David Beckham ផ្តើមគម្រោងក្លិបបាល់ទាត់អាជីពរបស់ខ្លួននៅក្រុង Miami

កីឡាអន្តរជាតិ

អន្តរជាតិ

David Beckham ផ្តើមគម្រោងក្លិបបាល់ទាត់អាជីពរបស់ខ្លួននៅក្រុង Miami

30, Jan 2018 , 7:19 pm

រូបភាព

David Beckham សហការជាមួយអ្នកជំនួញអាមេរិក វិនិយោគលើក្លិបបាល់ទាត់នៅ Miami។ រូបថត AFP

ដោយ: រួបរួម

អតីតកីឡាករឆ្នើមជម្រើសជាតិអង់គ្លេស David Beckham និងសហម្ចាស់កម្មសិទ្ធិរបស់ខ្លួន បានបើកសម្ពោធគម្រោងក្លិបបាល់ទាត់ថ្មីមួយនៅក្រុង Miami រដ្ឋហ្វ្លរីដា សហរដ្ឋអាមេរិក បន្ទាប់ពីទទួលបានសិទ្ធិអាជីវកម្មពីក្របខណ្ឌបាល់ទាត់កម្ពុជាអាមេរិក (MLS)។

លោក Jorge Mas អ្នកជំនួញដ៏មានមុខមាត់ម្នាក់នៅក្រុង Miami បានសហការជាមួយអតីតខ្សែប្រយុទ្ធជម្រើសជាតិអង់គ្លេស ដើម្បីដំណើរការក្លិបបាល់ទាត់អាជីពថ្មីមួយដែលត្រូវចូលរួមក្នុងក្របខណ្ឌ Major League Soccer។ Beckham បាននិយាយប្រាប់ CNBC កាលពីដើមសប្តាហ៍កន្លងមកថា វាជាឱកាសក្នុងការបណ្តុះបណ្តាលធនធានប្រចាំតំបន់។

MLS បានប្រកាសបន្តសិទ្ធិអាជីវកម្មសម្រាប់ Beckham និងដៃគូរកស៊ីរបស់ខ្លួន ប៉ុន្តែឈ្មោះក្រុម និមិត្តសញ្ញា រួមទាំងដំណើរការរបស់ក្រុមមិនទាន់ត្រូវបានប្រកាសឲ្យដឹងជាសាធារណៈឡើយ គ្រាន់តែដឹងថា ក្លិបថ្មីនោះ នឹងមានមូលដ្ឋាននៅ Mima។

តាមគម្រោង ក្លិបដែលមាន Beckham ជាសហម្ចាស់កម្មសិទ្ធិ នឹងមានកៅអីទស្សនា ២៥០០០ ក្រោមទឹកប្រាក់វិនិយោគ២២៥លានដុល្លារអាមេរិក។ អតីតកីឡាករក្លិប Manchester United, Preston North End, Real Madrid, Milan, LA Galaxy និង Paris Saint-Germain រូបនេះ បានលើកឡើងថា ក្លិបចង់សាងកេរ្តិ៍ឈ្មោះចាប់ពីថ្នាក់តំបន់ជាមុនសិន មុននឹងបោះជំហានទៅក្របខណ្ឌ MLS៕