ោងលើ២៤ម៉ោង។
សូមបញ្ជាក់ថា ទំនាក់ទំនងឆ្លងច្រកសមុទ្រតៃវ៉ាន់ កាន់តែងកម្ដៅខ្លាំង ចាប់ពីលោកស្រី Tsai Ing-wen ក្លាយជាប្រធានាធិបតីតៃវ៉ាន់មកនោះ ព្រោះលោកស្រីមាននិន្នាការរកការប្រកាសឯករាជ្យ ដែលក្រុងប៉េកាំងចាត់ទុកជាបន្ទាត់ក្រហម។ តាំងពីឆ្នាំ២០១៦ មក ក្រុងប៉េកាំងបានបង្កើនចំនួនសមយុទ្ធនៅតំបន់នេះ ទាំងសមយុទ្ធជើងអាកាស និងជើងទឹក ដើម្បីបង្អួតសាច់ដុំដាក់តៃវ៉ាន់ ហើយគ្រាន់តែខែមករានេះ នាវាដឹកយន្តហោះចិនបានធ្វើដំណើរក្បែរតៃវ៉ាន់ពីរដងទៅហើយ។
ការប្រើកម្លាំងយោធាដើម្បីក្ដាប់យកតៃវ៉ាន់ឡើងវិញ នៅតែជាជម្រើសសម្រាប់មេដឹកនាំក្រុងប៉េកាំងដដែល ក្នុងករណីតៃវ៉ាន់ហ៊ានប្រកាសផ្ដាច់ខ្លួននោះ។ ឯតៃវ៉ាន់បានត្រឹមចិញ្ចឹមចិត្តបំបែកខ្លួនប៉ុណ្ណោះ ព្រោះអានុភាពយោធារបស់ខ្លួន នៅមិនទាន់អាចប្រៀបផ្ទឹមនឹងកម្លាំងយោធាចិននៅឡើយ។ ក្រុងតៃប៉ិក៏បានពង្រឹងសមត្ថភាពយោធាជាបន្តបន្ទាប់ដែរ ជាពិសេសជំនួយពីអាមេរិកតែម្ដង ដ្បិតសង្គ្រាមនឹងកើតឡើងចៀសមិនផុត បើតៃវ៉ាន់មិនបោះបង់គំនិតឯករាជ្យនោះ។
យន្តហោះស៊ើបការណ៍ហោះត្រួតពិនិត្យនាវាដែលកំពុងឈ្លានពាន ឯរថក្រោះបានបាញ់គ្រាប់ពិតសន្ធប់លើសត្រូវកំពុងឡើងច្រាំងនៅកំពង់ផែ Hualien ភាគខាងកើត ខណៈកម្លាំងអាកាសមានឧទ្ធម្ភាគចក្រ និងយន្តហោះ F-16 បានបាញ់សំដៅគោលដៅសត្រូវដូចគ្នាដែរ។ នេះគឺជាសកម្មភាពយោធាតៃវ៉ាន់ក្នុងសមយុទ្ធប្រចាំឆ្នាំ ដែលធ្វើឡើងនៅថ្ងៃទី៣០ ខែមករា ដើម្បីឆ្លើយតបការឈ្លានពាន និងបង្កើនទំនុកចិត្តដល់ប្រជាជនផង។
បើតាមទីភ្នាក់ងារព័ត៌មាន AFP ក្រសួងការពារជាតិតៃវ៉ាន់មិនបានបញ្ជាក់ថា សមយុទ្ធនេះមានគោលដៅការពារខ្លួនពីការវាយប្រហាររបស់ចិនឡើយ។ ប៉ុន្តែគោលដៅសំខាន់ គឺជាការបង្ហាញការប្ដេជ្ញាចិត្តការពារសន្តិភាពច្រកសមុទ្រតៃវ៉ាន់ និងសន្តិសុខតៃវ៉ាន់ផ្ទាល់។ ច្រកសមុទ្រតៃវ៉ាន់ ជាដែនទឹកខណ្ឌចែកតៃវ៉ាន់ និងចិនដីគោក ហើយជាញឹកញាប់ ចិនដីគោកតែងបង្ហាញសាច់ដុំយោធារបស់ខ្លួននៅច្រកសមុទ្រសំខាន់នេះ។
សមយុទ្ធបែបការពារខ្លួនរបស់យោធាតៃវ៉ាន់តែងធ្វើឡើងនៅមុនបុណ្យចូលឆ្នាំ ដែលជាថ្ងៃសម្រាកវិសម្សកាលដ៏ធំរបស់ជនជាតិចិនទាំងអស់។ សមយុទ្ធបែបនេះ ក៏ជាការបង្ហាញអានុភាពយោធាឲ្យប្រជាជនបានឃើញ និងទុកចិត្តសមត្ថភាពប្រយុទ្ធរបស់កងទ័ពតៃវ៉ាន់។ ឧត្តមសេនីយ៍ឯក Huang Kai-sen នៃយោធាតៃវ៉ាន់ និយាយថា ការត្រៀមខ្លួនប្រយុទ្ធរបស់កងទ័ព គ្មានថ្ងៃសម្រាកឡើយ និងត្រៀមធ្វើសកម្មភាព២៤ម៉ោងលើ២៤ម៉ោង។
សូមបញ្ជាក់ថា ទំនាក់ទំនងឆ្លងច្រកសមុទ្រតៃវ៉ាន់ កាន់តែងកម្ដៅខ្លាំង ចាប់ពីលោកស្រី Tsai Ing-wen ក្លាយជាប្រធានាធិបតីតៃវ៉ាន់មកនោះ ព្រោះលោកស្រីមាននិន្នាការរកការប្រកាសឯករាជ្យ ដែលក្រុងប៉េកាំងចាត់ទុកជាបន្ទាត់ក្រហម។ តាំងពីឆ្នាំ២០១៦ មក ក្រុងប៉េកាំងបានបង្កើនចំនួនសមយុទ្ធនៅតំបន់នេះ ទាំងសមយុទ្ធជើងអាកាស និងជើងទឹក ដើម្បីបង្អួតសាច់ដុំដាក់តៃវ៉ាន់ ហើយគ្រាន់តែខែមករានេះ នាវាដឹកយន្តហោះចិនបានធ្វើដំណើរក្បែរតៃវ៉ាន់ពីរដងទៅហើយ។
ការប្រើកម្លាំងយោធាដើម្បីក្ដាប់យកតៃវ៉ាន់ឡើងវិញ នៅតែជាជម្រើសសម្រាប់មេដឹកនាំក្រុងប៉េកាំងដដែល ក្នុងករណីតៃវ៉ាន់ហ៊ានប្រកាសផ្ដាច់ខ្លួននោះ។ ឯតៃវ៉ាន់បានត្រឹមចិញ្ចឹមចិត្តបំបែកខ្លួនប៉ុណ្ណោះ ព្រោះអានុភាពយោធារបស់ខ្លួន នៅមិនទាន់អាចប្រៀបផ្ទឹមនឹងកម្លាំងយោធាចិននៅឡើយ។ ក្រុងតៃប៉ិក៏បានពង្រឹងសមត្ថភាពយោធាជាបន្តបន្ទាប់ដែរ ជាពិសេសជំនួយពីអាមេរិកតែម្ដង ដ្បិតសង្គ្រាមនឹងកើតឡើងចៀសមិនផុត បើតៃវ៉ាន់មិនបោះបង់គំនិតឯករាជ្យនោះ។
Tag:
តៃវ៉ាន់
ចិន
© រក្សាសិទ្ធិដោយ thmeythmey.com
